اليوم عيد ووطنا كل الايام عيد

في يوم واحد من الميزان من كل عام=عيد الوطن والوطن في كل الايام عيد
باذن الولي مملكتنا من جنوبٍ وشام=والشرق والغرب فيها الشعب إيدٍ بإيد
من يوم توحيدها بعزم الرجال الكرام=حق علينا الفرح في كل عامٍ جديد
من عهد عبدالعزيز ال السعود الامام=لعهد عبدالله اللي للمراجل سنيد
صقر العروبة كفوفه خير مثل الغمام=لا هل همالها يروي بها كل بيد
عبدالله اللي يحل الكايدات العظام=وسلطان والنايف حزام السعد والعضيد
في كل شبر يعيش الشعب أمن وسلام=ويرد عن حدّها لا شاف ظلمٍ وكيد
منها ارتوينا الوفا والصدق جوف الظلام=واليا انبلج نورها حبٍ وخيرٍ مديد
في كل ليلة نجدد للملك والنظام=البيعة اللي بها نحفظ بلدنا السعيد
يالله تحفظ بلدنا والملك كل عام=اليوم عيد ووطنا كل الايام عيد

صح لسانك اخوي عبد العزيز وابيات رائعه

صح لسانك أخوي عبدالعزيز الشاطري

صح الساان يالغالي

صح لسانك اخوي عبدالعزيز قصيده جميله جدا دمت بخير

قصيده رائعه جدا صح السانك اخوي
لا هنت~

	اليوم عيد ووطنـا كـل الايـام عيـد

صح لسانك أخوي عبدالعزيز وجزلة من شاعر جزل والوطن يستحق مثل هذه الرائعه

لاهنت على القصيده