مصافحه أولى .. لأبوسلطان المطيري

السلام عليكم ورحمة الله وبركاته


وأسعد الله مساءكم بكل خير




يشرفني المشاركه مع مع النجوم في هذ القسم بشكل خاص وبهذا الصرح الشامخ

بهذه المتواضعه

اقبلوها كمصافحه أولى لا أكثر

يالله انك تبعد اهل البلاسه والحسد=وعن مواطنا تبعد جميع اوطانها
الهنوف الي لها كم بذلنا من جهد=واكتوينا في الزمن من جمر نيرانها
مني اخذت كل تفكيري بليا عهد=ولغلاها أحشاي قد شرعت بيبانها
لين من عقب التعب والتوجد والنكد=صار بين جروحي الخافيه مسكانها
بري حالي كل ماقمت افكر بالوعد=عند ورقا قامت تجر لي الحانها
للمحبه داخل القلب معمورٍ بلد=والله اني متعبٍ هاجسي من شانها
جعلني ماذوق حر المحبه يافهد=نعنبو عينٍ تلدد ورى خلانها
دام اشوف ام الترف كني اشوف السعد=سالمٍ من شر بقعا وشر اعوانها
الغنج والزين فيها لقوه بدون حد=وقبل تحكي تازن السالفه بـ لسانها
كل يوم أسرف بـ شوقي لها ولا اقتصد=واكحل عيوني لاجيت بسواد اعيانها
لو تغيب الموت يمكن يوردني اللحد=بعد ماخضر بـ حشاء خافقي بستانها
اليالي برد مايرحم من الناس احد=والدفاء في قلب مدهله من شريانها
حبها سهومه تزارق بـ قلبي ماترد=كان طحت اليوم ماطحت غير وزانها
مابقى للناس عندي حساب ولا عدد=ولا تخون العين لو إن حظي خانها

السلام عليكم ورحمة الله وبركاته وصح لسانك ابو سلطان قصيدة حلوة من شاعر جزل الله يوفقك

للمحبه داخل القلب معمورٍ بلد=والله اني متعبٍ هاجسي من شانها
جعلني ماذوق حر المحبه يافهد=نعنبو عينٍ تلدد ورى خلانها
+=+
لو تغيب الموت يمكن يوردني اللحد=بعد ماخضر بـ حشاء خافقي بستانها
اليالي برد مايرحم من الناس احد=والدفاء في قلب مدهله من شريانها
حبها سهومه تزارق بـ قلبي ماترد=كان طحت اليوم ماطحت غير وزانها
مابقى للناس عندي حساب ولا عدد=ولا تخون العين لو إن حظي خانها

صح لسانك أخوي ابو سلطان المطيري

الله الله عليك يابو سلطان صح لسانك ولاهنت يالقرم على القصيده

صح السانك يابوسلطان على القصيده

ياهلا ويامرحبا فيك شرف لنا انضمامك الى هذا الصرح الشامخ

وصح السانك مليون وتلريون ولا يسدون

والله يبيض وجهك على القصيده الرائعه التي استمتعت بقراءتها

كتبت فأبدعت لله درك

وننتظر جديدك

تح ــياتي

صح السانك يابو سلطان جزله من شاعر جزل الله يعطيك العافيه

صح لسانك يابو سلطان ....على هاذه الدره قصيده جزله من شاعر جزل

صح لسانك يا ابو سلطان وقصيدة رومانسية راقية جداً ..أبدعت في صياغة كلمتها وقوافيها حتى اتت جزلة ترتقي الى ذوائق الكل ..

فصح لسانك واعتلى شانك

صح لسانك يابو سلطان واعتلى شانك .وشهادتي فيك مجروحه