بخصوص ساهر الحل الوحيد

السلام عليكم شباب
انتشرت في كثير من المواقع مواقع كميرات ساهر والناس فهمت ما في الا هذي الكميرات لكن وانا رايح الدوام وجاي شفت مواقع كثير ما ذكرت ماااادري كم عدد الكميرات اللي حاطينهم المرور
-الكميرات متحركه تكون في الوسط وكل وفتره تغير اتجاها
-بعض الكميرات تكون عند الاشاره في الخدمه وتتابع السرعه في الطريق الرئيسي
-لكن عندي بعض المواقع وبعض الحلول اللي جربتها وحبيت اعلمكم ايها واللي عنده معلومه يضيفها
بعض المواقع اللي شفتها:-




1 طريق الملك فهد عند تجمع كباري الشفا وانت نازل من الدايري الجنوبي والدايري الغربي متجه شمال السرعه لازم تكون اقل من 100 كم
2 طريق الملك فهد عكس الاتجاة متجه جنوب بالضط فوق كبري عتيقه السرعه تكون اقل من 100 كم
3 تقاطع عائشه (الابراج) مع السويدي عند الاشاره بالضبط يعني لا تقطع الاشاره وحتى اذا قربت منها هدي السرعه 60 كم
4- كبري الحراج بالضبط فوق الكبري طبعا الدايري الجنوبي السرعه اقل من 120كم
تقاطع شارع الضباب مع مع طريق مكه او (خريص) عند الاشاره بس ما ادري تصور الطريق السريع والا الاشاره السرعه في الخدمه 70 والطريق 100 كم
5- تقاطع طريق الثلاثين (الامير سلطان ) مع شارع ما ادري يسمون شارع الشياطين (هههه) الزبده عند بنده لا احد يقطع الاشاره والسرعه 60 كم
6- تقاطع الثلاثين مع العليا العام عند برج الفيصليه بالضبط
7 – دوار القاعده طبعا لا تستغرب المكان
8- خريص وانت متجه شرق قبل تقاطع خريص مع الديري الجنوبي السرعه 100
9- تقاطع طريق الملك خالد مع المعذر الخدمه السرعه 70كم
10- طريق مكه عند مدارس التربيه قبل طريق الامير تركي بن عبدالعزيز الاول وانت متجه شرق
11-تقاطع طريق مكه مع طريق الامير تركي بن عبد العزيز الاول الخدمه عند الاشاره
12- تقاطع مكه مع التخصصي الخدمه عند الاشاره وانت متجه شمال
13- تقاطع الدايري الشرقي مع طريق الملك عبد الله مخرج 10 الاشاره فوق في الخدمه
14- مخرج 12 على الكبري نفسه
15- مخرج 14 الدايري عند مستشفى نجد الاستشاري
16- الدايري الجنوبي كبري اللي يودي طريق الخرج او الصناعيه قبل طريق معن بن زائده وانت متجه غرب على الكبري نفسه
17- اشارة مخرج الحرس الوطني عند الاشاره
18-تقاطع طريق خالد بن الوليد مع خريص الخدمه عند الاشاره.
(بعض الكميرات موجوده داخل سيارات طبعا هذي ما لها مكان ثابت)



طبعا هذي جزء من الكميرات لكن ما خفي اعظم ..... الله يستر
ودي كل شخص يحفظ اماكن الكميرات اللي في طريقه وهو رايح الدوام


طبعا في حل

الحل موجود
دورت على البخاخ اللي تكلمو عنه ورحت للغرابي والصناعيه ودورت لكن اليماني قبل الهندي يهز راسه
يقول ما اعرف
لكن الحل اللي جرب واكيد راح يشتغل معك اللي هو


برنامج اسمه trapster
اللي جواله بشتغل على خدمة gps
راح يشتغل معه البرنامج ويعلمه ان فيه كميرا او رادار قبل 500 متر والبرنامج مجرب
وان شاء الله ما في مخالفات ثاني
رابط البرنامج


http://www.trapster.com/


الموقع موجود فيه انواع الجولات اللي يشتغل فيها البرنامج
ودمتم سالمين
من الايميل

اخوي فارس الكلمه بما أنني احد منسوبي مرور الرياض فأن نظام ساهر سيطر على السرعه في داخل الرياض والأن يتم تركيب كاميرات في شمال الرياض حتى يسيطرون على مخالفات قطع الاشاره وحزام الامان وخطوط المشاه والتظليل واستخدام الجوال0 وتقبل مروري وشكرآ على النقل0

يوووووووووووووووة الجوال بعد يابو عبد الرحمن الرياض صار لايطاق الله يعين

لاهنت على المرور