رحت لم الاستاذ الرياضي !!!!!

هلا بالشباب .. من قدي يالبي انتم ..

اليوم حضرت المبارة بالملعب .. تعرفون واجب يمليه علينا ضميرنا تجاه نادينا ..
لقطت الولد ( هيمو ) ومسكت الباب ..

ووصلت للملعب .. وقصيت تذكرة .. وقالوا لي قص لهذا ..
قلت حتة هالبقطة تبون لوه تذكرة .. ابحطوه بحجري ..
قالو ادفع بس ..
والله لو إنك حــــااامل ان نخليك تدفع للجنين اللي ببطنك ..

قلت اقول عين خير بس .. الله من زين الحتسي .. خذ بس خل ندخل ..



ومن عقب صلااة العصر بالملعب ..
وماغــيــر ااااو يــــاهــــوه ياموج البحر .... ويالله قوموا خلو نسوي حركة الأموااااااااااج ..
يالله يالله وصلوا وصلوا قوموا قوموا .. همن نقوم .. ونقول .. هييييييييييييييييييييييييييييييه ..
وهذي الشغلة طول اليوم .. تقول مواجـــرين يادافع البلى ..

ويأذن المغرب .. قلت ياولد اليوم نجمع المغرب مع العشاء بعدين استحي اقوم اصلي ..
والا يمكن اذا قمت ورجعت مالقيت محلي ..

وقبل ماتبداء المباراة ويقعد يصيح ( هيمو ) بابا انا حسران .. قلت الين من نشبة ..
وش هالنشبة .. ياوليدي اغديك مستخير .. ماتقدر تصبر الين نرجع للبيت ..
قال .. لا يبه .. يودعن منطي ..

قلت طيب من معه قارورة صحة ياشباب .. ترانا اخوان .. كلنا اخوان بفريقن واحد ..
قالوا رح للحمامات .. قلت لا مايمدين و يروح محلي .. بعدين انا اصلن ابحطه بالقارورة همن ارجمه على عيال قريح هذولاك ..

والله ويستانسون ويعطونن 77 قارورة صحة .. واعبي هاك القارورة .. وادعسه حدر الكرسي ..
قالوا احلته عليهم .. قلت لا عندي فكرة .. ابخليه اذا دخل فريقهم .. نسبحهم به ..



ويدخل الفريقين وأول ماشفت فريقنا .. واقمز من الفرحة اشجع فريقنا .. واطب واثري واطين قارورة الصحة .. وترشق على اللي بجنبي .. قال ماعليك يالبي هماااااااك منا وبنا .. اعتبره من موية النيل يالبي ..


وتبداء المبارة ..
وحماااااس طول المباراة .. ومع كل هجمة اومي بشماغي .. شوت ياولد قريح .. ناول ياولد الذين امنوا ..

ومع كل هدف اشقل هالبزر واحطه على كتوفي وأنا ملبسة طاقية رقم 37 وارفع ايديه فوق ..


الين انتهت المبااااااااراة ..
واطلع وأعلق الأعلااام بالسيارة .. من الملعب الين البيت ..
ومعلقن ( هيموا ) بالمساحات ومشغلهن .. وهو ماسكن العلم .. وماغير يروح ويجي مع هالمساحات ..

ويوم وصلت البيت .. وأقشع ( هيمو ) من المساحات .. وادخل مع الباب وأنا اقول .. اوه ياهوه ياموج البحر ..

وأدخل البيت واقعد .. عند التلفزيون اناااااااظر التحليل .. ( تحليل المعركة )
واحتري صورتي انا وخشتي تطلع بالتلفزيون ..

يوم قضيت .. وتدخل علي امي .. قالت ..
هاللحين انت من عقب العصر تاركن البيت ومنتص بالملعب ..
تاركن اهلك وبيتكم ورايحين هنااااااك تقول مداوم دوام ..
وصايرن تقبل خبل .. ماغير تناقز .. وتدعس اصابعك بإثمك تصفر ..


ودافعن قروش .. ومسحبن هالبزر ياويلي معك ..

هاللحين وقضت المباراة .. وانتهت .. وفزتوا ..
ابسئلك سؤال .. وش استفدت ...؟؟؟؟


زادت قروشك .. والا نقصن ..
استفدت من وقتك والا ضيعتوه ..
هل هذا اخر طموحك وإهتماماتك ..

واذا الله باليك انت .. وشوالوه تسحب ياويلي هالطفل المسكين معك ..
انت ماتدري انهم يقولون .. وينشئ ناشئ الفتيان فينا .. على ماكان عودوه ابوه ..
لاصرت انت ثور وماعندك احد .. خل مير الولد لاتعودوه على سفاسف الأمور ..
اغدي العوض يصير بوه ..

وطلعت .. وانا قاعدن افكر بكلااااااامه ..

وش رأيكم انتم ياعيال .. وهل اللي سويته صح .. او خطاء ..

سي يو ..

