وش حصلت ليلى بعد ماقضى قيس

السلام عليكم
ابيات للتواصل

قلت ادخلي في صرح اقامه سليمان=واليا انكشف لك ساق عادي يابلقيس
تحرّري من جور تقييد الارسان=الى متى هذي المشاعر محابيس؟
مرّت سنه ماهل غيثك يالامزان=مرّت سنه وعروق قلبي ميابيس
ادري على جرّتك نظرات الاعيان=ولي جرّةِ يقتصّها حادي العيس
لكن تراي انسان وحقوق الانسان=تفرض عليك تبادلين الاحاسيس
الوقت مايمهل والآجال برهان=وش حصّلت ليلى بعد ماقضى قيس؟

لـكـن تــراي انـسـان وحـقـوق الانـسـان
تـفــرض عـلـيـك تبـادلـيـن الاحـاسـيــس
الــوقـــت مـايـمـهــل والآجـــــال بـــرهـــان
وش حصّلت ليلى بعد ماقضى قيس؟


الله ابياات رائعه اخ سليمان صح لساانك

صح السانك اخوي سليمان ع القصيده الاكثر من رائعه ولا هنت ...

اخوي سليمان صح لسانك اعجبني جدا توظيف قصة النبي سليمان عليه السلام مع بلقيس حينما دعاها الى الصرح الممرد هذا الخيال لايأتي الا من شاعر كبير بقامة سليمان الطويرقي جميل جدا وأعتقد انه
لايوجد محظور شرعي في ذالك انشاألله (وش حصلت ليلى بعد ماقضى قيس )
وهذا هو بيت القصيد شاعر مدينة الورد اللذي عانق السحاب بأبجديته المميزه فأصبحت
ابياته لها عذوبة خاصه اشكرك كثيرا اخوي سليمان تقبل اعجابي وتقديري دمت بتألق .

صح لسانك اخوي سليمان والله يعطيك العافيه
تقديري لك

السلام عليكم ورحمة الله وبركاته وبعد /
أبيات جميلة .
أعذيك ياأيها ا لشاعر من إبليس ... وعسى نهايتها تكون بلقيس
ودمتم سالمين

صح لسانك وشعرك اخوي سليمان
حضرت فابدعت فامتعت
شاعر متمكن واهنيك على هالنص الفائق الشاعريه
تقبل ودي واعجابي
.

صح بدنك اختي عنود..شاكر مرورك الكريم

صح بدنك اختي همس..شاكر مرورك الكريم

صح بدنك اخوي ساكب الحرف
شاكر مرورك الكريم والاطراء اللي يدل على طيب سجاياك
وان شاء الله مافي محظور شرعي وان كان هناك محظور فأستغفر الله العظيم