[مطويّة الصدق ومطويّة الفعل]

بسم الله الرحمن الرحيم
السلام عليكم ورحمة الله وبركاته
آهدي إليكم هذه القصيده للشاعر/بدرالشيب والتي شارك بها في ملتقى قبيلة ميمون لعام(1431هـ)
الذي أقيم في المتياهه تحت رعاية معالي المستشار/محمد بن ضيف الله بن شرار
وقد حازت على المركز الأول
ويقول:-

بإسم الآله الخافض الرافع معين المستعين = جميع ما فالكون من كاين تحت ملكيته
مسقى الوطا معطى العطاء بكتابه العلم اليقين = جميع شخص يعرف مقصوده ويعلم نيته
بإسمه بداية كل مبداء وأسمعوا ياسامعين = مبداء قصيد(ن)يطرب السامع على قافيته
متوّجه بالكسترال ومازجه بالياسمين = من هاجس(ن)تعرض جماهيره قدم منقيته
من شاعر(ن)ماهو بمبدع ذخر قوم(ن)مبدعين = يختار من محمية آجداده ومن محميته
ماآقول أنا شاعر مطير؛مطير سقم المعتدين = شعّارهم كل(ن)على نهجه وله حريّته
شاعر وآمثل لابتي في كل وقت وكل حين = وكل(ن)يمارس خبرته فالشعر وإمكانيته
الشعر منهاجه كذا ماهو يسار ولايمين = والشاعر الله وأعلم إن السحر مع جنيته
آعزف على اللحن الشجي ماآعزف على اللحن الحزين = وأقلط على عدّ الروى الراهي وآصفي ريّته
واليوم في مدح القبيله لازم الخافي يبين = الشعر لإظهار الحقايق مبعده سريّته
ياصفحة الآمجاد والتاريخ وش تستوعبين = المجد مانرثيه بس تشدنا مرثيته
نستعرض الماضي ونفخر به وحنّا واثقين = البدر ماتخفي عمود آشعته خلفيته
ميمون ربعي تاج راسي درعي الجنب المتين = عون الدخيل اللي طلب من صوبهم عانيته
فعول الآحياء واضحه والإ الرجال الميتين = فعولهم حيه وأهلها فالمقابر ميّته
مانذكر الماضي جهل بالطبع حنّا مسلمين = لكل وقت رجال با آفراحه وبإكراهيته
تاريخ ميمون العريقه مجد تحكيه السنين = والله ليبلش باحث التاريخ فى إحصآئيته
فالجاهليه كسبنا الناقه وخيل المعتدين = وشلفاء عقيد القوم نآخذها قبل جنبيّته
واللي معه بندق وسيف من العداه الطامعين = والله لنآخذ عدته لو يعتزي بـ وخيّته
واليوم فالإسلام واضح كسبنا دنيا ودين = والكل منّا ماقفل بالقفل ديوانيته
وكم من فقارى(ن)يشتكون الديّن راحوا مغتنين = غنينا يعطى العطاء ماشح في ماليته
طبوعنا ماهي جديده طبع آهلنا الآولين = عشنا على الطاله وكل إنسان وإنسانيته
ماهي دعايه هكذا فعل الرجال الطيبين = الصدق ذي مطويّته والفعل ذي مطويّته

صح لسان الشاعر بدر الشيب

ويعطيك الف عافيه فايز على نقلك المميز

الله يعافيك آخوي مواعيدك سرررررررراب

صح لسانك

الله يعطيك العافيه

الله يعافيك وصح الله بدنك

صح لسان الشاعر بدر الشيب والف شكر لك على النقل أخوي فائزبن الشيب

يعطيك العافيه

صح الله أبدانكم جميعاً

والله يعطيكم العافيه

وأشكركـم على مروركم الجميل

ولكمـ؛؛ تحياتي

صح لسان بدر الشيب
وميمون يستاهلون الطيب والمدح كله
بني عم ونتنومس اليا سمعنا عنهم كل علم غانم
ولاهي عريبه على بدر مدحه لهم
ومكشور يابو شامان على نقلك المميز
.

صح السااااااااااااااااااااانه