وخزايـن آل سعـود وآل الصباحـي !

قصيده اعجبني اسلوب شاعرها حبيت انقلها لكم ..



من ليلة البـارح وحابسنـي الضيـق

عسى صباح اليـوم يطلـق سراحـي



وعادت لي الضيقه على فكّـة الريـق

الله يهوّنـهـا ويسـعـد صـبـاحـي



لا قمت أدرّجها علـى قـد مـا اطيـق

تغانمتنـي مـن جمـيـع النـواحـي



بينـي وبيـن الغرغـره والتشاهيـق

أرمـاش عيـن وجلسـة ٍ وإنسداحـي



لاشـك يومـي عنـد رب المخاليـق

اللـي بذكـره بهجتـي وإنشـراحـي



مانيـب وارث غالـيـات الصنـاديـق

وخزايـن آل سعـود وآل الصباحـي !



أن عشت .. عشت مع الرجال المطاليق

وأن مت .. موتي حق والعمر ماحـي



هبت هموم الصـدر جملـه وتفريـق

وأزريت أعرّضهـا هبـوب الرياحـي



ما عـذّب الشعّـار غيـر الطواريـق

كـل ٍ تعلّـق فـوق قـرن الوضاحـي



موّثقـه مـاعـاد تحـتـاج توثـيـق

وانا قنعـت وخاطـري مـا استراحـي



وشاح خملوقه .. علـى أم الخماليـق

اللـي تشوفونـه عليّـه وشـاحـي !



أغيب مـن فيـض المحبيّـن وافيـق

وآخـذ بـلا منّـه شهـادة نجـاحـي



والعولمـه تفتـح قفـول ٍ مغالـيـق

وهـذا زمـان الفـتـح والإنفتـاحـي



ماجيتهـا ناكـر وملـحـد وزنـديـق

أعرف صلاح الدين وأعـرف صلاحـي



لكنّ يـا شاهـق بـروس الشواهيـق

دحدر على ماجـاك وأسـرح وتاحـي




والحرّ لـو يرضـى بحكـم المسابيـق

شاب ونبت له فـي جناحـه جناحـي



ويزيد غبنـه مـن فـروخ الغرانيـق

لا صنّفوهـا مـن طيـور الفـلاحـي



رميـت فـي وجـه اللئيـم المواثيـق

وطلبت من وجـه الكريـم السماحـي




ودوّنت فـي قسـم المجانيـن تعليـق

من يشتم المجنون ماهـوب صاحـي ؟



مــــــــــــما راااق لــــي

قصيدة رائعه وجميله والاجمل من ذلك هو نقلك المميز

شكرن على الابيات الحلوه
تقبلي مروري

قصيدة رائعه وجميله

تقبلي مروووري

قصيد رائعه .....
وتقبل مروري....

مرحبا بك اخوي محمد الميزاني

تحياتي لك اخوي عيد

حصان مطير مرحبا بك اسعدني تواجدك

فري قود على القصيدة الرائعه والآجمل من ذالك هو أختيارالعنوان القصيدة اللفة الانتباه الاقراء مشكوره أختي شويهينه الهيلا
وتقبلى مروري مع فايق التقديروالاحترام

الغامض تسلم اخوي علي مرورك الرائع