الرئيسية التسجيل البحث جديد مشاركات اليوم الرسائل الخاصة أتصل بنا
LAst-2 LAst-3 LAst-1
LAst-5
LAst-4
LAst-7 LAst-8 LAst-6

 
 عدد الضغطات  : 18752
 
 عدد الضغطات  : 26663

« آخـــر الـــمـــشـــاركــــات »
         :: قصيدة : يا شام (آخر رد :أحمد العوفي)       :: الشيخ/خلف بن زراق بن مصاول بن مدلج في ذمة الله (آخر رد :الناقل)       :: تقسيمات القبائل في الجزيرة العربيه..اعداد / عبدالله الحمياني (آخر رد :الناقل)       :: الشيخ/رفاعي بن سند بن مصاول بن مدلج في ذمة الله (آخر رد :وراق الموازين)       :: Private PIC (آخر رد :أبن مصاول)       :: تكريم ومزارق طيب بين بن مدلج والشاعر سالم عجيان اليامي (آخر رد :وراق الموازين)       :: مشاكل الاماره وامراء مطير (آخر رد :أبن مصاول)       :: قهوه الشيوخ (آخر رد :أبن مصاول)       :: جاسر بن حوى بن عواد في ذمة الله (آخر رد :وراق الموازين)       :: سند محمد سند بن مصاول بن مدلج في ذمة الله (آخر رد :وراق الموازين)      



منتدى الطرائف والمرح ضحك وصرقعة وفرفشة الاعضاء والترفيه عن النفس, والالعاب والتحديات بين الاعضاء.والمسابقات.

موضوع مغلق
انشر الموضوع
 
أدوات الموضوع
غير متواجد حالياً
 رقم المشاركة : ( 1 )
عضو ماسي
رقم العضوية : 7729
تاريخ التسجيل : 29 01 2010
الدولة : ذكر
العمر :
الجنس :
مكان الإقامة :
عدد المشاركات : 3,214 [+]
آخر تواجد : 29 - 12 - 15 [+]
عدد النقاط : 16
قوة الترشيح : فارس الكلمه is on a distinguished road
الأوسمـة
بيانات الإتصال
آخر المواضيع

التوقيت
افتراضي !! .. يوميات مهايطي .. !!

كُتب : [ 02 - 06 - 10 - 08:12 PM ]

الهياط ... مشتق من كلمة الهيط .. والهيط لغة كل ما ارتفع صوته بداعي الهياط ç يقالك شرحت الحين .. مسالة ان ربي يبتليك بخوي مهايطي تنبلع ... اثنين مهايطيه وواحد بدون مايونيز برضو نمشيها .. 3 مهايطيه واحد سوبر سايز برضو تنبلع .. ما ودي اقولكم لو اربع مهايطيه وش بيصير لاني بحرق عليكم الموضوع .. انا ابيكم تتخيلو بس لو صار كل اخوياك مهايطيه وش حياتك بتكون ؟! ... انا ربي مبتليني بكم واحد نفر بخاري من هالعينات ويا الله ممشي .. قلت وش حيث قرعه عني يوم يفتح موضوع ينتقد سيول الرياض .. انا بنتقد المهايطيه اللي صرنا نشوفهم اكثر من كاميرات ساهر .. اللي خلت الواحد يمشي وعينه بالطبلون .. كل ما تعدى السرعه قال سرعة شيطان ورفع رجله وناظر الكاميرا وهو يقول بخاطره تبا لكم .. ... ارجع واقول انا ما يهمني موضوعي وش هو من لحيه قد ما يهمني اكون دايما متواجد بها المكان اللي فعلا دخل قلبي اليمين من اوسع ابوابه وله افضال علي <== بدا شغل المصاريه واحسسهم اني دايما معهم حتى لو غبت شويات .. اما عاد لو يشدون حيلهم شوي ويدخلون قلبي اليسار .. اووووف كان تشوفون الزحمه اللي بتصير بالاوردة والشرايين ç بدا هياط




