الرئيسية التسجيل البحث جديد مشاركات اليوم الرسائل الخاصة أتصل بنا
LAst-2 LAst-3 LAst-1
LAst-5
LAst-4
LAst-7 LAst-8 LAst-6

 
 عدد الضغطات  : 27647
 
 عدد الضغطات  : 38676

« آخـــر الـــمـــشـــاركــــات »
         :: شيلات الشاعر عبدالرحمن العقيلي باصوات افضل المنشدين (آخر رد :عبدالرحمن العقيلي)       :: مرثية الشاعر عبدالرحمن العقيلي في والده الشيخ متروك بن صالح العقيلي رحمه الله https: (آخر رد :عبدالرحمن العقيلي)       :: مرثية الشيخ تراحيب بن صالح العقيلي رحمه الله1440هــ (آخر رد :عبدالرحمن العقيلي)       :: حفل الشاب سعود عبد الكريم العقيلي عنيزه (آخر رد :عبدالرحمن العقيلي)       :: حفل الشاب نور بن زبن العقيلي (آخر رد :عبدالرحمن العقيلي)       :: حفل الشاب عبدالله مرداس العقيلي (آخر رد :عبدالرحمن العقيلي)       :: مرثية الراحل الاستاذ عواض بن نور العقيلي رحمه الله (آخر رد :عبدالرحمن العقيلي)       :: عودة بعد غيبة ليست بالقصيرة واعتذار (آخر رد :عبدالرحمن العقيلي)       :: موقف الشيخ هدايه الشاطري شيخ شمل الشطر مع العتيبي والحابوط (آخر رد :الخضيراء)       :: الشيخ هدايه بن عطيه شيخ شمل الشطر مع العتيبي (آخر رد :الخضيراء)      


العودة   منتديات الموازين الرسميه > المنتديات الادبيه > شــــعـــراء منتديات الــمــــوازين

شــــعـــراء منتديات الــمــــوازين كل مايخص بشعراء الأعضاء في منتديات الموازين , قصايدهم النظم وسيرتهم الذاتيه.

إضافة رد
انشر الموضوع
 
أدوات الموضوع
غير متواجد حالياً
 رقم المشاركة : ( 1 )
عضو ماسي
رقم العضوية : 7729
تاريخ التسجيل : 29 01 2010
الدولة : ذكر
العمر :
الجنس :
مكان الإقامة :
عدد المشاركات : 3,214 [+]
آخر تواجد : 29 - 12 - 15 [+]
عدد النقاط : 16
قوة الترشيح : فارس الكلمه is on a distinguished road
الأوسمـة
بيانات الإتصال
آخر المواضيع

التوقيت
افتراضي معلقة قبيلة مطــــــــــــــــــــــير (حمران النواظر ) للشاعر أحمد بن مدلج

كُتب : [ 21 - 04 - 12 - 10:03 PM ]

معلقة قبيلة مطير


(حمران النواظر )


