سحرتني منتهى سحرك وأنا مدري ؟؟؟؟؟؟؟؟؟؟؟

السلام عليكم ورحمة الله وبركاته :

أقبّلك من غلا واضمّك لصدري

وابرد بضمّك ضميرٍ واهجٍ حره

واقدّرك وإنت قدرك رافعٍ قدري

وامتّع الشوف في وجهك مية مره

سحرتني منتهى سحرك وأنا مدري

إنك مع الذاريات بسحرك تذره

أجالسك يا جليس البدر يا بدري

وعساك دايم جليسي يا بيض الغره

شعيب حبك غدا للقلب منحدري

وانعش زهر مهجته بالخافق وسره

ومزونك المعصرات تهل من بدري

وتليّن بوبلها الصَّيّب حصى الحره

يفز قلبي لشوفك فزّة الكدري

لا شاف حرٍ عليه يعاود الكره

ما غصت بحرك وأنا ما نيب مقتدري

عسى البحر من يغوص أعماقه يبره

يا بحر أبقسم برب الكون لو تدري

إني عليك استميت بنفسي الحره

أذهلتني في سراير شجرة السدري

وابهرتني في ميه واربع طعش دره

ما كنت أنا باخعٍ نفسي ومنكدري

واللي جنى الجنتين ببحره وبره

والله يا لولاك تشرح همٍ بصدري

إني لا عيش بحياةٍ كلها مره

ولطبخ من هموم قلبي طبخة القدري

اللي بشوفك تصير أصغر من الذره

أسيح في جنتك وابني بها جدري

يا بادعٍ للنبي محمد الجره

أنزلك ربّك عليه بليلة القدري

وآمن بك وبالقدر في خيره وشره

م............................................ش