على هونك

لايابعد روح عبدالله على هونك= الحكم قاسي وانا مضلوم بالعاني
ماتدري إني حضنت الموت من دونك= كله على شان خاطرك وعلى شاني
الله يسامحك وايخليك وايصونك=صدقت فيني كلام افلان وافلاني
اللي على باب هجراني يودونك=وش مصلحتهم من اشعاري وقيفاني
عذال وادري على شخصي يحسدونك=الله حسيبي على العذال من داني
نصيحتي يابعدهم لايهمونك=الهرج في تالي الايام مجاني
ايوالله اني احبك واعشق اعيونك=وباقي على العهد مادام الله احياني
يمكن اني اعيش باقي العمر من دونك=لكن صعبه اعيشه مع احد ثاني
وإن كان شعري يحسسك اني اخونك= قلي وانا احرم ابياتي وقيفاني

هذه القصيدة رائعة ياابن نوار ولاهنت عليها ونبي مثلها واطيب .

لكن لو تنبه للأغلاط المطبعية علشان القصيدة تكتمل :

(( كله على شان خاطرك وعلى شاني ))

اللي مايعرف الشعر سوف يقرأها (( كل على عشان خاطرك وعلى شاني ))




تتميز قصائدك بعذوبة وبساطة تصل الى القلوب باسرع الطرق قلتها منذا اول قصيدة لك واثبتت في قصائدك الأخرى أنك تنهل من منهل عذب قريب الى القلب وتناولك وطرحك مميز ولم أقرأ مثله سابقا .

صـح لسـآنـك وتسلـم مـن كـل شـر وتقبـل تـحيـآتي

يسلم فمك قصدي صح لسانك

صح لسااااانك ولآهنت ياعبداللــــــــه

اخوي سالم صح بدنك وشهاده اعتزفيها شرفني مرورك والله لايهينك

الرويس صح الله لسانك ولاهنت يالغالي

اخوي الدويله صح بدنك وشكرا على المرورالجميل

عبدالله الميزاني صح بدنك

صح لسانك اخوي عبدالله شاعرنا المبدع.....ولا هنت

لدي مداخله بسيطه وهي في البيت اللي يقول:

يمكن اني اعيش باقي العمر من دونك=لكن صعبه اعيشه مـع احـد ثانـي

للأسف البيت مكسور في الصدر وفي العجز ...إلا إذا فيه خطاء إملائي

هذا البيت بكل القصيده:

ماتدري إني حضنت الموت من دونك=كله على شان خاطرك وعلى شانـي

صوره رهيبه ....

ابن مصاول