ارجو الدخول منكم . .

السلام عليكم ورحمة الله وبركاته




اعضاء ومشرفين منتديات الموازين . . اخباركم عساكم طيبي ياصحابي




والله اني مشتاقلكم بعد ها الغيبه الطويله . .



وانا حبيت اني انزل هذه القصيده لكم لاني اعرفكم رياجيلن كفو للشعر وتقيمون الشعراء يا أحبتي


وبعد . .




انا بحاول اني اقولكم قصة القصيده او يعني اسباب كتابتي لها لكي اوضح لكم . .


وانا ودي منكم تقيمونها لي الله يرضالي عليكم . .


قصة القصيده او اسباب كتابتي لها . .



هذا واحد من الجماعه خيال وفارس وله سباق انشاء الله بعد اسبوع وقالو الرياجيل اي واحد شاعر يكتب له قصيده بهذه المناسبه . .


وكلن كتب من عنده وانا كتبت القصيده هذي بس لها الحين ماعرضتها لحد خايف انه يصير بها كسر او ماشابه او يعني ليست بالمعنى الكافي . . وانا ابي منكم ياعضاء ومشرفين وشعراء المنتدى انت تقيموها لي وتشوفونها هل هي تجمل عند الرياجيل ولا من جمبها الله يرضالي عليكم ردو علي . .

في شهر فبراير ونصف الشهر يوم=يوم الوعد وقت اللقى حان طاريه
يوم القمر غايب وغابت له نجوم=وشعشع نهار الصبح بانت مواريه
وجانا مع الخليان صوت(ن)من القوم=صوت الصهيل الي من بعيد نوحيه
واستدرجت في وسط مضمار مرسوم=بنت الاصايل سرج ابوها مع البيه
من فوقها فارس على الفوز ملزوم=تركي ولد نايف على الفوز نبديه
فارس مخضرم واصل الفوز شغموم=هاوي تحدي من تحدى بيمحيه
كاسب كسب لطيب لك نرفع السوم=لاطم لطم وجه العدى من يجاريه
عازم عزم للفوز من خلفه قروم=واصل وصل حد التألق على اوكيه
يعني وش الي بعد تمو على الصوم=صومو على مركز تعب حيلكم فيه
ودك تعرف انك على الفوز محروم=يوم تسأل للعرب عاجز(ن)ليه
ناظر بعينك قدم واصحى من النوم=وحاول تشوف الطيب نهو بقنيه
طيب المراكز والذهب حوله الحوم=كل(ن)من الفرسان وده يجي ايديه
لاكن كلمة بالنهايه لك ادوم=كلمة بقوسها وتختم على وجيه
(تبطو عظم)للمركز الي لشغموم=تركي ولد نايف له الفوز يبديه

اتمنى من الشعراء ان يقيمو القصيده ويعلموني وش الاخطاء الله لايهينكم

نعم اخوي ذوي عون هناك ملاحظات واتركها للشعراء وما دام أبو عيسى مر على الموضوع أجل مالنا كلام فما بعد أبو عيسى مطرش مع الأحترام للشعراء الآخرين..

ولكن نرجو ان تتقبل النقد بروح رياضيه ..

وفي الأخير نقول لك : من طول الغيبات جاب الغنايم

أخوك أبن مصاول

اخي العزيز بن مصاول



انا مستعد لأي نقد منكم لين انا ماجبت القصيدة وعرضتها لكم اله وانا اعرف انكم كفو للقصيد والنقد



بس ماشوف نقد يابن مصاول لها الحين

حياك الله ياذوي عون
واذا كانت القصيده هي اول قصيده لك فهي جيده وفيها بعض الملاحظات من ناحية الوزن وبعض الكلمات مش مفهومه
اعتبارا من عجز البيت العاشر عندما قلت


يوم تسأل للعرب عاجز ليه 00 هذا الشطر مكسور ويحتاج الى اعادة وزن
كذلك ( وحاول تشوف الطيب نهو بقنيه) والله ماني فاهم شي لاوزن ولامعنى
كذلك (كل ن من الفرسان وده يجي يديه )فيه ثقل في هذا الشطر

هذي ملاحظاتي واتمنى لك التوفيق

لاهنت يابن غلاب


والقصيدة انا كنت متسرع واانا اكتبها يعني . .



يوم تسأل للعرب عاجز ليه <- ( يوم تسأل للعرب عاجز(ن)ليه )

وحاول تشوف الطيب نهو بقنيه <- ( وحاول تشوف الطيب منهو بيقنيه )

كل(ن) من الفرسان وده يجي ايديه <- بالنسبه لهذا الشطر لا اعلم ان كان به ثقل او ماشابه

الله يرضالي عليكم يأخوان


وينكم وين الشعراء قيمو القصيده بعد التعديل الله لايهينكم



منتضركم . .

حياك اخوي ذوي عون وبما انك مصر على النقد إذاً أستلم بالإظافة لملاحظات اخوي أبو عيسى هناك التالي:

قولك :
كلمة بقوسها وتختـم علـى وجيـه <<<ماذا تقصد بوجيه؟؟


(تبطو عظم)للمركز الـي لشغمـوم<<<<تعبير غير موفق بالمره ولا يعتبر من كلمات التي تضمن في الشعر حاول إعادة الصياغه بكلمات شاعريه اكثر أقصد (تبطوا عظم).

ناظر بعينك قدم واصحى من النـوم

المعنى ضعيف جداً

أبن مصاول: يعلم الله اننا لم نرد من نقدنا إلا مصلحتك اخي

بيض الله وجهك يابن مصاول ونتعلم منك المفيد دائم



تختم على وجيه <- معناتها كنت اقصد فيها وجيه الناس التي تحاول ان تأخذ المراكز



تبطو عظم <- هذا تعجيز للمتسابق يعني بالعاميه يسترييييييييييح


ناظر بعينك قدم اصحى من النوم <- معنى ضعيف <- ( وجهة نظر واحترمها )



وشاكرلك

المشاركة الأصلية كتبت بواسطة ذوي عون

بيض الله وجهك يابن مصاول ونتعلم منك المفيد دائم


ووجهك يا غالي ..

تختم على وجيه <- معناتها كنت اقصد فيها وجيه الناس التي تحاول ان تأخذ المراكز

إذا المعنى ضعيف جداً يا ذوي عون


تبطو عظم <- هذا تعجيز للمتسابق يعني بالعاميه يسترييييييييييح

لا يصح ان تستخدمه في مناسبة مثل هذه وكل الناس تبحث عن الشعر الجزل وبنظرون فيمن امامهم وهناك من ضمنهم الشعراء وغير الشعراء من النقاد

ناظر بعينك قدم اصحى من النوم <- معنى ضعيف <- ( وجهة نظر واحترمها )



وشاكرلك

.........................................