حن قلبي حن (( ماك )) على سمر العجل=عشق السواق والدرب ممسـوك(ن) وراه
إن عطا مع طلعة(ن)عشقـوا لـه الدبـل=وإن تسهل ريحـه ليـن ياصـل منتهـاه
ما بشفـي لا دريـول ولا ريـس عمـل=شفي اللي كل ماشاف بـراق(ن) رعـاه
صبي أهله قطين(ن) على عـد(ن) جالـه عبل= طيب(ن) للبل وراعيه مايقطع ظماه
ونتي ونة خلوج(ن) ولدها مابعـد جـدل=تشـرف المرقـاب للـذود وتعـود وراه
هذه القصيدة سمعتها كثيراً هنا وفي كل مكان وهي تدل على دراية وخبرة بنات البادية بمحركات السيارة القديمة مثل الماك (MAC ) وهي من السيارت القديمة التي كانت تتحمل المشاق وصعاب أرض الجزيرة العربية الوعرة خاصة الربع الخالي وما حوله من مناطق وعره..
وهذا يدل على دراية وخبرة هذه المراءة العربية بأساسيات محركات هذه المركبة