(10 ) قصص تخص قبيلة مطير

غير متواجد حالياً

السلام عليكم ورحمة الله وبركاته ..

أحبتي في الله .. رواد قسم قصه وقصيده اقدم لكم هذه الباقه من القصص والقصائد لرجال قبيلة مطير ..

واتمنى ان تنال اعجابكم .. وهالباقه مكونه من 10 قصص تخص قبيلة مطير ..

يثبتون الموضوع اذا شافو انه يستحق التثبيت ..

7
7
7

بسم الله نبدأ مع الفارس والشيخ/ ضيدان بن زيد الفغم المطيري (( رحمة الله )) .. قصة (( ضياع طيرة )) طريفه ..

كان لضيدان الفغم ابن عم يقاله ( الضروعه ) عتوان ابن سالم وكانت علاقته مع ضيدان طيبه وكانو متولعين بالقنص

وكان ضيدان دائما يمازح ابن عمه عتوان .. وفي احد الايام قنص عتوان بن سالم في طير ضيدان الفغم ..

( هد الطار على الحبارى ولا عود الطار ) <<<--- مقولة جدتي هههههههه ... المهم وضاع الطير .. وكان هالطير

غالي حيل عن ضيدان الفغم .. وقال ضيدان هالقصيدة يمازح بها ابن عمه اللي ضيع الطير ,, ويقول :

عتوان جاك وضيع الطير ياتاج=وش علمه نقل الفروخ الحرارا

ابو قبله سالم الضرع لو داج=مايقنص الا بالفروخ الوكارا

كم قنتن نفج بها درب الانفاج=وماهو عرافن لطير الحبارا

[/poem]

وشرايكم فيها حلوه .. يمكن لو ناقلتها بلغة جدتي متو من الضحك ههههههه

,,,,,

ننتقل للقصه الثانيه ...

قصة الشيب .. للشيخ/ لجهز بن شرار .. (( رحمه ))

لقد تقدم الفارس والشاعر جهز بن فازع بن شرار بالعمر .. وأظهرت على وجهه الشيخوخه وامتلا ذقنه ورأسه بالشيب ..

وكان في احدى الايام جالسا في مجلسه يحتسي القهوه بجانب ابنه .. ودخل عليه رجل من جماعة الشيخ / جهز بن شرار

وقال الضيف مبتسما ( وشلونك يالعود ) <<<--- يقصد الشيخ جهز فحزت هذه الكلمة في خاطر جهز رواح يتذكر ايام شبابه

ومغازيه وبطولته وقوة وصحته,, بالرغم من ان الضيف لم يكن يظن انه كلمة ( العود ) سوف تأثر في نفسيه جهز بن شرار ..

فهاضت قريحة جهز بهذه الابيات وقال :

أقفت يابو فيحان وأقفا به الشيب=الشيب جاني دوب ما أنيب أوده
الشيب أشوفه مرت بي عذاريب= يبذ عداداً يجيله يعده
الشيب يردي المرجلة لو لقى طيب=يلزم صحيبه لين عنها يصده
وإليا أدركه عاضه بعتل المصاليب=وإلى أطلقه ما يطمع إنه يشده
قام يتوكع به خلاف المعازيب=مبروك دام الزمن يقدر يرده
كم فات لي من ماضيات الهناديب=فوق المهار ومصرخات الأشده

[/poem]

الله يرحمه .. مات وحييت ذكراه وقصائده ..

,,,,,

والان إلى القصه الثالثه .. (( مساجله شعريه زوجيه ))

للشيخ/ حسين بن عليق بن وطبان الدويش .. (( رحمة الله ))

كان الشيخ/ حسين الدويش .. متزوجا من شاهه بنت عبدالله من حاضرة قبيلة عتيبه .. وتسكن بمدينة الزلفي

فأشتاق الشيخ حسين الدويش الي اهله وقبيلة ومل من السكن في المدينه وبيت الطين والحياة الحضاريه ..

وعرض على زوجته شاهه الذهاب الي قبيلة والعيش هناك .. ولكنه رفضت وقالت انها لا تريد العيش بالصحراء ..

