قصيدة في عيد بن شارع العضيله

السلام عليكم ورحمه الله وبركاته

هذي قصيده كتبتها بمزاين أبل قبيله مطير


ودو سلامي يالعيال المناعير
....للي يشيلون الحمول الثقيله
سلام للشجعان واللي بهم خير
.... سلامن أحلى من شراب الثميلة
العلم واضح مايبى العلم تفسير
.... لأهل الوفاء والجود وأهل الفضيلة
البل ليا جت للمزاين مقاطير
.... تبر الكبود اللي منول عليله
البل مع الوبال صفر ومغاتير
.... مثل الهبوب اللي تسوق المخيلة
بكرة ليصفوا وراها طوابير
.... كلن يقول البل هذي الأصيلة
مع عيد بن شارع زبون المخاسير
.... واللي سواته كل حملن يشيله
فالبل عطايا الله يسوق الدنانير
.... يبي ليا حط المزاين يجيله
والجيب يبرى للنياق المصاغير
.... جيبن جديد وتو ورد من مديله
والبيت بابه فاتحه للمسايير
.... تلقا به الضيفان بيت العضيله
اللي يجي من نجد وأم المغاوير
.... فرصة لمن جاهم وهي تستويله
بمزاين البل رافعن رايت امطير
.... حي الرجال اللي تعز القبيلة
بمزاين البل صفقوا يا جماهير
.... ويحقق الصعبات والمستحيلة
ياعيد بن شارع ليا غرد الطير
.... منزالكم يا عيد رأس الطويله
الفعل طيب والمبادي على خير
.... والطيبة ماهي سوات الهزيلة
لك من ذوي ميزان ياعيد تقدير
.... لأنك من اللي ينفعون القبيلة
لأنك شجاعن ماتعد المخاسير
.... بلهان شيال الحمول الثقيلة
وراع الكرم والجود مافيه تقصير
.... الله يجملنا بــــراع الجميلة
راعي ادلالن مكرماتن مباهير
.... فنجالها يبر العماس ويزيله
والرزق عند الله ولي المقادير
.... والدرب واضح مايبيله دليله

تقبلوا تحياتي

مشعل بجاد الميزاني

صح لسانك يامشعل ...ويستاهل عيد ابن شارع اعضيله ...تقبل مروري

صح لسانك يمشعل

ويستاهل عيد بن شارع العضيله

ويعطيك الف عافيه

صح لسانك يا أبو بجاد على هذه القصيدة الجزلة
و يبستاهل عيد بن شارع العضيلة هذا المدح الجزل

صح السانك اخي
وابوخالد يستاهل

صح لسانك أخوي مشعل وقصيدة جزلة من شاعر جزل في رجل عرف بالجزالة في مواقفه لمؤازرة القبيلة ورفع رايتها ...

ولكن هل انت الشاعر مشعل بن بجاد بن ناجع؟؟

صح لسانك أخوي مشعل بجاد الميزاني

صح لسانك يابو بدر وانت شاعر جزل وعيد يستاهل القصيد الجزل
وبالنسبه لسؤال ابوضيف الله عن مشعل
نعم مشعل بجاد ناجع الدودي الميزاني
الله لايهينك يابو بدر على هالقصيده اللتي في محلها تقبل تحيات
ابوحــســــــــــــــــــــين

صح لسان الشاعر ويستاهل العضيله