للشاعر / أحمد بن مصنت بن مدلج الميزاني






يا هاجسي لا هنت كمهير كمهير=عطني وأنا بعطيك والعاقبة خير
أبليز أنا ونته ولا فيه تأخير=ما فات شي وزبدة الهرج نيشان
الليل توه والمسافة طويلة=أنا ليا جات المساري دليله
أقدح بزندي عند خشم الفتيلة=وجسّد المعنى على قاف ووزان
هبي عليه يا هبوب القصايد=أسرجب مهراً قلدوها القلايد
حي البيوت وحي جزل الفرايد=للشعر حزاته واللحرب ميدان
ليّه عزومن فشدايد قويه=والحمد لله واشكره ما عليه
أنا وريث العزوة العالمية=هذا كلام الصدق ماني بغلطان
بمجد المطران وأفخر بربعي=وصك عن بعض السواليف سمعي
تمجيد ربيعي حق والصدق طبعي=والبيت ما يبنى على غير سيسان
حنا أمطير معربين الجدودي=لزادو أهل الزود حنا نزودي
الشاهد الله والقبايل شهودي=والله مصلطنا على كل فتان
سدنا وجينا فالديار وعمرنا=تعرف مواقفنا وتعرف ديرنا
محدن يناحينا ولا حداً قدرنا=ومركاضنا يشبع به الذيب سرحان
قدام حكم اللي حكم فلجزيره=يوم الملاقى بالسيوف الشطيرة
نرسي سوات الهضبة المستديرة=وأثقل على البيدا من الضلع ورقان
دقلتنا ينصر بها اللي يضدي=وأفعلنا في كل مجلس تعدي
المسرع اليا من وصلنا يهدي=وأمجادنا تبقا على مر الأزمان
يشهد لنا بالفعل نجد المسمى=يوم العزاوي والعمايم ترمى
كم راس شيخن من طعنا يدمى=فرساننا تغلب على كل فرسان
منا الدويش اللي عدل ظمر الجيش=فعلن على برهان ما فيه تشويش
فيصل يا ستر منقّضات العكاريش=تستاهل التمجيد يا طير حوران
وفيصل ولد وطبان سقم المعادي=محنّين سيفه صباح وهجادي
في ساعتاً فيها يزود العنادي=فيصل ولد وطبان والساس دوشان
ودعسان حطاب الدويش المسما=كم مرة ً فوق المعادين سما
من ضرب سيفه كم روسن ترما=حزام منهو طول الأيام حيران
وابن بصيص ينعرف فلقدايم=يقدى الجموع ولا يعرف الهزايم
يوم النشاما ينطلون العمايم=وسمه مسجل للمهمات عنوان
وابن شرار يعد في كل قاله=شيخن عشق درب النقا والجزاله
هذا أصدق الشعار في كل حالة=سجل له التاريخ سيره وديوان
والفغم سيفن فلملاقى نسلّه=له منزلن بين النجوم المطله
هذا الكلام اللي عليه الأدلة=يفك أسر اللي من الوقت بلشان
لنا تواريخاً بقت مضرب أمثال=لو زالت أجبال السراوات ما زال
فيصل عن تسعة وتسعين خيال=هذا الكلام اللي مسجل بوكدان
وفعلن روته الكتب لبن ازهيميل=مجداً يتوج لليالي المقابيل
لا صيح الصياح ثم غارت الخيل=عز الله أنك يا بيض الوجه مزبان
وكم فعل رجلن فالمجالس أحكيبه=وهذي على الفريس ما هي غريبة
ابو حنايا بأن ذكره وطيبه=حباب لا جاء لا شهب الملح دخان
وأبو فراسن فلقى ما توارى=اللي نطح سبعة أجموعاً تبارى
وفتنان والجبعا اسباع المغارى=ونذكر ميسمير الفراوى وفجحان
وقعدان ابن درويش طير الفلاحي=ياما ثنا دون الرمك بالسلاحي
يسكر صطر لاسمع صوت الصياحي=الصدق نور ولايبا الصدق جحدان
ومتعب ابن جبرين خطل الأيادي=فك أسر نوره بسيوف الحدادي
هذي الحقيقة والصحيح الوكادي=يوم أنتخبته قال عندي وأنا فلان
ومبلش بدأ بلولة كل قمه=أشهد شهادة حق شبل المهمه
جمع العدا لو زاد ماهو بهمه=مقدام خيلن تلتقي يوم الاكوان
والنعم من حض البصيص مشاري=دواس للظلمى وذيب الغداري
عوق الخصيم اليا طرالة طواري=لعدو صقور المواقيف صعران
وصاهود ابن لامي منجي دخيله=كساب قولت نعم عن كل جيله
ينطح من الجيش المعادي قبيله=ويبدي مثل نور القمر كل ما بان
ومناحي القني عشير النشامه=سيف السطر رمح الظفر والزعامه
فعله متريخ لين يوم القيامه=أنا أشهد أنه فلمواقف كحيلان
والفغم هايف بذكره ما نسيته=اللي على وضح النقاء بان صيته
يكفي عنه تاريخه اللي قريته=وذكره وصل لحد بيشه ونجران
والمندها مشخص عزيز الجنابي=يقلط علي روس العدا ما يهابي
بالماس الأشقر والحدب والحرابي=لا هان رجلن يرفع الرأس لاهان
وزيد ابن مشخص ما جهلنا فعوله=ضلعاً يذري من تذرا بحوله
هذا الكلام اللي لزومن نقوله=والنار مصدرها قديحه وصوان