فرحل حسين الدويش الي جماعته وقبيلته واستقر عندهم ولمى سئلوه جماعته عن زوجته .. قال لهم انها لاتريد العيش

بالصحراء وقرر ان يطلقها

فأرسل لها الشيخ/ حسين الدويش .. هذي القصيدة

والله جزا غيظك علينا لا أجازيك=أربع سنين ما تجيك الرسايل

والخامسه : روحي وحبلك يباريك=ترى حلاة الهرج يأتي صمايل

مرباعنا بمحقبه قل واليك=خيال ( علوى ) فوق قب الاصايل

أنا لقيت اللي يرد العوض فيك=غرو ٍ على متنه يقض الجدايل

تخيري من ربعك اللي حواليك=أيضاً ولا تشفين في كل طايل

ياخذ زبيلة والمساحي تباريك=عندك يفّجر بالغروس الظلايل

[/poem]

وردة عليه زوجته شاهه العبدالله قائله :

7
7

يا حسين ما احفينا عليك المراسيل=ولا لك خطبنا يا مروي السلايل

ولا بك على اولاد الجريسي تنافيل=وساع الصحون مشعليّن الفتايل

نفلتهم يا حسين باخذ المجاميل=ونقل العجم لعلّ ما لك حمايل

جنّب عن اللي تمشط الرأس بالهيل=المسك والريحان حشو الجدايل

عليك باللي كنهن دايج الليل=سمر الكفوف موسرات الظلايل

[/poem]

رحمهم الله جميعا .. ماتو وخلدو سيرتهم العطرة ..

,,,,,

القصه الرابعه .. (( إكرام الضيف ))

الشيخ / مطلق بن مهيلب الوسمي ..

لقد نزل ضيفا على قبيلة الوساما وشيخهم: مطلق بن مهيلب .. رجل من قبيلة سبيع ويدعى .. بادي بن مناحي القريشي السبيعي ..

وقام الشيخ/ مطلق الوسمي بإكرامه .. وجلس هذه الرجل عندهم فترة من الزمن .. ولم يرا منهم الا كل شي طيب

من حسن جيرة .. والكرم والعادات النبيله .. فلم رحل عنهم تذكر الايام الجميله التي قضاها معهم فقال ..

ياراعـي البكـرة العسيـف =سلـم علـى نجـع سلطانـي
ياليت دار الوسامـا ريـف= ليـا مـن تذكـرت جيرانـي
اخذت معهم ربيع وصيف =مامثـل ذرفـيـن الايمـانـي
بيوتـهـم مـدهـلٍ للضـيـف =مربّـحـة تـاجـر الضـانـي

[/poem]

رحهم الله .. حت كرمهم تخلده أشعار الغير ..

,,,,,

القصه الخامسه .. (( سوالفي عند النشاما طريفه ))

للشاعر الكبير: فجحان الفراوي المريخي المطيري .. (( رحمة الله ))

كان الشاعر فجحان الفراوي .. كثير السفر ويتنقل من مكان الي مكان ومن قبيلة الي قبيله ..

وكان فجحان الفراوي يحب الضحك والمزح وكل من يجلس معه يحترمه ويقدره ويكاد لايمل مزحه وحديثه

وفي يوم من الايام رحل فجحان عن قومه كعادته.. ولكن رحلته هذه طالت ولمى عاد الي قومه

قال له شخص من جماعته يلومه على كثرة سفرة .. وتركه لزوجته واطفاله ..

فأجابه فجحان الفراوي ..

مانـي مقابلهـا سـواة الهديفـه=ان كان ماني غازيٍ رحت طراش
قلبي يحـب ملافخـات السفيفـه=نوم الخلا عندي مضاريب وفراش
سوالفي عنـد النشامـى طريفـه=ماهي خرابيطٍ تعوّد علـى مـاش
جبت الحصان وجبت هدبا وريفه = صم الحوافر من مراكيب الابواش

,,,,

سوالفي عند النشاما طريفه ,, ماهي خرابيط تعود على ماش

شطر جميل جدا يحسس الشاعر بثقته بنفسه .. الله يرحمه ويرحم أموات المسلمين جميعا ..

