واحديحكي قصة ليلة زواجه!! لايفوتكم هههههههه

> > هذا واحد يحكي قصة ليلة زواجه>>>>> والله ياهي تفطس من الضحك
> >
> > ************ ****
> >
> >
> >
> > ليلة الزواج.. ياهي ليلة عيد طبعا ً الناس تختلف عاداتهم .. من ديره لـ ديره
> > اللي يلبسون كرفتات . . واللي يلبسون طرابيش .. واللي يلبسون ثياب
> >
> > انا ابي اسولف عن اهل الخليج .. وبتحديد السعودية .. وبتحديد خخخ
> > اقصد منطقتنا
> >
> > طبعا ً قبل العرس لازم تنسق مع اهل العروس سعر المهر.
> > وعندنا المهر مو ثابت .. يعني على حسب البنت
> > إذا هي شق ( صاروخ ) يطلبون 30000الف .. وإذا لم تكن كذلك يطلبون اقل الثلاثين الى 20000 الف
> > واذا هي مشلوله ب5000 الف
> >
> > وفي مجتمعنا المحافظ .. يقهرونك قهر ورب الكعبة .. تروح اختك وامك يتفحصون البنت
> > << مادري شارين لي موتر مو بنيه .. مو ناقص إلا يطقون فيها فره يجربونها
> >
> > المهم ..
> >
> > و ترا المسألة على حسب ذوق اختك ..
> > وبيني وبينك .. اذا تبي تعرف ذوق اختك افتح دفترها حق المدرسة ..
> > إذا هو مزخرف وحركات وورد وقلت حيا .. يعني ذوقها تمام
> > وإذا تلقى ذكرى ام صيته + ام مزنه + ام ليالي .. وقلب حب مدري شلون ..والله انك رحت فيها
> > واختاروا لك بنت .. المفروض بالعقل انك تشوفها .. لأنها شريكت حياتك الشرع يقول كذا
> > اما حنا لا .. بس يوصفونها لك
> > شعرها كذا .. طولها كذا .. عليها عيون يعني شي خيالي .. وانت تفكر وتقول بنفسك
> > يا الله .. يلعن ام الجمال يا شيخ
> >
> >
> > وامك ترفع .. واختك تكبس خخخ .. وعلى هالوصف هذا هيفا ولا نانسي ولا اليسا مو بنت ام فلان
> > وتقعد لك ثلاث شهور .. وانت بس تفكر في البنت .. لين ينتفخ راسك
> >
> > ويجي اليوم اللي تمنيته طول حياتك .. ليلة العمر
> > تلقاك لابس البشت وابوك على يمينك وعمك الكبير على يسارك
> >
> > وخوانك وعيال عمك وعيال خوالك وعيال جيرانكم .. حتى عيال خدامتكم
> > كلهم متجمعين .. واللي يعرض بالسيف مسوي لي فيها الزير سالم هو و راسه
> > واللي ماسك الرشاش والسما حمرا من الطلق .. تقول جالس بفيتنام
> >
> > المهم .. وتخش على صالة الأفراح حقت الحريم ..
> >
> > بصراحة العزوبي ما يخاف الا من شيئين
> > لمبات العرس إذا ركبوها على البيت تحس خلاص ما فيه رجعة
> > إذا دخلت على صالة الحريم في صالة الأفراح
> > هينا يجينا مغص في البطن .. يلعن ابو اللي خلفك
> >
> > ولما تخش الصالة .. الله لا يوريك ..
> >
> > ما تشوف إلا العيون .. اللي حاطه شادوا مدري روج بالعيون << حلوه روج بالعيون
> > واللي مغطية الوجه ومطلعه القذله .. والأجسام ياويل حالي ويلاه << والله اللي توقفت العضوية
> >
> > ولما تخش تمشي في الصالة تبي الكوشة .. تسند جسمك على ابوك على شان ما تطيح من هول ما ترى
> >
> > وتجلس على الكرسي تلتقط انفاسك .. وانت من داخل ميت تبي تشوف العروس
> > ولما يطلعون اللي زفوك .. ابوك وعمك والخمه اللي معهم << قوية الخمه
> >
> > يجي عاد الكلام اللي مال امه داعي
> > امك وخواتك والشله يطبون في الملعب والمقصود بالملعب هنا ' ساحة الرقص '
> > وتخش خالتك تراقصها .. وشوي تطب مرة عمك .. حتى خدامتكم تخش وتشكشك بالهندي لها ربع ساعة
> >
> > طبعا ً العالم اللي عندك منت صوبهم .. تبي تشوف الي بجنبك جالسة .. تبي تشوف ماريا شاربوفا على غفلة
> >
> > وفي هذه الأثناء انت مفهي على الحضور .. وعينك كبر قوطي جبن كرفت تقز في البنات اللي قاعدين
> > عاد البنات الله يقلعهن يستعبطن