وابن صغير له مواقف عديده=راساً محنك والشجعة رصيده
كم طوع أمن الناس روساً عنيده=خصمه يقضي الليل خايف وسهران
وحمود مقدام الحمادين ما غاب=عز الرفيق ونار حمرا للأجناب
ياما رقاء بالطائلة كل مرقاب=قد قيل فيه امن اجزل الشعر قيفان
وهاجد ابن ظمنه معشي الهجافا=بيته عليه الناس دايم تلافا
رغم القساء ما كب بيت الضيافا=تدريبه العربان فكل الاوطان
وهابس سوات سهيل كلاً يشوفه=ورفاعي اللي ما لقينا وصوفه
له وقفتاً بين الرجال معروفه=والنعم ما يكفيك يا ذخر عشوان
وحنس عدو القوم ناراً لضيه=لصّوت المضيوم يأهل الحميه
سقم العدا والشاهد الله عليه=للضد ضد ونفتخر به بليهان
عباد أبو قرنين تروا فعوله=لعدو الفريس لازم نقوله
واخوه عبد الله أحزام البطوله=هذا الكلام اللي موثق ابرهان
وبن معلث ماهراً بالطرادي=لا زادو الفرسان بلفعل زادي
لا ثارت الهيجا ونادي المنادي=بدم يروي سلة السيف شمان
وصنيتان أبن درويش غيث المنادي=اليا التقى الجمعان ماله ملادي
من هيبتة تخشاة كل الاعادي=ليا عطا الجزلات ماهو بمنان
وغالي يضد الجمع في كل غاره=الشيخ ابن سحمان نمر النماره
فعله نعده والمراجل شطاره=في وقعت النبطا وفيضة لحيّان
ومعه من الظبطان عابد وغيره=ودرعه اصقورن فعلهم فالجزيره
احويل ومذكر متعبين المغيره=امجوّد المنسب لهم راس سحمان
وابا الصفا ذيبن يدوس الحراوي=دون المواقف ملتوا بلملاوي
حزام من صكة عليه البلاوي=عداً رهاوي يارده كل ضميان
ودهام ابن دواس سمن للاكباد=غيث الضعيف اللي شفوقاً على الزاد
سجل له التاريخ بصمات وأمجاد=بلفعل يشهد له عواني وعدوان
يا مكثرين الهرج والقال والقيل=مال المواقف غير سطام أبا الخيل
ما صار فلماضي رووه الرياجيل=يوم أذكر اللي فات يا كان ماكان
وخضران ابن جملاء حميد المساعي=ليا دعا للحرب والموت داعي
يارد حياض الموت سم الأفاعي=ما خاب ظن اللي مسميك خضران
وغيره ارجالن يحتمون الكسيره=شويش المعرقب والرجال الشهيره
ومحمد المجنون رمح المغيره=وطامي القريفه وابن هزاع ضيدان
وابن قطيم أسمه فرق فلأسامي=ما يعطبه فلمعركه كل رامي
إكعام من يونس بخشمه اعرامي=ولا قام بيت العز من غير عمدان
والسور لا عدو هل الفعل ينعد=وابن دريع معرب الخال والجد
وفعل الشويب في سجله مورد=حق وحقيقة ما هو بقول كذبان
وابن لو يحق ما هضمنا حقوقه=مثل السحاب اللي تكاشف بروقه
كم فارساً بالماس الأشقر يعوقه=ويثور لا حان اللقى تقل بركان
وبن مهيلب نعرفه وبن هذال=وحسين ودغيم لهم مجد لا زال
وغنيم ابن بطاح والحق ينقال=ومنديل وعويض وابن زريبان
هاذي حقايق والحقايق وثايق=ولا فيه أحد من كلمة الحق ضايق
واللي زعل خله يولع حرايق=ما ينتجاز الطيب يا كود بحسان
هزاع وكميخ المريخي ومسعود=وطبان ودغيم وشبلان معدود
فعلن مثبت فلقدايم ومشهود=ما يمحي دام الفعايل لها شان
وبخيت سيس للأمارة أشدادي=تشهد له العربان حضر وبوادي
هذاك ابن مدلج كعام المعادي=وعلى فعوله يشهد الإنس والجان
وعوض وعايض يا سهوم المنايا=أهل البوارق متعبين السرايا
تاريخهم بين القبايل روايا =وعوض تريس في ضريه للأخوان
ومغلي فعوله فلقدايم مسماه=ليا ذكرنا أهل المدايح ذكرناه
من يوم مغلي مات وصرم قلباه=يقوله اللي يلعب الشعر بلحان
وغالي حزامه فلمواقف ذراعه=ومخبور راع الروم سيف الشجاعه
وسمي لسان الصدق في كل ساعه=من رأس شيخن شيخت أسنان وعنان
وخالد ابن عايض عشير المناعير=يقدا الجموع ولا يهاب الطوابير
والقاضي مصاول حكيم الأشاوير=من رأس زيزوم المراجل بخيتان
حمد الحمر محداً يسوى سواته=واخوه حامد محزمه في حياته
وحميد مزبان الدخيل ونجاته=عسى لهم في جنت الخلد مسكان
وابن مجلاء وقفته من جحدها=لا صاح فوق الخيل طشت ولدها
كبداً يعالجها وكبداً لهدها=من لابتاً خلقو مطانيخ شجعان
والهنشل المذكور سيفن محنا=ليا اعتزوبه حاضراً ماتونا
من حدته سود الليل زبنا=والنصر حالفنا على مر الأزمان