,,,,,

القصه السادسه (( لاتحسبني من دلالك تقهويت ))

الشاعر الكبير/ حنيف بن سعيدان

لقد حل في من الايام الشاعر حنيف بن سعيدان ضيفا على الشاعر ناصر بن عبدالكريم ورحب به وقدم له القهوه

وقد شرب حنيف مايقارب ال 15 فنجال دون ان يشعر (( راعي كــــيف )) <<--

ومل ناصر من كثر مايصب لحنيف فقال هذه الابيات :

خمسة عشر فنجال لحنيف صبيت = لو ان بطنه قربتن كد ملاها

[/poem]

فرد حنيف :

لاتحسبني من دلالك تقهويت=ماينقه الشراب من كثرماها[/poem]

فقال ناصر:

ياحنيف انا في حمستي ما تدنيت=الدلة الصفر انكثر مناها[/poem]

فرد حنيف:

وراك ماسويتها يوم سويت=مثل العميم اللي يزين سواها
ناصرليامني على البيت سجيت=يرخص حلاله ماحسب مشتراها
وابن عقيل اللي يهلي ليا جيت=مشرع البيبان للي نصاها[/poem]

فقل ناصر:

سويتها يوم انت للضلع لزيت=ضيافتك ياحنيف هذا جزاها
ودلال ربعك يوم بالزين ماريت=هم ربعنا قبلك طوال خطاها

[/poem]

فرد حنيف خاتما للمحاوره:

مانيتي ذمت هل الجود و الصيت=الملعبه حنا نقوم سناها
يا موصي الحرمه على صكت البيت=تقول ماهو فيه وانته وراها
علم الردى يظهر ولوبه تهقويت=علم وكاد ويشهدون قصراها
ياخيبة أمك يوم قالت تمنيت=ياخيبت أمك يا قطيعة رجاها

[/poem]

,,,,,

القصه السابعه .. (( باخذ لي مع البدو قرطوع ))

للشاعر/ زيد بن غيام الجبلي ..

هو زيد بن غيام المطيري . . . شاعر علم من شعراء قبيلة ((مطير)) . . . ولد حوالي سنة 1305هـ وتوفي سنة 1367هـ على وجه التقريب

من شعراء النبط الذين عاشوا حياة البادية وعايشوها وتعلقوا بها فأصبحت تدخل في تكوينهم الفكري فانعكست معايشتهم تلك على أشعارهم

فجاءت الأشعار صافية كصفاء سماء الصحراء نقية كهوائها

استقر شاعرنا فترة من حياته فسكن (( الإرطاوية )) ولم يستطيع العيش بها فقد أخذه الحنين للصحراء

وعاد لها فلم يرتح لسكن القرى وبهذا قال قصيدته المشهورة ومنها هذه الأبيات :

والله يا لولا زرفلـت شقـح الأقطـاع=أقـول باخذلـي مع البـدو قرطـوع

لقعد بقصـرن لا مـروع ولا أرتـاع=لا هـالكٍ ضامـي ولا ميّـتٍ جـوع

أنا ليـا شفـت الحبـاري مع القـاع=والله ما أغبط اللي يصوع الذهب صوع[/poem]

,,,,,

القصه الثامنه .. (( الـبـشـت ))

للشاعر / ابراهيم ابن خالد الديحاني

هو إبراهيم الخالد الديحاني من (الدياحين) فخذ من قبيلة – مطير – اشتهر بقصائده الغزلية

وله قصيدة عارض بها القرار الذي اصدرة الشيخ / أحمد الجابر حاكم الكويت – رحمة الله – بمنع لبس البشوت بالكويت

وذلك بعد أن راى ان في ذلك مشقه على أهل الكويت فقد كانت الحالة الاقتصادية في ذلك الوقت ضعيفة وشاء البشت يكلف مبلغ ليس قليلاً

يكفي بذلك الوقت كمصروف لأسرة كاملة هي أحق بهذا المبلغ وكان اهل الكويت يجدون حرجا كبيرا من النزول الى الأسواق بدون البشت

