النوافيـــر...!

الجوف ساحه والقصايد تَعَارك=والفكر قايد والحروف الكتايب
القاف رمح ٍ والمعاني مِهارك=والحبر دم الروح نزفه سكايب
في ساحة الميدان قامت تفارك=حْروف فكره طَيّبَتَها المطايب
الشجره اللي يابسه في ديارك=عيّت تبارك لو روتها السحايب
والظل ماشفته تحتَها ابنهارك=حتّتْ ورقها ناشفات الهبايب
حتى الغيوم اللي عقيمه بدارك=تنّبت صفاوة جوّها لك مصايب
القاع متصدّع قِناعه غِبارك=حتى قرارك لوّك امصيب عايب
ارضك سقاها بالنوافير جارك=والسايبه بين الاوادم نهايب
حتى ركوبة جارك اللي اعارك=في خدها وسم ٍ يثوِّر طلايب
عينك على النجمه تدارك مدارك=بكره يشد الجار مالك ركايب
اليا نشدك الناس ضَيّق حصارك=كلمات مقرود بضميرك لهايب
انا شِعَاري نور وانته شعارك=مستنور ٍ بين المجرات غايب
على جناح النصح حرفي تبارك=والنيه البيضا من الله وهايب
تل الحصان اللي صهيله وقارك=ماينفع بْوقت المعارك نوايب
احفظ جزء عَمّ ورتّل تبارك=اخير من طرد النجوم القرايب
ان طعتني ثَبّت وتدك بْقرارك=قبل تعيش الوقت كله صوايب

صح لسانك ياصالح

صح لسانك ياصالح وبيض الله وجهك على القصيده

ويعطيك الف عافيه .. وبنتظار كل جديد منك

صح لسانك اخوي صالح

صح السانك وبيض الله وجهك

صح لسانك أخوي صالح بن عمار
أبدعت وأمتعت لله درك

المشاركة الأصلية كتبت بواسطة علي حميدان الدجيما

صح لسانك ياصالح

علي حميدان
صح بدنك يالغالي مرورك يعني الكثير
إحترامي

المشاركة الأصلية كتبت بواسطة مواعيـ سراب ـدك

صح لسانك ياصالح وبيض الله وجهك على القصيده

ويعطيك الف عافيه .. وبنتظار كل جديد منك

مواعيدك سراب
صح بدنك يالغالي ويبيض وجهك دوم
ويعافيك المولى يافاضل
إحترامي

على جناح النصح حرفي تبارك -- والنيه البيضاء من الله وهايب

صح لسانك يابوعمار قصيده جزله من راس جزل ولايجيب الا الشعر الاصيل اللذي نشفق عليه
أعجبتني كثيرا القصيده وماتحمله من معنى جميل ويدل على طيب معدنك ونبل أخلاقك ..
نعم هنا تكون وقفة الشعر من همومنا ومشاكلنا اللتي نعاصرها لاكما يذهب اليه البعض من
الاسترسال في الخيال المفرط اللذي مللنا منه ان صح التعبير لكثرته في وقتنا الحاضر .....
أستمر يابوعمار فأنت تستحق المتابعه
دمت بخير

المشاركة الأصلية كتبت بواسطة عنود الصيد

صح لسانك اخوي صالح

عنود الصيد

صح بدنك غاليتي ويعطيك العافيه

إحترامي