وشامان ابن مذيخ عطيب الظرايب=مورد الخايف ليا صار هايب
طير السعد لن كان شبت شبايب=يطرب ليا جا للمفاتيل دندان
وأسم الذويبي ما يبا ترجماني=تدريبه العربان قاصي وداني
فعلن نعده فالخفاء والبياني=ويدري بقول الصدق حضرن وبدوان
وموسم زبون الطيب حماي ساقه=راع البعجا مكمل حقوق الرفاقه
والله يا فيه امن الوفاء واللباقه=يوم الحرايب ينطح الجمع ما خان
وصلال يبدي مثل شمس النهارا=ومن السطر لا صال يقدح شرارا
وخلص وثارا في نهار المثارا=ثم قال هذا الموت شوفه بلعيان
وخلف ثنا قدم وجه المغيره=وافتك ربعه وحتزم بالذخيره
وش قال غالي يالوجيه السفيره=لولا خلف صرنا عشا الذيب سرحان
وفعل الهضاع عبيد محداً يغره=واللي يعز الجنب لله دره
وابو خطامه كوكبن فلمجره=من داين الأخصام لابد يندان
وحمدان يارد بلعزوم القويه=ومن صطوته يقلط على البندقية
ما تختفي وقفتك يابن ثعيه=يا كبر حظ اللي تعزوا بحمدان
وصقير وبن أبديد ما فيه حيله=وعواض متعب كل قبن كحيله
وحراص ابن ناجي حزام القبيله=ومن غير قاصر فلمسمى نويبان
وغايب على جمع الأعادي مصيبه=وحمد ما خيب واحداً يعتزيبه
وابن مطيلق فلقى ينعديبه=ناخذ من الواقع شهادة وعرفان
والله دخيل الله ليا صار ما صار=ابن خليوي من طويلين الأشبار
له مع رجال الصيت وزعه ومقدار=رفيع هامة فلمهمات وحصان
وافر وبن لافي نهار المغازي=ما هزهم فلمعركة كل غازي
وصنهات فعله بان يم الحجازي=ابن حريش اللي على الضد عوان
وهلال ابن حريش وابن الجذيه=مسعود ابن قرناس زبن الونيه
ومحمد اسقيان راع الحميه=لولا مواقيفه ملقب بصمدان
وعقاب ابن دغداش راسن عنيدي =بالمدح ما يكفيه بيت القصيدي
يثبت نهار المعركة ما يحيدي=ويقطف ورود المجد من كل بستان
ومنا الثلاثة اللي رسو ساعه الحرب=قدم الزعيم وقفلو قدمه الدرب
صكو عليه وزودو فوقه الكرب=وصدر من المارد مشرد وعطشان
ومذكور ابن هادي حصان الأطاليب=والقرم ابن مزنان سبع المراقيب
ودوخي ابن برجس زبون المواجيب=ولا طار طير الجو من دون جنحان
شباب ابن غازي عريب الجدودي=حول براع الخيل خصمن لدودي
بين النجج وبين عرق النفودي=وعلي ابن مرزوق والرب رحمان
وابن بنش ذكره وصل كل ديره=له سيرتاً تفرق على كل سيره
يثني ليا من شب للحرب نيره=ولا يستمع في هرج واشي وجابان
سرحان بن قرناس درع القرانيس=ياحي ذكرك يابعيد المراميس
مازعزه كثر الحكي والوساويس=اليا حضر سلطان وإن غاب سلطان
واسم السناح القرم كلن درابه=يارد على الموت الحمر ما يهابه
رايه حكيم وسدد الله صوابه=عزمه يهد الضلع قاسي ولا لان
والشوف عوضالله وديع الركايب=يوم المراجل فلجزيره نهايب
ستر الهنوف اللي تكد الذوايب=سلايل الشوفان ما هم برديان
معجب غدير الموت شبل الرجالي=وجزاء وذاير محتمين التوالي
وعامر وصالح في نهار القتالي=يثنون والبارود من فوق الامتان
وطايع ومسعود النجوم المطله=ومطيع ظلعاً ما تغير محله
البيرق المنشور بلغصب تله=عقصان لا ذكرو أهل الفعل عقصان
ولنا على العدوان صوله وجولات=سجل لنا التاريخ مجد وبطولات
منها صباح القرن والعاذريات=ومناخ كير اللي يخلد إلى الآن
وكونن مع الاتراك فلحشوريه=محداً فعل فلكون مثله وزيه
تشهد بيوت ازويد ابن شليه=اللي نضمها يا صف اللي لهم كان
وابن صباح ارسل جيوشه علينا=دون الرمك بالماس الأشقر ثنينا
الطايره طاحت وكسبه خذينا=حنا زمان الجاهليه لنا شأن
واذكر نهار أهدان والحرمليه=يوم أعتزوا بلعزوه العبد ليه
لنا الفخر وقدام رجلي جريه=واللي يكذبني من الناس غلطان
وعشر العوارض فعلهم ينحكابه=كلن يسولفبه وكلن درابه
يوم الرقيبه واق في راس لابه=قالو احتمو ميقافكم موتنا حان
ولا ينجحد فلكون فعلن فعلناه=لا جاء الخطأ فسلومنا ما تركناه
الوجه من شان العوايد صلخناه=ورد البرا ما نتركه كل الاحيان
معاد ليه فلمدايح وسايل=تاريخنا معروف بين القبايل
يوم الزنود تشب روس الفتايل=والمعذره لا صار فلقول نقصان