فاصدر هذا القرار دفعاً للحرج وعلق هذا الشاعر معترضا وتفاعل معه العامة

في قصيدة طويلة يقول من ضمن ابياتها :

دشيت يم الســــــــوق كجاري العاد= مستانسٍ للشــــــــي ما صار بينه

والاي اشوف اللـون في ناسٍ أفراد=في دقلـــةٍ والخيزرانــــــــه يمينه

قلت السبب هل كيف تمشون لا عاد= بشتٍ يذريكم عن البــــــــرد وينه

دقالوا تسمع لا عدمنـــــــــــاك يا واد= عصــرٍ جديدٍ تونا داخلينه

واقفيت أرد الرأي باليــــــــوم ترداد= وظليت هايم والقضيـة كنينه

,,,,,

القصه التاسعه .. (( علوى مهدية الصعب للحمايل ))

للشاعر / حسين بن فرز بن فراج الدويش

هذه قصيدة للشاعر قديم من اجداد الدوشان يمسى حسين بن فرز ( اظن انه من الطرابشه من الوطبان )

وكان يملك الكثير من الخيول الاصيله ويربيها ويهتم بها .. ومن ظمن الخيول التي كان يملكها الشيخ/ حسين الدويش ..

فرس تسما ( الحرقاء ) اهداها حسين الدويش الي الامام فيصل بن تركي .. والامام اهداها الي احد باشات مصر ..

فقال الشيخ/ حسين الدويش هذه القصيدة يتذكر بها فرسه ( الحرقاء )

سابْقي ياهْلَ المطاويع=ما شفت مثله في خيول القبايل

ركابها ما يقبل ويطيع=ولا شفت مثلها غير عنز المسايل

جزاة من يعطي العروس المهانيع=أبو سعود اللي على الناس طايل

ولو هي لغيره كان ما أعطى ولا أبيع =وان فات شين فتركه لا تسايل

إن وقفتن فوق الحنايا مفاريع =وقامت تنادي بالتنادي الأصايل

فربعي مروية السيوف القواطيع= علوى مهدية الصعب للحمايل

واوصيت بأطراف السبايا بما بيع=تخوي كما تخوي ربيب الخمايل

أنا برجوا خالق الضلع والريع =يجي عوضها من سخي الدخايل

اللي عطاها يوم حَز المطاميع =رب الملا معطي العطايا الجزايا

,,,,,

القصه العاشرة والاخيرة .. (( طول الحجب )) <<--- منقوله للكاتب : نقال هم مطير ....

للشاعرة الكبيره مويضي بنت مشوط ابو حنايا البرازي

تزوجت مويضي البرازية من أحد أقاربها فحجبها عن مجالسة الرجال وتظاهرت له بالطاعة الكاذبة فهي الشاعرة الفذة المحبة للمكارم فكيف لها أن تحبس لسانها في وجه من يتشوق لسماع أشعارها فبدأت تسارق نفسها وتلقي بأشعارها في مجلس أبناء عمومتها وجاء زوجها على غفلة منها وسمع ما لا يرضيه فشتمها وأعابها بطول القامة فردت عليه في حينه مشبهة نفسها على طوال الخيل:-

طول الحجب ما عذربت كل قبا = ويوم اللقا ما يركبه كل منزوع
بيتك جذبني جعل بيتك يهبا = وعساه ما يبني على العز مرفوع
وجعل الصغير بيننا ما يربا = أيضا ولا يلعب على فرخ جربوع

......

مصادر القصص ( أصول الخيل - وضح النقا - ديوان الاكابر - ديوان ضيدان الفغم - من ادابنا الشعبيه )

اتمنى ان اكون وفقت في اختياري للقصص .. واذا عجبتكم راح انزل جزء ثاني <<<--- تكفون قولو لا تعتب وانا اكتب هههههههههه

<<--- اكثر شي تعبت عليه بيت الشعر

والحين ابي الكل يقول شنو اكثر قصه عجبته ؟؟

تحياتي لكم ..

منقووووووول