ياخاطري مابه غرابه

للتواصل أطل عليكم بهذه الابيات لعلها تنال شيئا من قبولكم ورضاكم

ياخاطري مابه غرابه في الطبيعه والحياه=تبدي علاك من الامور امور ماظنيتها
من شل دلوه مع رشاه الرمث لايامن رشاه=ما هو بشارب من حلا الجمة ومنبع هيتها
الوقت من كثر التجارب بان مره من حلاه=لو اني ابا اعد الحلا والمر ماعديتها
خلاص لاهتزت ثقتنا في الرفيق الي نباه =ماعاد تخطو يمه الاقدام لو دفيتها
النفس لا عاشت على عز وشرف ماتت علاه=ما تحتدي عن نهجها دايم بعد ضريتها
بعض العرب يزعل ويرضى من خلاه ليا خلاه=ولحاجته يلفيك وسمان العلوم اوحيتها
واليا انتهى منك إنتبه موٌج براسك عن حصاه=وانس الجمايل كلها تراك ماسويتها
وبعض البشر أزريت أميز لون وجهه من قفاه=يوم معك وايام ضدك سيرته مليتها
متى نعرف ان القريب الحق نمشي في رضاه=ومتى نعرف ان الحميه ما يخرب بيتها
القرم يعجبني تذرا بعض الانفس في ذراه=والا الشرود يحوص لاجات الصعاب وجيتها
يادبل كبدي من نصاف رجال مافيهم شلاه=حرام لو تمشي بدون ثياب ماسبيتها
يا للعجب رجَال من زوله يسرك من حلاه=ينشب بحلقك لا سدحت النعجه وذكيتها
هالاه يخلف هقوتي والله ما أ دري لاه لاه=الغايه اوحيت العواجه من شفاه أوحيتها

صح لسانك أخوي حمود العتيبي قصيدة رائعه بنتظار جديدك

النفس لا عاشت على عز وشرف ماتت علاه
ما تحتدي عن نهجهـا دايـم بعـد ضريتهـا

صدقت اخوي حمود
وصح لسانك قصيده جزله من شاعر متمكن
دمت بخير

وبعض البشر أزريت أميز لون وجهه من قفاه
يـوم معـك وايـام ضـدك سيرتـه مليتهـا


صح لسانك وبيض الله وجهك على هالابيات

صح لسانك اخوي حمود.. هنا وجدت جزاله بمعنى الكلمه
انا اشهد انك صادق من اول بيت لاخر بيت
لاهنت قصيده اجبرتي على التمعن في قراءتها
ولله درك على كل بيت خطته يمينك
نص شامخ ... ومصطلحات نثرتها على سجيتك الاصيله
دام ابداعك ...ونطمع بالمزيد

صحُ لسآنكُ الشآعرٍ .. بيضُ الله وجهكُ ولآهآنكُ ..

صح لسانك علي القصيدة

الله يعطيك العافيه اخوي حمود قصيده جميله وموضوعها اجمل
وانت شاعر بدون جدال الله لايهينك ننتضر جديدك

صح لسانك اخوي حمود العتيبي والله لايهينك

صح لسانك أخوي حمود ..
وسلمت يمناك ......