.


التعديل الأخير تم بواسطة ابن الشاعر ; 01 - 07 - 12 الساعة 11:44 PM
رد مع اقتباس
غير متواجد حالياً
 رقم المشاركة : ( 2 )
<img src=
رقم العضوية : 54
تاريخ التسجيل : 15 05 2007
الدولة : ذكر
العمر :
الجنس :
مكان الإقامة :
عدد المشاركات : 32,017 [+]
آخر تواجد : 20 - 03 - 24 [+]
عدد النقاط : 29
قوة الترشيح : أبن مصاول is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: معلقة قبيلة مطــــــــــــــــــــــير (حمران النواظر ) للشاعر أحمد بن مدلج

كُتب : [ 22 - 04 - 12 - 12:10 AM ]

صح لسان الشاعر / أحمد بن مصنت بن مدلج الميزاني وقصيدة تسرد مواقف مطير وفريسها وأعلامها نشكره على سرده العادل ,,,فقط هناك ملاحظة في نقص بعض الحروف أو زيادة بعضها مما شوه القصيده.

نرجو إعادة كتابتها بتأني ثم معاودة تنزيلها في نفس هذا الموضوع لتكتمل جماليتها مع الشكر الجزيل للعضو المميز فارس الكلمه

علمتني الحياة : انني إذا أردت أن احلق مع الصقور ,فلا أضيع وقتي مع الدجاج.
قمة الغباء .. أن تحاول أن تكون عميق .. في زمن أصبحت كل أشياؤه سطحيه.
سُئل هتلر : " من هم أحقر الناس الذين قابلتهم في حياتك؟" فأجاب: " أولئك الذين ساعدوني على احتلال بلدانهم"
رد مع اقتباس
غير متواجد حالياً
 رقم المشاركة : ( 3 )

