ياللي تقولين كيف الحال وشلونك ؟؟؟

ألأخوه والأخوات الاعزاء متصفحي منتديات النخبه
اضع بين أيديكم هذا النص المتواضع وكلي أمل
بأن تحوز على رضاكم واستحسانكم ..

ياللي تقولين كيف الحال وشلونك=الحال يمك عظيم الشوق طارقها
اسرتني فالغرام بنظرة عيونك=خدرات نجل تقال النوم سارقها
والأشقر اللي تفله من على متونك=مع قذلة عن جمال اللوجه فاهقها
اجيد وصفك لكن عيونك عيونك=عيونك الموت جل الله خالقها
ياخدر الاعيان لوتسمح على هونك=أسرار حبك نبي نكشف حقايقها
لنكان مهتم بحال اللي يحبونك=روحي معك هالسويا لاتعلقها
أرحم محبن خطير يصير مجنونك=والنفس لرضاك مرهقته ومرهقها
أما اذا جيت لأجل تجدد طعونك=مني مسامح لكن الروح فارقها
روح عسى اللي وراك يحول من دونك=والنفس أجلها تحت تدبير رازقها
لون خطرن علي أموت بغبونك=موتي ولاأحلامنا اللي مانحققها

.

صح لسانك أخوي يوسف الداخل

صح لسانك يايوسف
تقبل مروري

صح لسانك أخوي يوسف

صح لسانك ابورهف على القصيده الرائعه والجميله راقت لي كثيرا واستغرب لطول انتظارنا لطرحك
لقصائدك مع علمي بانشغالاتك التي تبرر لي ذالك لاكن اتمنى بان لايطول انتظارنا للكثير
من قصائدك اللتي تنبع من الجزاله كما عهدناك تقبل مروري ودمت بخير

صح لسانك أخوي يوسف وننتظر جديدك المميز مثل هذه

صح لسنانك اخوى يوسف على هذي القصيد الجميلة