نبدا بموضوعنا ... الهياط صارت صفه سائده بالمجتمع موجوده عند كل من هب ودب .. كل واحد يصير وده يهايط وخلاص ما يدري شلون .. تلقى بعضهم يلقاك بالشارع ... يا رجال علي بالطلاق انك تسير علينا شدعوى يخوك محنا قد المقام ... وتلقى زوجته 24 ساعه مجهزة شنطتها تروح بيت اهلها الطلاق متوقع باي لحظه ... كل ما مر رجال من عند البيت سحبه من شماغه يا رجال علي بالطلاق العشاء جاهز بقى بس البيبسي يجيبه راعي البقاله .. وام العيال واقفه على الشباك تقول يا رب يدخل بتعشى لا يضيع مستقبل البيت .. ويمكن لا دخلت حسيت نفسك ماصل وثقيل دم ... تلقى لا عشاء جاهز ولا احد داري عنك .. والرجال مواعد اهل البيت يوديهم مشوار .. وشف القلق عاد يبدا يحسسك انك مثقل عليه .. وبلحظه معينه تحس نفسك زباله اني من جد ما استحي على طول وافقت انا اول ما لزم علي خصوصا لا جاك واحد من الوراعين الابرياء اللي كلامهم يطلع بدون تشفير وجاء يقولك انت بتطول والا لا ... ولا كان الرجال هو اللي مطلق بالثلاث ... ومن زود هياطه تلقاه مسنتر بالشارع عند وايت المويه يشب تحته نار ان قلت له ليش قال ابد والله نسوي شاهي للضيوف .. يلعن ام هياطك .



تتعرف لك على واحد بالدوام وبدايات تعرفكم يشوفكم تسولفون عن السيارات وهالحركات ... يبدا يخش معكم ويمون ويسوي انه الولد الكاش ... يخوك ما حد بيعترض عليك لو ان راتبك ما يكفيك بس كثر الهياط ليش .. يخش معنا بسوالف انه ازلب سيارة ركبها بحياته بي ام الـ 700 ويسويلك انه دقيق واخلاص وامانه يقولك بس كانت مصدومه من ورى ... ولا بدينا نسولف يقول شباب ما تخبرون لي سيارة مش حالك من السيارات الرخيصه والعمليه الواحد يقضيها فيها مشاويره عشان سيارتي الشخصيه تصير للمشاوير الخاصه والعائليه وبس ... تسمع كلامه تقول اخص صح عليه بيحافظ على سيارته .. تنزل يوم من دوامك بالصدفه تلتقي معه وهو رايح لسيارته ... تتفاجئ ان معه كامري 2001 .. حاط تجليده على السقف مسوي بانوراما .. ومركب زينون .. وفاك الطيس .. والشهاده لله مضبطها من جوا مركب لها شاشه تحس انه زارف تلفزيون الملحق وزبنه بالسياره .. طيب احد قالك هايط .. اشوى ما تهور وقالنا وقت بركان بريطانيا الاخير رحت سفره على السريع لـ لندن اقضي وقت واخذت معي باخور حطيته على البركان عشان نبخر الربع هناك اخوياي وخوياتي البريطانيات .. الله يلعن ابو هالراس ..



كله كوم وسالفة الاقساط كوم ثاني .. تلقى بعض الناس ما يحسبها صح .. وده يقسط طول عمره في سبيل انه يهايط على اخوياه .. يقسط سيارة وبيت وعفش وقرض من البنك و و و .. يصير وده يطلع لكزس اقساط .. ويشتري له بيت كبر قريح ... يصير هو وزوجته بس .. وياخذ له قصر موب بيت .. اول ما تدخل الحوش تلقى لوحه سهم على اليمين .. غرفة النوم 60 كيلو ... اول ما تمسك الخط تزبن لغرفة النوم من زود الفسقه حقين المرور حطو له كاميرا من حقات ساهر بعد المقلط بـ 30 كيلو ... وتلقاه مستانس مو مشكله اهم شي اهايط على اخوياي ... هالنوعيه من زود الفسقه والمرض اللي فيهم .. تلقاه مسويلك مسبح بجنب بيت الشعر .. تقوله ليش يا فلان وش الفايده .. يقولك عشان اغسل الفناجين لا قهوينا الضيوف .. وهو الظاهر ما قد دخل بيته الا ام زوجته .. وشوية قطاوة .. ويوم مرة تهور وعزم اخوياه جاه 500 واحد قالهم ما لكم دااااااعي وين باقي العيال ... بعذره جايب بيت كبر راسه كل اخوياه لا جو ما يكملون زاوية بالمقلط ... لا وكل واحد يمد رجليه عشان يحسون ان المكان زحمه .. الله يقلع بليسه غطى على هياط الصينين اللي من كثرهم الواحد لا بغى يسوي عزيمه يحط عدد مبداي للحضور 20 الف ... وكثر ما يتشابهون يمكن نفس الشخص يجي مرتين وانت منت عارف عنه <== اوكي سلكنا لك بس لا تفلها ..




