تلعب بعقلي... لعب حرّيف البلوت

اشتقتلك ... دقيت لجل أسمع الصوت
صوتك يجي المشتاق .. ويزيل همّه

عندي طلب تكّفا .. قبل فايت الفوت
ودي( أسم عطرك).. ايلا اشتقت أشمّه

أرجوك تسّعف حالتي... قبل لاموت
تكّفى ترا حالي ... خطيرة ... مهمّه

اخاف من حاله ..كمّا اللّي بتابوت
صلّوا عليه الناس ... والكّل زمّه

وسط القبر حطّوه .. واللّحد منحوت
وحطّوا عليه الرمل من فوق عتمه

حالي مثل حاله ايلا رحت بسكوت
والليل لاغاب القمر ... صار ظلمه

تلعب بعقلي... لعب حرّيف البلوت
كنّ الورق مكشوف ..يشريه..ويلمه

متحكّمن فني ... تقل معك ريموت
وارضاك عندي من الأمور المهمّه

أن كنت تبغاني ... فانا فيك مبخوت
ون مــــاعجبك أسمي .. تكرّم وســمه

يالله.... يامنجّي نبيك من الحــوت
حقق لي احلامي .. بشوفة وضمه



وسلامتكم

تلعب بعقلي... لعب حرّيف البلوت( بلوت)
كنّ الورق مكشوف ..يشريه..ويلمه

قصيدة جميله الف شكر أخوى لاهنت

( فارس الكلمة )مرورك عليها جعلها رااائعة
لاتحرمينا من المرور لكي تكتمل الروووعة

اهلا بك

تسلم يدك اختي كلمات رائعه

وسط القبر حطّوه .. واللّحد منحوت
وحطّوا عليه الرمل من فوق عتمه

حالي مثل حاله ايلا رحت بسكوت
والليل لاغاب القمر ... صار ظلمه

هذي معلقه في الشعر