.
رقم العضوية : 7041
تاريخ التسجيل : 07 10 2009
الدولة : ذكر
العمر :
الجنس :
مكان الإقامة :
عدد المشاركات : 274 [+]
آخر تواجد : 29 - 12 - 14 [+]
عدد النقاط : 10
قوة الترشيح : متعب الزنغوب is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: معلقة قبيلة مطــــــــــــــــــــــير (حمران النواظر ) للشاعر أحمد بن مدلج

كُتب : [ 22 - 04 - 12 - 02:50 AM ]

اشكر الشاعر على القصيده على مدح فريس ومشايخ مطير ولوكان جزء بسيط منه

أنإ أسـمــي ألزنغوب والجــد زراق

من ساس ميـزان ألعـريـقـه فصيـله
عونــي ولي بطيب مبدى وميثاق
عبـإد جدي والمطيري قبيلــــــله
أهـ~ــل الثلاث المعجزه ربع ورفـاق
مــاهمنا رأس الـمعادي نشــيـله
رد مع اقتباس
غير متواجد حالياً
 رقم المشاركة : ( 4 )

.
شاعر الجزلات
رقم العضوية : 5709
تاريخ التسجيل : 29 03 2009
الدولة : ذكر
العمر :
الجنس :
مكان الإقامة : مشرفة الدجمان
عدد المشاركات : 2,180 [+]
آخر تواجد : 09 - 08 - 18 [+]
عدد النقاط : 10
قوة الترشيح : علي حميدان الدجيما is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: معلقة قبيلة مطــــــــــــــــــــــير (حمران النواظر ) للشاعر أحمد بن مدلج

كُتب : [ 22 - 04 - 12 - 07:57 AM ]

الله لايهينك يابو مصنت شاعر مافيك حيله

رد مع اقتباس
غير متواجد حالياً
 رقم المشاركة : ( 5 )

.
شـــــاعــــر النُخـــــبــه
رقم العضوية : 6712
تاريخ التسجيل : 09 08 2009
الدولة : ذكر
العمر :
الجنس :
مكان الإقامة : الـــقــصــــــيـــــــم
عدد المشاركات : 972 [+]
آخر تواجد : 01 - 11 - 14 [+]
عدد النقاط : 16
قوة الترشيح : الحميدي بن فارس بن مدلج is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: معلقة قبيلة مطــــــــــــــــــــــير (حمران النواظر ) للشاعر أحمد بن مدلج

كُتب : [ 22 - 04 - 12 - 09:12 AM ]

صح لسان اخوي أحمد مصنت بن مدلج
والله يعطيك العافيه اخوي فارس الكلمه
تحياتي للجميع

رد مع اقتباس
غير متواجد حالياً
 رقم المشاركة : ( 6 )

.
رقم العضوية : 4207
تاريخ التسجيل : 04 10 2008
الدولة : ذكر
العمر :
الجنس :
مكان الإقامة :
عدد المشاركات : 2,252 [+]
آخر تواجد : 09 - 08 - 19 [+]
عدد النقاط : 10
قوة الترشيح : ابن الشاعر is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: معلقة قبيلة مطــــــــــــــــــــــير (حمران النواظر ) للشاعر أحمد بن مدلج

كُتب : [ 22 - 04 - 12 - 11:35 PM ]

صح لسان الشاعر المبدع / أحمد بن مصنت بن مدلج على هالقصيده الوافيه والجزله
ولاهنت اخوي فارس الكلمه على ايرادها
.
.




التعديل الأخير تم بواسطة ابن الشاعر ; 23 - 04 - 12 الساعة 11:16 PM
رد مع اقتباس
غير متواجد حالياً
 رقم المشاركة : ( 7 )
عضو ماسي
رقم العضوية : 7729
تاريخ التسجيل : 29 01 2010
الدولة : ذكر
العمر :
الجنس :
مكان الإقامة :
عدد المشاركات : 3,214 [+]
آخر تواجد : 29 - 12 - 15 [+]
عدد النقاط : 16
قوة الترشيح : فارس الكلمه is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: معلقة قبيلة مطــــــــــــــــــــــير (حمران النواظر ) للشاعر أحمد بن مدلج

كُتب : [ 23 - 04 - 12 - 07:10 PM ]

اقتباس:
المشاركة الأصلية كتبت بواسطة أبن مصاول مشاهدة المشاركة
صح لسان الشاعر / أحمد بن مصنت بن مدلج الميزاني وقصيدة تسرد مواقف مطير وفريسها وأعلامها نشكره على سرده العادل ,,,فقط هناك ملاحظة في نقص بعض الحروف أو زيادة بعضها مما شوه القصيده.

