قصه وقصيده جزله

قصة وقصيدة جزلة

وجدتها فاحببت ان تشاركونى روعة قرائتها

وهى عبارة عن قصيدة للشاعر / عواض بن ضيف الله بن حمدان العطشاني الشلوي

يحكى فيها معاناة من التحق بالعسكرية والظروف التى يعانيها منذ التحاقه بهذا المجال

واليكم قصيدته التى كانت بعنوان ( يالله إنك لا تعود العسكرية)




يالله إنـك لاتـعُـود العَسكـرّيـه
والنصيب اللي على البَدلهْ حَدانـي
لبسّونـي لبسِـة ٍ ماهيـب ليّـه
درّعونـي باللبـوس المشبهانـي
درّبونـا مثـل تدريّـب المطيّـه
والصَعَب مِنـا يعّـود مطوَعَانـيْ
يالله إنــك لاتحّملـنـا رزيّــه
حيـث حِنـا للمَعاصَـيْ ماندِانـي
ياوجودي وجَـد حمـر عيدهيـه
ساقط ٍ فيها الحقب ويـا البطانـي
فوقها قـرم ٍ ببـا كـور ٍ قويـه
من ورى العارض يبي دار شهراني
قطـر القربـه وقدمـه قيهمـيـه
مع زوال الظهر يوم الشوف دانـي
هسها العرقـوب والديـره رديـه
لين دم الجوف بالذرعـان حانـي
ياوجودي وجد عربٍ فـوق طيّـه
في لهيب القيظ معطيـت ٍ ثمانـي
هَمّلـنْ عَيالهّـنْ بـارض ٍ خليّـه
وأصبّحـن إعيالهنـه ذيهبـانـي
يوم جنّ البيـر لياهيـى جاهليّـه
مـا عليهـا لا ورود ولا محانـي
بركّن بالشمس تصهرهن شوّيـه.
كل منهن كنها الخـرص الهلالـي
لو بغيت أدله طرى الطاري عليّـه
وإستحس القلب والهاجوس جاني
يوم أشوف الدين مرتجـداً عليـه
والظهر عريان والجـوع يحدانـي
يالله اني طالبـك فـي كـل نيـه
ياولـي العـرش رب المودمانـي
طالبك رزق ٍ تحطـه فـي يديـه
ماعلى بابـه شريـف ولا هدانـي





بعد ذلك جاء الرد الرائع والجميل والحقيقي دفاعاً عن العسكرية والمنتسبين لها

بقلم الشاعرة ( الـشـمـريـــــه )

فكان رد جزل تضمن في ابياته الصورة الحقيقة لمن التحق بميدان الشرف والرجولة

وان اشهد انه قمة في الردود

واليكم هذه قصيدة الشاعرة ( الــشـمــريـــة )




وسِّـع الملعـب لـقـاف الشمّـريـه
وسّعـه للحـق أنـا بطْلِـق عنانـي
خلنـي لا تْحِـط قيـدك فـي يـديَّـه
ولَّعَـتْ ألفـاظ شعـري و المعـانـي
جمـرةٍ كتمانهـا صـعـبٍ علـيّـه
كـل شاعـر لا كِتـم شعـره يعانـي
يشتِعل مـن شـان يسْتهـدي بضيّـه
كلّ طرقي فـي دروب الليـل عانـي
هزّني شاعـر سمعتَـه فـي عَشيّـه
(عسكـريٍ) يشتكـي مـرّ الـزمـانِ
قـال (ربـي لا تعـود العسكـريـه)
و الزمان اللي علـى البدلـه حدانـي
قلت أكيـد الرجـل واقـع فـي بِليّـه
أو مصيبـه صكِّتـه بيـن المحانـي
قـال وشُـو (درّبونـي كالمطـيّـه)
و اتِضح مقصود شعـره لـي وِ بـانِ
طار قلبـي و أثـري الدعـوى كِذَيَّـه
ما أقـول إلا يـا دانـه دانـي دانـي
استلمها جَتْـك نِصـح اخـتٍ لِخيَّـه
ولا أبي مـن وقتـك إلا لـي ثوانـي
قُمْ وِ صلي و اردع النفـس الشِقيّـه
و احمد اللي يرتجيـه إنـسٍ و جـانِ
الله اللـي مـدّ لـك رزق و عطـيّـه
حـرِّك بحمـده يدينـك و اللـسـانِ
كان شغل (العسكري) متعـب شِويَّـه
قبلك اللي من التعـب عـضّ البنـانِ
الرجـال اللـي يخوضـون المنـيّـه
كـلّ صعـبٍ يَحْمِلُـون إلا الـهـوانِ
إسأل الصحـرا وِ صمـت المهمهيّـه
عـن فعايلهـم وِخِـذْ منهـا البيـانِ
كيف شقّوا بالصخر مجـرى وِ مَيّـه
كيف عاشـوا مِـعْ ذيابتهـا بأمـانِ
صادقوا في مشْيُهـم شمسـه وِ فَيّـه
وِ عْقِدوا مَعْ بـرّده و قيظـه رهـانِ
كلّ من لـه نفـس صبَّـاره و حَيَّـه
بـإذن ربـي يقطـف ورود الأمانـي
لا تِشَكّـى ... أشهـد إن العسكريـه
غِصـن رزقٍ وارفٍ رطْـبٍ وِ دانـي
كَمِّ بيـتٍ مـن وراهـا شـبِّ ضيِّـه
يغْرِفـون اللحـم دايـم بالصـوانـي
و كم راسـب بالفصـول المدرسيّـه
ما لقـى فـي غيرهـا رزق و مكـانِ
جندي و راتِبْـه خمـسُ وكـم ميّـه
نعمـةٍ مـا يجحـده غيـر الجـبـانِ
اضربـوا (للعسكـري) أحـلا تحيّـه
لَوْهُ (جندي) أشهـد إنـه راعِ شـانِ
حَيِّ (عَينه) لا غَفـتْ عيـن البريّـه
أسْهَرَه لجل الوطـن حـبّ و تفانـي
اللي لا صِحْنا رمـى (روحـه) هديّـه
يوم غيره مـن غـلا روحـه أنانـي
لا تلومـونـي بـحـب العسكـريـه
لو أغنـي دَهْـر حُبـه مـا كِفانـي
خيرهـا طَـوّق بَعَـد ربـي يِـديّـه
رزق (أبوي) وْ شِغل (أخوي) بهالزمانِ
و أنـا بنـتٍ لا جحـود ولا غبـيـه
و احمد اللي بالرضـا دايـم كسانـي
في ردودي دوم لي بـ(النصـح) نِيّـه
لا طلب شهره ولا هـو شـي ثانـي
عِنْـد هـذا البيـت وَقَّفـتْ المطيّـه
وِإكتمل ردي عسـى المقصـود بـانِ





فالرجال فلم يكونوا ولن يكونوا
إلا حمّالوا المتاعب
و مقتحموا المصاعب !!!!

فلا يعرف التشكي و عدم التحمل
إلا غضَّات البنان
وليِّنات الأقدام