ياحي من فز لجنابي ونا جاي **عواض بن غازي بن موسم

ياحّي من فز لجنابي ونا جاي=واقبل يرحب مبتسملي احجاجه
ومعجّلن في خطوته يسبق اخطاي=قدر ومعزه مايدور لحاجه
تسوى تراحيبه كرم حاتم الطاي =ويغني عن الماجوب زود ابتهاجه
هذاك جعل اللاش يفداه وعداي =واللي مشى درب الردى والعواجه
يستاهل الناموس وبسد سبلاي =نفس الشعورابديه عند المواجه
واللي كما شرواه امدّله يمناي=يمنن تعشق المجد وطّول تاجه
يوم الردي بالنقص سارح وضوّاي =قصير باع ومطفي الله سراجه
ان جوله اهل العرف والطيب والراي=ايضيق صدره ويتعكر مزاجه
ويبدي لهم باسلوب به صد وغضاي =بارد مقام وفي قباله سماجه
على اللحون الهابطه يعزف النّاي =وسلم العرب باعه بسلم الخواجه
وليا نصحته منك ناقد وزرّاي =غادي يحسب العّد عذبن هماجه
لوهو ولد من كان لركب حمّاي=في خانة اهل الجود صعب اندراجه
ياناس انبّه كل غافل ونسّاي=والطيّب اللي مايضّيع خراجه
الرجل لن ماصار للعز نصّاي=عوده عقيم ولا اخلف الله زواجه

الله عليك يابو طلال صح لسانك واعتلى شانك على هذا النص الرائع

المشاركة الأصلية كتبت بواسطة ابو طلال

على اللحون الهابطه يعزف النّاي =وسلم العرب باعه بسلم الخواجه
وليا نصحته منك ناقد وزرّاي =غادي يحسب العّد عذبن هماجه
لوهو ولد من كان لركب حمّاي=في خانة اهل الجود صعب اندراجه
ياناس انبّه كل غافل ونسّاي=والطيّب اللي مايضّيع خراجه
الرجل لن ماصار للعز نصّاي=عوده عقيم ولا اخلف الله زواجه

صح لسانك أخوي أبو طلال

ايو طلال صح لسانك وبيض الله وجهك على القصيده

صح السانك ابو طلال,,
شتان بين من من يرحب فيك بمحبه وصدق مشاعر,ومن له غايةاو مصلحه,,

ياحّي من فـز لجنابـي ونـا جـاي
واقبل يرحـب مبتسملـي احجاجـه
ومعجّلن في خطوته يسبق اخطـاي
قـدر ومعـزه مايـدور لحـاجـه
ياسلام ليت الاوصاف الي عديتهااااا توجد في هذا الزمن
صراحه قليله ان صح التعبير

والف شكر لك اخي على مانزف به قلمك المبدع
تحيتي

قصيدة تعتبر من أروع القصائد التي أضيفت مؤخراً الى أرشيف الجزل الذي يزخر به مخزن منتديات الموازين الرسميه , أبو طلال صح لسانك واعتلى شانك .

وقصيدة قد سبكت من تِبر , وغلفت بألماس الكلمات ...نفتخر بتواجد المبدعين شعرياً امثالك بيننا.

أبن مصاول

الله عليك صح لساااااااااااااااااانك

ولاهنت

ابوطلال



صح لسانك



واعتلى شانك




وقصيده رائعه


وتقبل مروري

صح لسانك واعتلا شانك