ياكثر ماني من الشوق والحب شايل

غير متواجد حالياً

اخواني الاعضاء حبيت انقل لكم قصائد شاعر عملاق سحر الناس بشعره الهادي وعذوبت قوافيه وكلماته الراقيه

الشاعر / متعب بن تركي العبيوي المطيري

هذي اللي غلاها مايبي قول قايل..
هذي اسباب غيضي والرضا والهيام..
هذي رسومها بين الضلوع النحايل..
هذي اللي على صدر القصيده وسام..
الاصايل يجنك مثل اهلهن اصايل..
والوكاد انها منهن بليا كلام..
يوم فلت على الخصر النحيل الجدايل..
واستدارت خجل مدري تصنع غرام..
عودها مال لو هي ماتبيه يتمايل..
ماهو بكيفها من لين ذاك القوام..
واقف وكن رجلي فوق جرف متهايل..
للجمال بعيون العاشقين احترام..
قلت في خاطري ماني عليها بعايل..
لكن القلب سابقني برد السلام..
ماني اللي حذف عند الزناد الفتايل..
يومها ولعت ناره تغطى ونام..
واجد الزين عند الحاضره والقبايل..
شفت واجد ومرني مرور الكرام..
بس هذي وصفها علوم وهوايل..
كنها قطعة من نور بدر التمام..
ياكثر ملحها والا الحلا له دلايل..
حور عيونها والخشم سلة حسام..
كن ذيك الخدود بروق ماتنتخايل..
لاكساهن شعرها شفت برق وظلام..
تعسف الخيل ونفوس البشر تنتحايل..
مير خيل القصايد مايطيق اللجام..
إنتحيت ولقيت القلب مامن صمايل..
كل ماذعذع الغربي من الشوق هام..
ياكثر ماني من الشوق والحب شايل..
من عشق مثلها وشلون بالله يلام..
هذي اللي حلاها مايبي قول قايل..
ماهي أول غلا لاشك مسك الختام

غير متواجد حالياً

صح لساآآآآآآآآآآآآآن الشاعر .. وتسلم ع النقل أخوي ابن مصاول ..

غير متواجد حالياً

قصيدة رائعة جداً وكلها رومانسية عاليه لا هنت يا بن مصاول لنقلها لنا وتسلم يمينك وقبل كل شئ أشكرك على أمانتك في النقل حيث أدرجت أسم الشاعر ..

أبن مصاول