(هذه القصيده اسندتها الي الشاعر/عواض بن غازي القحم احكي فيها معاناة الغربه عندما تذكرت _الظاهريه_ ولي فيها مغزى)
يـابـو طــلال العـلـم ماهـو سوالـيـف=العلـم علمـن صـدق مـابـه مـزوحـي
كلـتـنـي الـغـربـه وهـــم الـمـوالـيـف=وهم ا لزمان اللـي هبوبـه يشوحـي
سبعة شهورن جالسن كني الضيف=ضيف المحـل اللـي لـه الامـر يوحـي
مـاعـاد تنفعـنـي كـثـار التحـاسـيـف=الا لـيـا مـــن الـفــرج قـــدم روحـــي
ورجـعـت للـديـره وسويـتـلـي كـيف=كيـف الرجـال الـلـي دلالــه تفـوحـي
وشفت القصور اللي عليها مشاريف=الـلـي يــدك ضـلالـهـا بـعــد فـوحــي
وشفت السحاب اللي مزونه مراديف=لاجـاتــك بــروقــه تــبــارى تـلـوحــي
مهما شرحت تـزود معـي التواصيـف=لاكـن هـاذي نبـذتـن مــن طمـوحـي
بــلــغ رسـالـتـنـا زبـون الـمـعـاريـف=الـلــي فـعـولـه بالـمـراجـل تـبـوحـي
امـا اعيـش بديرتـي شاهـر السـيـف=والا امـــوت بغـربـتـي بـعــد لـوحــي
الشاعر/ عبدالالــــــه بن خاتم بن عميش