يـ اللي تجونه دامني مااقدر آجيه

ليت الورق يقرا وش اللي كتب فيه ..
و ليت القلم يدري وش اللي جرا به ..//

ان كان ما تمسي فـ صدري مشاريه ..
و لا اتضايق لو تضيق الرحابــــه ..//

وا. صوتي اللي عجزت الناس توحيه ..
غريب يوم اصوات غيري تشابــه ..//

البيت بيتك و المواري مـواريـه ..
لـكـن كـبـرت و لا كـبـر مـعــك بــابــه ..//

و الناي لو نقض جروحك بـ أغانيه ..
جـروح غـيــرك نـقـضـــتـهـا ربــابـــه ..//

ما هو يتيم ان كنت انا اللي مغنيه ..
و لا هـو فـقـير ان كان جرحي زهابه ..//

و الغايب اللي يغري الشعر طاريه ..
مـا قــل قــدره لــو يطَــول غـيـابــه ..//

كم لي و انا احث القصايد تخليه ..
حتـى تلاشـت رغـبـتـي في الكتابـه ..//

و الشعر لو يفقد حروفه و اساميه ..
مـدري وش اللـي بعـدها ينبغابــه ..//

احترت بين اعتب عليه و اراضيه ..
اخـــاف لا يـجـرح رضــــاه بـ عـتــابــه ..//

أحيان أقول آبيـهـ , و أحيان ماآبيـهـ ..
الا ابــيـه و لـو يـــــبــي لـي عـذابــه ..//

يـ اللي تجونه دامني مااقدر آجيه ..
وصــوا ذهـابه .. لا يـشح بــ ايـابـه ..//

و قولوا له اني من كثر ماني أغليه ..
اشـرب ســرابـه و ارتوي من سرابه ..//

و على كثر ماانسى اذا قلت ناسيه ..
دار الــزمان و جــاب عشقــه و جـابـه ..//

حنيت لـ أيامه و ضحكت لياليه ..
قـبـلـه و بـعــده كــل وقـتــي رتـابـه ..//

ان لمت قلبي عاقبتني محانيه ..
و ان قـلـت أبرضا عـز نفسي رقابـه ..//

البارحه كنت اكسر الروح و انهيه ..
كان الـورق ارض و عيـــوني سحابـه ..//

زرعت مااحبه ولا عاد لي فيه ..
و جنـيـت احـبــه لو يطـول غـيـابه ..//






من القصايد الى روحي وعمري وحياتى فيها أحبه حب الجنون ونقلتها لكم أختكم غرورك عزتى

تسلمييين اختي غرورك على النقل الحلووو ..

الله يعطيك العافية

تسلمين غرورك غزتي
نقل اكثر من رائعـ

يعطيك العافيه

على النقل المميز

يعطيك الـ ع ــااافيه

يعطيك ربي الف عافيه اختي غرورم عزتي