نرجو إعادة كتابتها بتأني ثم معاودة تنزيلها في نفس هذا الموضوع لتكتمل جماليتها مع الشكر الجزيل للعضو المميز فارس الكلمه
صح بدنك وتسلم على المرور المشرف يابو ضيف الله والقصيدة يابو ضيف الله أتعبتني حيث تقارب 200 بيت ومن ناحية التنسيق لم أستطع وأخوي ابن الشاعر كفى ووفى وقام بتنسيق القصيدة فله الشكر والامتنان ولي فترة وأنا أطلب منه القصيدة لكي ترى النور من خلال هذا الصرح وحبيت تكون بداية تنزيلها من هذا المنتدى قبل المنتديات الاخرى

رد مع اقتباس
غير متواجد حالياً
 رقم المشاركة : ( 8 )
عضو ماسي
رقم العضوية : 7729
تاريخ التسجيل : 29 01 2010
الدولة : ذكر
العمر :
الجنس :
مكان الإقامة :
عدد المشاركات : 3,214 [+]
آخر تواجد : 29 - 12 - 15 [+]
عدد النقاط : 16
قوة الترشيح : فارس الكلمه is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: معلقة قبيلة مطــــــــــــــــــــــير (حمران النواظر ) للشاعر أحمد بن مدلج

كُتب : [ 23 - 04 - 12 - 07:12 PM ]

اقتباس:
المشاركة الأصلية كتبت بواسطة متعب الزنغوب مشاهدة المشاركة
اشكر الشاعر على القصيده على مدح فريس ومشايخ مطير ولوكان جزء بسيط منه
والشكر لك أنت أخوي على المرور والتعليق الطيب ونعم هذه جزء من فعائل مطير ففعائلهم لاتنحصر بكتابة قصيدة حتى وإن طالت بيوتها

رد مع اقتباس
غير متواجد حالياً
 رقم المشاركة : ( 9 )
عضو ماسي
رقم العضوية : 7729
تاريخ التسجيل : 29 01 2010
الدولة : ذكر
العمر :
الجنس :
مكان الإقامة :
عدد المشاركات : 3,214 [+]
آخر تواجد : 29 - 12 - 15 [+]
عدد النقاط : 16
قوة الترشيح : فارس الكلمه is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: معلقة قبيلة مطــــــــــــــــــــــير (حمران النواظر ) للشاعر أحمد بن مدلج

كُتب : [ 23 - 04 - 12 - 07:15 PM ]

اقتباس:
المشاركة الأصلية كتبت بواسطة علي حميدان الدجيما مشاهدة المشاركة
الله لايهينك يابو مصنت شاعر مافيك حيله
الله لايهينك على المرور الطيب والرد الطيب يابو حسين واثنينكم مافيكم حيلة

رد مع اقتباس
غير متواجد حالياً
 رقم المشاركة : ( 10 )
عضو ماسي
رقم العضوية : 7729
تاريخ التسجيل : 29 01 2010
الدولة : ذكر
العمر :
الجنس :
مكان الإقامة :
عدد المشاركات : 3,214 [+]
آخر تواجد : 29 - 12 - 15 [+]
عدد النقاط : 16
قوة الترشيح : فارس الكلمه is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: معلقة قبيلة مطــــــــــــــــــــــير (حمران النواظر ) للشاعر أحمد بن مدلج

كُتب : [ 23 - 04 - 12 - 07:17 PM ]

اقتباس:
المشاركة الأصلية كتبت بواسطة الحميدي بن فارس بن مدلج مشاهدة المشاركة
صح لسان اخوي أحمد مصنت بن مدلج
والله يعطيك العافيه اخوي فارس الكلمه
تحياتي للجميع
الله يعطيك الف عافية يابو خالد على المرور والكلام الطيب شاكر ومقدر مرورك الكريم

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:28 PM.


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم

إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها