السلام عليكم ورحمة الله وبركاته
مسـآكم ~ صبـآحكم . . خيرات
حبيت اشرح لكم طريقة تسوي استديو مبسط بالبيت مثل الاستديو اللي عندي . .
هو بسيط بمعنى الكلمه بس يفيد واهم شي تطلع بـ نتايج حلوه
بالاول بقول لكم ان الاستديو مو كله من افكاري ! الخطوه الاولى اخذتها من المصور سلطان السلطان
وبعدين صرت اشوف استديوهات المصورين واشوف الاشياء اللي يستخدمونها ومو موجوده عندي واضيفها . .
والحين بجمع لكم اشياء كثيره تعلمتها من مصورين بهالدرس وان شاء الله يفيدكم
\
اول شي . . يبي لك تجيب طاوله او كرسي او مركى او أي شي عشان تحط عليه الاستديو وانا حطيت كرسي
ثاني شي . . تجيب لك قطعة سراميك وتحطها فوق الكرسي
عشان تضمن ان الاستديو يكون متساوي
ثالث شي . . تحط قماش او لوحة فلين فوق قطعة السراميك
ويكون اللون على حسب الشي اللي انت تبي تصوره انا دايم استخدم الابيض والاسود
رابع شي . . تحط قطعة قزاز عشان الانعكاس اهم شي ان القطعه ما تكون سميكه
" اذا صارت سميكه تسوي لك اكثر من انعكاس "
وهذي صورة لسمك القزازه اللي عندي
الحين يكون نص الاستديو جاهز بس باقي الخلفيه والاضاءه !
ويكون الشكل كذا
\
الحين نجي للخلفيه
انا بالبدايه كنت استخدم قطع فلين وكان عندي ثلاث الوان ازرق و اسود وابيض !
بعد فتره صرت احتاج خلفيات الوان ثانيه فـ صرت اشتري صفائح ملونه
" اللي تباع بالمكتبات "
يجي منها الوان كثيره وبنفس الوقت تقدر تثبتها على قطعة الفلين وممكن تستخدم قماش
وهذي صوره لبعض الخلفيات اللي عندي
\
الحين وقت الاضاءه ,
الاضاءه هي اصعب شي بالموضوع . . لان توزيع الاضاءه بالاستديو صعب !!
وتوزيع الاضاءه يعتبر فن من فنون التصوير , ويصير دورات خاصه لـ الاضاءه فقط !
ويجي منها انواع واشكال كثيره . . احنا راح نستخدم البسيطه واللي تعطي شي حلو
انا استخدم بالاضاءه لمبات عاديه مثل هذي ,
احيانا استخدم ثنتين واحيانا ثلاث واحيانا استخدم فلاش خارجي يعني على حسب
و يبي لك سلك تسويه عند محلات الكهرباء طوله مترين او اكثر عشان تقدر تحركه وتأخذه براحتك
الحين نجي لترتيب الاضاءه
راح تكون الاضاءه بين الاستديو والخلفيه . .
ويكون نازل شوي عن الاستديو عشان تصير مخفيه وهذي الاضاءه اللي استخدمها دايم بالتصوير الاستديو يقولون لها
" الاضاءه المخفيه "
طبعـآ انتم شايفين بالصوره اني حاط الاضاءه على مركى وفوق المركى قطعة قصدير
الهدف من المركى اني ارفع الاضاءه لـ نص الاستديو بس لا اكثر !
يعني اذا كنت حاط الاستديو على مركى ما يحتاج ترفعه . .
اما الفايده من القصدير عشان يقوي الاضاءه " يعني يسوي انعكاس للاضاءه "
انا كنت قبل حاط الاضاءه داخل كرتون صغير . .
وشفت هالشي باستديو احد المصورين !
وجربتها وشفت الفرق والحين اوريكم الفرق
الصوره هذي كانت الاضاءه داخل الكرتون بالطريقه القديمه
وهذي الاضاءه على القصدير
الفرق واضح وإلا لا ؟
طريقة القصدير سهله وفايدتها كبييييره . .
الطريقه تقطع نص لوحة فلين وتلف عليها قصدير وتثبتها على اللوحه وبسس !!
وهذي صوره توضح لكم طريقة ترتيب الاضاءه داخل الاستديو
1-الاستديو .
2-الاضاءه .
3-الخلفيه .
هذا كل شي عن الاستديو
بالنسبه لافضل اعدادات للكاميرا ان يكون التعريض طويل
" سرعة الشتر بطيئه "
عشان تكون الاضاءه اقوى وافضضل : )
م / ن
للفائدة ..