اسمع كلام عجوزك
لا تشاورنا عطتك العلم اللي يجمد على الشارب

المشاركة الأصلية كتبت بواسطة أبن جويبر العبدلي

اسمع كلام عجوزك
لا تشاورنا عطتك العلم اللي يجمد على الشارب

نفس كلام أبن جويبر كاتبنا المبدع ...............ولكن انت علامك على الورع تسحبه معك من العصور الى المغرب !!!! هههههههههههههههه

ننتظر منك المزيد ولكن أبتعد وأبعدنا عن سوالف الحمامات

الله يرضى لنا عليك

أبن مصاول

السلام عليكم ورحمة الله وبركاته

اخي الكريم >> حضري

اولا نشكرك على هذه لقصه الذي تفيح ابداع خلفها كاتب مميز

اخي الكريم

بارك الله فيك على موعظتك الذي تبين حنكتك في دس النصح والتوجيه داخل قصه فكاهييه وهذا

الاسلوب لم اعهده الا في مشايخنا الكبار والتي تباع اشرطتهم في المحلات الاسلاميه

اسجل اعجابي بك كاتباً واعتبرك مكسباً لمنتدانا >> دمت بخير

وآنــآ مـثـل آخـوآنـي طـآعـت الامـ أفـضـل مـن الـكـوره ويسلمووو على القصه ونـتـظـر آبـداعـك ولاهــنــت

المشاركة الأصلية كتبت بواسطة أبن جويبر العبدلي

اسمع كلام عجوزك
لا تشاورنا عطتك العلم اللي يجمد على الشارب

ابن حوبتور

اول شي ترى الموضوع من نســــج الخيااااااااااااااال ..

وشكراً لك على مرورك الكريم ..

المشاركة الأصلية كتبت بواسطة أبن مصاول

نفس كلام أبن جويبر كاتبنا المبدع ...............ولكن انت علامك على الورع تسحبه معك من العصور الى المغرب !!!! هههههههههههههههه

ننتظر منك المزيد ولكن أبتعد وأبعدنا عن سوالف الحمامات

الله يرضى لنا عليك

أبن مصاول

هلا بالبي ابن مصاول == يالله انك تحييه .... يرحب الاخ


الحضري كان منسدح وقام وقعد .. وشهو عشانه .. عشان شاف اسم المشرف ابن مصاول وخاف !!

ويهرج على روحه ويقول ياولد رد زين لايشوتك ابن مصاول لـــم الملعب اللي تحتسي عنه


ابن مصاول .. وش رأيك تخااااااااااااوين تلقاااان حدر الساعة ..

الا على طاري الساعة ..
يقولون اللي جايبن اهداف المبارة ثنين ماشاء الله مطاوعة وملتزمين ..
وإنهم عيوا يسجلون اساميهم بالساعة ..
قالوا اكتبوا .. سجل الهدف ( فاعل خير )

الصرااااااحة انا اسمع عنهم من اخوي الله يهدية ..
أن لهم تاثير على بقية اللاعبين ودايم يدعونهم للصلاااااة وغيرة ..

الله يهدي الجميع ..

وسلاااااااام ائليكم ..


سي يو ..

المشاركة الأصلية كتبت بواسطة راس الضلع

السلام عليكم ورحمة الله وبركاته

اخي الكريم >> حضري

اولا نشكرك على هذه لقصه الذي تفيح ابداع خلفها كاتب مميز

اخي الكريم

بارك الله فيك على موعظتك الذي تبين حنكتك في دس النصح والتوجيه داخل قصه فكاهييه وهذا

الاسلوب لم اعهده الا في مشايخنا الكبار والتي تباع اشرطتهم في المحلات الاسلاميه

اسجل اعجابي بك كاتباً واعتبرك مكسباً لمنتدانا >> دمت بخير

هلا معاليق البي ياااالله ان تحييه


تصدق ياراس الضلع انا من امس ونا اتلمس ادور على راس ضلعي مالقيتوه ، بس لقيت اضلع كثيره..

فاياريت تدلن على راس ضلعي هههههههههههه

عااد رسالتك الخاصه وصلت بس ياخيي ماقدر ارسلك لان عدد مشاركاتي قليل على قد حالي

وردي على الرساله بالخاص ==== نعم تجــــده وبلاش فضايح لخيك خلينا كذا مرتاحين

سي يو

المشاركة الأصلية كتبت بواسطة ذيب الروسان

وآنــآ مـثـل آخـوآنـي طـآعـت الامـ أفـضـل مـن الـكـوره ويسلمووو على القصه ونـتـظـر آبـداعـك ولاهــنــت

ذيب الروسان

شكراً على مرورك العطر ..
فقد رشقت على موضوعي ماء الورد ..
وتلولست الكلمااااااااات في حنوتسي .. ولم استطيع البوح بها ..

المشاركة الأصلية كتبت بواسطة حضري

ابن حوبتور

اول شي ترى الموضوع من نســــج الخيااااااااااااااال ..

وشكراً لك على مرورك الكريم ..

ههههههههههههههههههههه
ماعلمتك يالحضيري أن حنتوسك مرتخي
اكربه ولا تراني جبت أبو جلنبو وكربته هههههههههههههههههههههه