> > اللي تطيح الشيله متعمده .. واللي تنزل العبايه شوي وتطلع البلاوي .. واللي ترفع الغشوه يعني تشرب ماء
> > الله يرجهن يا هن زاحفات
> >
> > وبعد نصف ساعة كأنه الدهر بحالوه ==> قلب
> >
> > تنطلق انت وهالغزال للعشة الزوجية>>> اموت انا على العشة الزوجية
> > ويدخلونكم الغرفة .. واللي يلولش هينا واللي يزغرت هناك .. واللي يلعب يوقا عند الباب
> >
> > المهم .. تخش الغرفة وانت لابس البشت << ==يعني شرايك ..
> > وتقول للعروس السلام عليكم
> > وهي اشكل .. ما ترد
> >
> > وتعدل البشت .. وتجي تقعد جنبها
> >
> > ويوم جلست .. ولا المح طرف كوعها .. ويوم شفت الكوع
> > لا تقولون يالربع .. تقول غاطه كوعها بغرشة حبر اسود
> >
> > انا هينا صراحة .. قلبي قام يوجعني .. وقلت بنفسي لازم نتأكد إن بعض الظن إثم
> > واقول لها يا فلانه ..
> >
> > ولا ترد علي !!؟
> > يافلانه تعوذي من ابليس .. وقومي
> > وهي تسوي مستحية .. ما تدري انها لو تقول لي ( بععععع ) انحشت مع الباب
> >
> > المهم .. وانا اسولف معها ما ترد علي .. مطنشتني بنت ***
> > تقول قرد عندها مو زوجها ..
> >
> > قلت بيني وبين نفسي .. يا ولد وش السالفة .. لا يكون البنت مغصوبة علي
> > عاد انا شهم لأبعد الحدود <<== والله انك شرير لأبعد الحدود
> >
> > وقلت لها .. يا بنت الناس .. حنا الحين متزوجين .. يعني انتي مرتي بشرع الله ورسوله
> > ما ردت علي , كأني اسولف على جدار
> > وقلت بيني وبين نفسي << يا كثر ما تسولف على نفسك
> >
> > تدري شلون .. خلني اضحكها .. انكت استعبط ..اللطف الجو
> >
> > والله واجي واقعد جنبها .. واقول فيها بيت شعر .. اتغزل فيها
> > وهي ولامعبره.. ولا كأني موجود بالغرفة !
> >
> > واقوم واخذ القلم واسجل رقم جوالي .. واقطه عليها وقلت لها هذا رقمي
> > ارقمها .. ' بكيفي مرتي وبكيفي .. ان شاء الله ارقم ابوها بعد '>>> قوية هاذي
> >
> > وهي تبتسم بس ما تكلمت .. ويوم تبسمت جيت وجلست بجنبها لزيت فيها شوي
> > وقلت لها .. معك مباحس امن دولة =>>يعني انكت انا وراسي
> >
> > هينا البنت قالت بقلبها .. يا الله المستعان .. زوجي طلع خبل
> > واخذ لي ربع ساعة وانا مفهي فيها.. اطالعها من فوق لتحت << تحسون عمره ما شاف خير
> > واقول بنفسي .. يا ولد الجسم مسكت ما يحتاج .. بس الوجه .. ابي اشوف الوجه
> > والله وانا امسك ايدها .. انا من مسكت اليد وقلبي قام يقول طربق طربق..
> > .. والبنت قامت تنزل ايدها الثانية شوي شوي
> >
> > .. وقلت العن ام الفله
> >
> > وبلمح البصر ! .. تسحب الكعب اللي لابسته .. وترفع اليد .. وتنزل الكعب على راسي مثل
> > الـ B52 يوم تنزل على بغداد .. وانا لي صياح << سجن ابو غريب مو العشة الزوجية
> >
> > .. واروح واوقف عند الباب .. واقعد اطالعها .. مدري وش اسوي
> > إن طلعت برا شافوني اهلي .. ويقولون وش فيه ولدنا وإن جلست في الغرفة .. هذي ما تعطي وجهه .. وقمت افكر و افكر لين طرت على بالي خطة
> > واشوف سويتش اللمبه ( Off .. On ) .. وانا اطفي اللمبه .. واولع اللمبه الحمرا
> >
> > ألمح لها .. والله وتقوم بنت الحلال وتتوجه صوبي
> > انا يوم شفتها جتني تمشي .. خفت والله .. قلت الحين تبي تلعن خيري
> > وتجيك المعزبه .. وتطفي اللمبه الحمرا .. وتولع اللمبه العاديه
> >
> > وانا ماسك يد الباب ابي انحاش إذا قربت لي <<== امحق رجال
> > وقلت لها .. اقوول خلاص بلا عرس وبلا بطيخ .. الحين انا ابي انام .. شلون !؟
> >
> > والله والبنت ساكته .. وانا اقرب شوي شوي .. واسحب المخده ببطء شديد << العن ام الخوف
> > واروح لزاوية الغرفة .. واحط المخده ..