اخبر واحد مطلع سيارة اقساط وساحب على ام الشركه ... الرجال مو سالفه ما معه يدفع لا يستلم راتب واموره ماشيه الحمد لله .. بس خلاص تلقاه يفلها ويصرفها على شغلات ثانيه .. سحب على ام الاقساط لدرجة انه وصل لمرحله انه كل يوم يده على قلبه لا يجون حقين الشركه يسحبون سيارته .. صار لا جاء للدوام كلم واحد من الشباب يقوله يا فلان انا صاف بالمكان الفلاني تعال هات سيارتك سكر علي ... وتلقاه لا طلع فوق مد لك كرشه مترين قدام ... وقال هاه يا شباب وش بنتغدا اليوم .. علي بالحرام ما احد يدفع فيكم ريال ... يلعن شكلك يخوك ادفع الديون اللي عليك فك عمرك من بلا الاقساط بدل ما انت كل يوم تكبر بهالكرشه يمكن لو احد طب عليك واغتالك ينزل منها دولارات من كثر الفسقه .. الظاهر لو يضل على هالحال بيصير كل ما يوقف افلقني ان شاف اي عضو من اعضاء جسمه اللي تحت الكرشه .. حتى اصابع رجليه اللي تقل صفطة هوت دوغ جنب بعض ما عاد يشوفها <== الله يقلعكم انتو وهالتفكير دايما يروح لبعيد


ومع موضة المغازل هاليومين .. يا ربييييييي لا جاك واحد ماصل الا غصب يوريك اني مخقق بنات الرياض كلهم ... وانه يصير هو قاعد بس وفيه سرى بنات عنده .. كل وحده تجي يعطيها رقم على قائمة الانتظار .. لدرجة ان مرة الويتينج ليست عنده وصلت الظاهر 78 اسم ... ارحمنا يا روميو منفوحه ... اقوى موقف عاطفي مر على الرجال بحياته شغالة جيرانهم وهي طالعه ترمي الزباله تزحلقت بقشرة موز وطاحت .. راح ينشر الخبر بين العيال انها شافته وخقت عليه وفقدت الوعي ... يوم انتشر كل الخبر بالحاره بعد شهر طلعت الشغاله حامل .. دوره عاد هاه يا فلان اشوف الحين ما كانك تعرف الشغاله .. يقمط العافيه يقول دام الموضوع وصل للحمل واه الجنين اللي ببطني يروح فين منك لله خلني ازبن بس ( الفيس اللي بتوقيع الزنكلوني ويقول قداااام )... اخبر لي واحد اشتغل معي بشركه سابقه .. من اول يوم له جاني قال لو احد سال عني انا هنا شوي وراجع .. وغمزني بعينه يقول خويتي الجزائريه جات تحت بنزل اقابلها ونلف شوي بالسيارة واجيك .. خخخخخخخخخخخخ يعني خقته تعدت حدود الوطن لتسيطر على الجزيره العربيه كذا يعني انت اقوى شي وانا بخاف منك وبحاول اصير صديقك .. يلعن ابو هالراس تونا اول يوم حتى اسمك ما اعرفه ... هذاك مرة مسك خويي على جنب ويسولف عليه لق لق لق لق لين انفجر راس خويي .. جاني يسب عليه وقافله ام الاخلاق خخخخخخخخخخ .. اخر شي طلع الرجال له نص ساعه يسولف عليه ان ثنتين من البنات خاقات عليه وهو يحب وحده وبيسحب على الثانيه وما يعرف شلون ... اخر شي اضطر انه يجرح مشاعرها ... وفجاه يقلب لك الولد النعومي الاتيكيت ما شاء الله .. اللي على قولتهم لا جاء يقضي حاجته طلع منديل واخرج ريح فيه <== بالله كيف وانا مؤدب واتكلم بتشفيير ولغه علميه


