نوادر مزاياهـ ...!

حي الغلا بالقلب حيّاه حيّاه.=للي ملك قلبي بحب وغراما.
نوادر اوصافه قليله حلاياه.=لو قلتها ماتت حروف الملاما.
احلا تصاوير البشر بات يزهاه.=جمال خده زاد زينه بِشاما.
تثمر على ديباج قلبي سجاياه.=يقطف زهور الود حب وهياما.
الوجه به سهم المنايا على فاه.=عطبول كن الوجه بدر التماما.
الدمع لو حار وتناثر ندى ماه.=تطيّبت خديه عطر الخزامى.
فستق حلب لا لمّت شْفاه بشفاه.=وغمّازة الخدين بصمة إبهاما.
انفاسها طهر البَرَدْ قبل مرماه.=إليا تجمّع في صدور الغماما.
تارد على عد الغلا كل عطاياه.=ود وحنين وحب وهيبة مقاما.
له وَجْنِةٍ صارت نوادر مزاياه.=ديباج باتت فوق ريش النعاما.
كل المشاعر ذابت بْناعم ايداه.=وذاب الحرير وذاب معه اللثاما.
عِطره مع ثيابه ولمعة مراياه.=تهامسوا في حسنها والقواما.
الكف قيمر بالسكاكر امحلاه.=واصابعه ماكنْ فيها عظاما.
همسه تغاريدٍ وتكّاتْ بخطاه.=كنْ صوتها تكات ساعة نظاما.
في جلسته لا بيّن الساق رجلاه.=عاجٍ وشايل له حمامة سلاما.
هذي وصوفه والهنا في خفاياه.=مابين بستانه يالين الحزاما.
إليا حكى فاحت وروده حكاياه.=متعطره منها حروف الكلاما.
حيّه وحيّ ايامه وحيّ طرياه.=حيّ السنين اللي روتني غراما.
يا زعفرانه يامنى القلب ورضاه.=يااغلى من الياقوت بين الآناما.
مسك الختام لخير قافٍ بديناه.=القلب من بعدك عن الغيد صاما.

صح لسانك اخوي صالح عمار على النص الجزل دمت بخير

المشاركة الأصلية كتبت بواسطة صالح بن عمار

تثمر على ديباج قلبي سجاياه.=يقطف زهور الود حب وهياما.
الوجه به سهم المنايا على فاه.=عطبول كن الوجه بدر التماما.
الدمع لو حار وتناثر ندى ماه.=تطيّبت خديه عطر الخزامى.
فستق حلب لا لمّت شْفاه بشفاه.=وغمّازة الخدين بصمة إبهاما.
انفاسها طهر البَرَدْ قبل مرماه.=إليا تجمّع في صدور الغماما.
عِطره مع ثيابه ولمعة مراياه.=تهامسوا في حسنها والقواما.
همسه تغاريدٍ وتكّاتْ بخطاه.=كنْ صوتها تكات ساعة نظاما.
هذي وصوفه والهنا في خفاياه.=مابين بستانه يالين الحزاما.
إليا حكى فاحت وروده حكاياه.=متعطره منها حروف الكلاما.
حيّه وحيّ ايامه وحيّ طرياه.=حيّ السنين اللي روتني غراما.
يا زعفرانه يامنى القلب ورضاه.=يااغلى من الياقوت بين الآناما.
مسك الختام لخير قافٍ بديناه.=القلب من بعدك عن الغيد صاما.

صح لسانك أخي صالح قصيدة جزلة وعذبة .


الف شكر .

عِطره مع ثيابه ولمعة مراياه.=تهامسوا في حسنها والقواما.

الكف قيمر بالسكاكر امحلاه.=واصابعه ماكنْ فيها عظاما.

الله على الابداع اخوي صالح بن عمار صح لسانك

تحياتي

صح لسانك أخوي صالح بن عمار

صح لسانك ولاهنت يالقرم

من ابداع الا ابداع اخر

اترقب جديدك

صح لسانك اخوي صالح على القصيده الجزله

صح لسانك اخوي صالح عمار على النص الجزل دمت بخير

اللااااه اللااااه

صح لساااانك ياصالح
مبدع في كل طرق وكل إسلوب شعري ...

مشكور ماقصرت وصح لسانك