> > وانا صاد اطالع الجدار << ما قلت لكم شهم تجيكم السالفة
> >
> > ويوم خلصت .. ألتفت عليها .. وعلى طول تغشى البنت مستحيه مني
> > والله وانا اقوم واروح لثلاجة اللي بنفس الغرفة .. وفتحتها
> > وأشوف انواع الحلاو .. وانواع العصيرات .. يا بعد قلبي يا يمه .. هي اللي شاريتها
> >
> > واسحب الكتكات .. واقعد اكل من الحلويات لين ارتفع السكر اللي عندي
> >
> > والبنت تطالعني مستغربة .. انا إذا شفت الحلويات والعصيرات .. افقد الوعي على طول
> >
> > وحسيت فيها انها تناظر لي .. وانا اكل من الحلويات .. من كل بستان زهرة على ما قالوا
> > واجي واحطهم عندها .. واطالعها وابتسم
> >
> > طبعا ً الكلام هذا وأنا ما شفت وجهها للحين
> >
> > ومدت ايدها شوي شوي .. وأخذت الكتكات .. عاد انا احلا شي عندي الكتكات><'
> > والله وانا اطالعها بعيوني.. ابيها ترجعه وتاخذ شي ثاني
> >
> > وهي ما تهتم فيني .. وتفتح الحلاوى و تدخل يدها تحت الطرحة وتاكل
> >
> > وقلت لها .. ادفع نص عمري بس اشوف وجهك
> > قالت بصوت خافت ومبحوح صوتها يدوخ ياجماعة الخير
> >
> > قالت .. ابي بطاقة سوا
> > انا يوم سمعت البطاقه .. كنك صافقني مخمس على خشتي
> > وقلت في نفسي .. هلا هلا .. من اولها بطاقه سوا .. شكلها راعية تلفونات المعزبه><'
> > وقلت .. اجيب لك الثريا .. بس اكشفي هالخشه .. ابي اكحل عيوني واشوف
> >
> > ' ابي اوصف لكم الحدث .. كأنكم معي '
> >
> > وتضع يدها على النقاب ..
> > وتبدء الكاميرا بالدوران من خلف راسها .. مثل تصوير
> >
> > فلم
> >
> > وانا انظر ..
> >
> > اقصد و يبدأ التصوير بالبطيء .. وانا انظر لها بتلهف وفاتح فمي
> >
> > وحين كشفت لي عن وجهها ..
> >
> > وأنا من شفت كوع ذراعها ماغصني بطني
> >
> > قلت ( ............ ......... ......... ......... ...... )
> > وهي تبسم وتحرك راسها يمين شمال .. والشعر يثناثر على وجهها
> >
> > وبحركه خطافيه .. اسحب الطفايه اللي جنب السرير
> > واحذفها عليها بسرعة 85 ميل في الساعة لكنها تحاشت الطلقه
> >
> > انا انقهرت .. وقلت .. والله يقلع ا عمر اختي الي جمعتني فيك يا بنت الايه ...
> >
> > والله وانا اطالعها منقهر .. ومتحسف على المهر ( 30000ألف ) الله لا يخسر
> >
> > واقوم .. واروح واجيب لي خيشه .. واغطي راسها خخخ .. وفتحت في الخيشه فتحه على شان تقدر تتفس
> > واربط الخيشه براسها .. والف عليها سيم علاق ملابس
> >
> > عاد انا بغيت احلل المهر .. بس تراجعت في للحظه الاخيرة
> >
> > ومن بكره .. وانا ماخذها لبيت اهلها .. وقلت لهم
> >
> > والله للعن ابو
> >
> > اللي عليكم>>>>> وي وي وي مرررررره قوية
> >
> > هادي من جد محشش على الاخر ههههههههه
> > مزوجيني غنمه الله لا يبارك فيكم
> >
> > بالله هذي بنت .. لعن ابوكم لو اني ماخذ لي سرلنكيه استر لي من لميس على غفله اللي انتوا مزوجيني اياه
> > طلعوا باقي المهر لا اجيب عليكم الشرطة الحين
> >
> > وتقولون شاكيرا بعد .. زكيه زكريا اطلق منها الله لا يربحكم
> >
> >
> > المهم .. وانا اقط البنت على اهلها .. وارسل لهم ورقة الطلاق .
> > ************ **
انتبهواااااااااااااياشباب قبل لاتتزووجون شووفوها لاتتوهقوون
خخخخخخخخخخخخخخخخخ

مــــــــنــــــــــقــــــــــــــــــولـــــــــ ــــــــ

اخي فيصل

حمدت الله كثيرا أنها منقولة وليست من كلامك لكثرة الألفاظ السوقية واللعان المحرم فيها

وأيضا القصة لاتحكي واقعنا بداية با المهر 30000 و 20000 و 5000

ونهاية بطريقة الطلاق (...........أو فارقهن بمعروف )

مشكوور يابو عواض على النقل