والا لا جاء الواحد منهم يستلمك ببطولاته ... يبدا يسولفلك عن اخر واحد قاله يا كلب وش صار فيه .. يبدا هياط عاد .. اخر واحد قالي يا كلب .. حاليا يشتغل حوض مويه في سوق الغنم ... يو يو يو والا لو تعرفون وش صار هذيك اليوم بواحد حدني بالسيارة وبدا يهايط ... دعست وراه لين وقفته .. نزلته بنص الشارع لعنت والديه ... وهو الظاهر بحياته كلها اطول مضاربه قدر يكمل فيها وصل لـ نص دقيقه وهو واقف على رجليه ودخل موسوعة جينيس .. تلقاه مرة من ثاني بقس وهو منسدح .. والا لو حشرته بزاوية وفصخت ملابسه بس خليه بالاندر وير عيب يعني .. بتلقى اصار اصابع واحد باقي اثرها عليه بعد ما شاته ... لو احلف ان احد المرات حشروه اثنين ... واحد يثبت .. والثاني يشوته يسطحه بصندوق السياره ... وهو من وساعة وجهه يقوم وينفض ملابسه من الغبار ويقول من اللي شاتني قبل شوي ترى ما لكم داعي ... لا يا شيخ دام ما لهم داعي مسوي مهايطي ليش .. ويجي يسولف لك يقولك القصه بالعكس .. يقولك تصدق يا فلان مرة حطيت يد واحد على كبوت السيارة وسكرت الكبوت عليه ... من قوة الموقف يوم ركبت السيارة لقيت يده طالعه مع الدركسون وصرت استخدمها لا بغيت ادق اشاره ... تصورو يا عيال وربي ايام المبزرة واحد يسولف علينا يقول مرة اخوي على الدوار كان مسرع والفرامل ما مسك معه فتح الباب وطلع رجله من السيارة حطها على الشارع وعدل السياره .. وييييييييين يبوك سيكل بي ام اكس ومجنزر الكفر عشان يطلع رجله يمدها بالشارع .. لاقينا انت .. لكن اللي فيه الهياط من وهو صغير وش يفكنا منه .



ما ودي اتفلسف كثير ودي انتم تعطونا من الهياط اللي مر عليكم واللي تشوفوه بحياتكم واللي هايطتو فيه على اخوياكم ... لكن بحط نقطه اخيره سالفة الانقليزي .. يا ليل السماااااجه لا جاك دلخ .. عربي يا الله تفهم عليه ... وتلقاه من زود دلاخته عشان يسويلك انه يعرف لغات مقتنع داخليا ان فيه حروف جديده بتنزل باللغه العربيه وهو اول واحد بيستخدمها ... يهايط على اخوياه وخوياته انه يفت انقليزي .. وهو لا دخل على ماكدونالدز يقول لراعي المطعم عطني اثنين سوبر سايز واحد بجبن والثاني بدون تشيز ... لا يا شيخ ... تسمع بالسوبر سايز انت وهالراس ... ولا رجع للبيت بين اهله اللي حافظينه وفاهمينه .. قالهم شريت لكم من مطعم 88 .. ما يعرفون حرف الام بالانقليزي لو بيقولهم ماكدونالدز يمكن ابوه يتبرى منه .. لاعب عليهم وقايلهم هذا المطعم اسمه 88 ... تلقاه حفظ 3 كلمات انقليزي من بينهم يس و نو ويستلم امنا استقعاد الا غصب انا افت انقليش احسن من اوباما .. اللي زي كذا ودك توديه رحله لامريكا اول ما ينزل من الطيارة يلتقي مع مهايطية امريكا .. يقولون له شكلك ناوي تنجلد يقولهم يس وهو ما يدري وش السالفه وياكل طق لين يعض الارض ويعرف ان الله حق .. وبعد ما يرجع تسفره لهم مرة ثانيه ويلقونه نفس الشباب يقولون له ما كفاك ضرب هذيك المرة وهو يسوي ذهين ويغير الجواب ويقول نو عشان ما ينطق .. ويستلمونه طق لين خشمه يصير على مستوى الوجه عنده ولا اطلق شركة مقاولات ما سوت لك هالشغل النظيف .. كلهم الله ياخذهم لازم حفر ومطبات بعد ما يخلصون الشغل <== كنه بيشطح لموضوع جديد


ببالي كثير حكي والله .. لكن تونا طالعين من فعالية ومواضيع ما ودي اطول عليكم + هدفي اسجل حضوري لهالقسم العزيز على قلبي ... والاهم اني ودي انتو تشاركوني هياطكم واللي شجعني على هالموضوع كثر الهياط اللي نشوفه بالدكه .. شوفوني انا قد ما كنت اهايط بمواضيعي السابقه ويجو المشرفين يلحطوني ويعدلون على الموضوع .. تبت الى الله وبطلت هياط


