مساجلة (شوقه براني)

غير متواجد حالياً

بسم الله الرحمن الرحيم

السلام عليكم ورحمة الله وبركاته

هذه قصيده وجهتها للزميل الشاعر مسلط المغييري وجاراني بها

واليكم الصوت والصدى

شوقه براني والجفا زود براي=بعده ذبحني لو اني حي مامت
شوفه ترا ياناس هو غاية مناي=الصاحب اللي معه انا حبي اسرفت
من عقب ماشلته على راحة ايداي=صديت عن قول العواذل وطنشت
وادخلته بقلبي بلا ماخذ الراي=من ناس قبلي بالهوا حالها زفت
هذاك يومنه يدور على رضاي=يومن قلبه ذايبن مثل ماذبت
العام رجله للوعد تسبق خطاي=ياصل قبل ماصل ولاعمري اخلفت
وان شافني يقول يامرحبا هاي=اشتقت لك ياصاحبي حيل انا اشتقت
وانا على ذاك الوعد رايحن جاي=وان جيت مالقابه سوا حالة الصمت
واليوم مالي منه ياكود ذكراي=ذكرى المحبه واللقا ليلة السبت
ليته يعود ولايشمتبي اعداي=اللي على فرفاه قامت تشمت
واليوم يامسلط ترا يمك اشكاي=ياشاعرن مرموق وبقافك ابدعت
تجر صوتك بالقصايد بلا ناي=صوتك يسلي خاطري لاتسمعت
وابي تجاريني عسى شعرك دواي=لعلي اسلابه عن مفارق البنت

الشاعر/عبدالله العوني

تبي الصراحه لازم تقول بيباي=دامك من اسباب الهوي شفت ماعفت
تري الهواوي مايطيع اكثر الراي=لو مايعرف الدرب قال اعرف الكفت
وانا ملومك طحت فالعالم الهاي=اللي علاقتهم من انتر علي شفت
الصيف يقضونه بلندن وهاواي=وفي بيتهم حطوا بدال الدرج لفت
لوربعك اهل الدرع والطاس والصاي=ماهوب عيب ان شفت بحرالهواخفت
انا بعد حال الجفا دون ليلاي=اذنبت في نفسي مع الشعر واسرفت
ما وفرت صحراي زادي ولاماي=وعن حب كل الغيد شمت وتوقفت

الشاعر مسلط بن ماضي المغييري

وسلاااااااااااااااااامتكم