قصه لمسلط وقصيته في الوليد بن طلال وقصيده لا تفوتكم

[السلام عليكم ورحمة الله وبركاته بسم الله الرحمن الرحيم
البيت المشهور لمسلط بن شعيفان ابو اثنين السبيعي . وهو اقرب خوي للوليد بن طلال الامير هو من قال له انت مهبول وليس الاخويااء اللي معهم .. قصة هذه الابيات هو انهم كاانوا مجتمعين فسأل الوليد بن طلال مسلط من اطيب جدك ولا جدي ومن المعروف ان سبيع لهم دور كبير في فتح الرياااض .. رد عليه بن شعيفان وقاال جدك ونعم فيه لكن مارساه على الحكم الا جداااني.. بعدهاا زعل الوليد وقاال انت مهبووول وضجره في الكلالام .. بعدهاا زعل مسلط وارسله هالابياات ومااكان من الوليد الا ان ارجعه مع مبلغ كبير من المااال .. وهذه هي القصه الحقيقيه...

وهذي الابياااات بالضبط :

يا أمير أنـا عنـدك حشيـم وغالـي "" ولا احب انا شئ يمـس الكرامـه
نفسي تـروم المرجلـه والعوالـي "" هـذا هـدف نفسـي وهـذا مـرامـه
تاجرت في بـاب الشكالـه بمالـي "" بعت الرخامه وأشتريت القرامـه
انــا مهـبـول وجايـزلـي هـبـالـي "" هبال طيـب ولا صحـاوة رخامـه
هـذي تفاصيلـي وهـذي خصالـي "" يقول اللي مـا زهـف فـي كلامـه
أن جزت لك فأنا الرفيق الموالي "" وأن عفتني مسموح ومع السلامه
دور وتلـقـالـك رفــيــق بــدالــي "" وكـل يبـي رفقتـك تـرفـع مقـامـه


وبالنسبه لضيداان نعم جاراا هالقصيده وكاان يقول ان هالبيت اصلا لي مهوب لمسلط بس انه خطفه من خياالي لست حاافظ القصيده ولكن حاافظ منها :


وليــت يــــا مســلط كــريــــم السبــالي = مـــن هــول بيــتٍ يستحــق الــزعــامـه


بيــتٍ تمنيتــه وهـو مـــــا ينــالي = ودامــــه خطـف قبـلــي فـــلا لــي ملامـــــه


انــا اتهـم انــه خــاطفــه مـن منـالـي = فـي غفـله كـل غــرق فــي منـــامـــه


لـو كــان وقتـي غــرنــي عـزتــالـي = وغــــديـت طيــر وهـو الشبـك والحمــــامــه


وقـت ٍ علـى كسـابــه الطيــــب مــالــي = يـلعب بشيخــان العـرب لعـب دامــــه


مـن اول تــذرى خشــوم الجبـــالــي = واليـوم يغنـي عـن ذرا الضـلـع خــامــه


ومـع كـل ذا مـــا جمعــت الـريــالـي = ويهـون مــوتــي دون جــــرح الكـــرامـــه


واجــود باليمنــى وتجهـل شمــالــي = وهبــال مسـلط يعطـي الـراس زعــامـــه


حـي مهبـــول صــامـل مــا يبـــالــي = ولا صــاحـي وقـت الشــدايـــد هـلامـــــه


الشعـر بنـت لبــو زيـــد الهــلالـــي = وبيـت مسـلـط يــلوح بخدهــا كنـه شــامــه


انــأ اتهـم انــه مـاخـذه مــن منــامـي = فــي لحظـه قلـبي غـرق فـي منــــامـــه

وتقبلوا سلامي

يعطيكـ ألف عاااااااافيهـ ع النقل الرائعـ

يعطيك العافيه خشمان على النقل الجميل