ما يستفاد من الموضوع :
- علي بالحرام انكم تقلطو ... يفداكم حبر المنتدى كله خلصوه على موضوعي
- التزبيد افضل حل عصري للمهايطيه لحد الان .
- اذا رحت امريكا اول شي قول نو بعدين يس

غير متواجد حالياً
 رقم المشاركة : ( 2 )

....
رقم العضوية : 5100
تاريخ التسجيل : 10 01 2009
الدولة : أنثى
العمر :
الجنس :
مكان الإقامة : أرض من ملكني حبه
عدد المشاركات : 10,491 [+]
آخر تواجد : 28 - 08 - 12 [+]
عدد النقاط : 47
قوة الترشيح : نزف المشاعر is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: !! .. يوميات مهايطي .. !!

كُتب : [ 03 - 06 - 10 - 02:40 AM ]


وربي تحفة الموضوع فطست من الضحك ( اللي يشوف دموعي يحسبني ابكي )


كلش عاد ولا اللي يحط بخور على البركان ههههههههههه .



ربي يسعدك أخوي فارس الكلمة .. وتسلم يمينك الله يعطيك العافية





غير متواجد حالياً
 رقم المشاركة : ( 3 )
عضو ماسي
رقم العضوية : 8137
تاريخ التسجيل : 07 04 2010
الدولة : ذكر
العمر :
الجنس :
مكان الإقامة : الخبر
عدد المشاركات : 6,563 [+]
آخر تواجد : 13 - 10 - 12 [+]
عدد النقاط : 10
قوة الترشيح : ابو العز is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: !! .. يوميات مهايطي .. !!

كُتب : [ 03 - 06 - 10 - 04:40 AM ]

يعطيك العافية أخوي فارس الكلمه مبدع دايم بطرحك المميز

غير متواجد حالياً
 رقم المشاركة : ( 4 )
عضو ماسي
رقم العضوية : 7729
تاريخ التسجيل : 29 01 2010
الدولة : ذكر
العمر :
الجنس :
مكان الإقامة :
عدد المشاركات : 3,214 [+]
آخر تواجد : 29 - 12 - 15 [+]
عدد النقاط : 16
قوة الترشيح : فارس الكلمه is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: !! .. يوميات مهايطي .. !!

كُتب : [ 04 - 06 - 10 - 01:15 AM ]

اقتباس:
المشاركة الأصلية كتبت بواسطة نزف المشاعر مشاهدة المشاركة

وربي تحفة الموضوع فطست من الضحك ( اللي يشوف دموعي يحسبني ابكي )


كلش عاد ولا اللي يحط بخور على البركان ههههههههههه .



ربي يسعدك أخوي فارس الكلمة .. وتسلم يمينك الله يعطيك العافية
دووووووووم الضحكة شكرا على المرور

غير متواجد حالياً
 رقم المشاركة : ( 5 )
مراقب سابق
رقم العضوية : 6953
تاريخ التسجيل : 29 09 2009
الدولة : ذكر
العمر :
الجنس :
مكان الإقامة :
عدد المشاركات : 2,386 [+]
آخر تواجد : 30 - 09 - 12 [+]
عدد النقاط : 11
قوة الترشيح : ابن مصاول الميزاني is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: !! .. يوميات مهايطي .. !!

كُتب : [ 06 - 06 - 10 - 01:23 AM ]

هههههههههههههههههههههه

الله يرج ابليسك والله اني فطست من الضحك اما سالفة المغازل شي

لاهنتي يالغالي

غير متواجد حالياً
 رقم المشاركة : ( 6 )
عضو ماسي
رقم العضوية : 7729
تاريخ التسجيل : 29 01 2010
الدولة : ذكر
العمر :
الجنس :
مكان الإقامة :
عدد المشاركات : 3,214 [+]
آخر تواجد : 29 - 12 - 15 [+]
عدد النقاط : 16
قوة الترشيح : فارس الكلمه is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: !! .. يوميات مهايطي .. !!

كُتب : [ 07 - 06 - 10 - 12:29 AM ]

اخوى ابو العز الف شكر

موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:19 AM.


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
المجموعة العربية للاستضافة والتصميم

إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها