الـــذكــــرى

(الذكرى)

البارحه يا احمد ترا ما هي مثل كل الليال = عنوانها ذكرى هنوف ٍ سطرت في جالها
ذكرتها يوم السنه مرت ولا فيها مجال = غير الحنين اللي بقلبي والوله لاوصالها
دورتها ياصاحبي في كل ضلع وكل جال = وبحثت عنها علني امسك جميع احبالها
سألت عنها وجهتين ٍ من جنوب ومن شمال = ما فيهم اللي شافها او شم ريحة شالها
سألت نجم سهيل لكن السؤال اهو السؤال = ماله اجابه والاجابه ضايعه من حالها
ياوجد حالي ياوجودي ثم وجدي يوم مال = حظي وانا اللي في يدي حيله ولا يحتالها
ياوجد حالي وجد شيخ ٍ ما يشيل الا الثقال = متسيد ٍ كل القبيله والحمول اشتالها
يذود عن ربعه ليا منه مشى درب القتال = له كرة ٍ منها خيول اعداه زاد اجفالها
يشوف غدره في عيون العم وعيون الخوال = ويحس بالطعنه وهي ما وقعت منزالها
ياويل قلبي من فراق الترف وافية الخصال = الوافيه . الراكده . الطيبه في فالها
ياويل عيني من فراق الزين راعية الجمال = فتنه وتمشي في دلع من حيث ما يحلالها
والسالفه ماهي فراق ضروف تقطع بالوصال = السالفه فرقا زعل مني وزاد اشعالها
هي تحسبني بالاهانه جيتها بنت الحلال = وانا الذي اشفق لها من عمها من خالها

اخوكم / مسعد بن مدلج





.

صح لسانك يابن مدلج على القصيدة الرائعه وانت اروع يامسعد

صح لسانك يامسعد

أبو سعود أنت شاعر مبدع وقصائدك قصائد شاعر من الطراز الأول ...صح لسانك وبعد هذه الرائعة لم تدع مجالاً لأي أحد إلا ان يطلق عليك شاعر ..فانت شاعر وشاعر من الصنف الراقي فهذه القصيدة قد حبكت أبياتها من اول بيت الى آخر بيت بحرفنة الشعراء الكبار فلله درك واليوم ننقلك لمجموعة المميزين وتنقل أيضاً لفيئة الشعراء

أبن مصاول

صح لســـــانـــك

صح لسانك يامسعد
وبيض الله وجهك
ولاهنت

صح لساااااانك أخوي مسعد " لاهنت "

ابن مدلج صح السانك قصيده رايعه تقبل مروري ومشكور

مبدع يا بو سعود في كل المعاني
بارك الله فيك وفي شعرك

صح لسانك يا مسعد وانت شاعر لا يختلف عليك اثنين