وشلون ماأفخر واجر الصوت وانا متيّـــــم بعجمـــيّه

السلام عليكم ورحمه الله وبركاته


هذي قصيده للشاعر : محمد ابن الذيب


والاغلبيه يسموا قصيدته بـــ وضحــــى العجمـــــيه


اخليكم مع القصيده.....



تسمعوا يوم أجر الصوت



ياهل القلوب الهواويه



الهجر بين العرب ممقوت



والوصل ياحيك وحيّه



ياهاجسي قبل يفوت الفوت



عندي رساله خصوصيّه



علم هل المغرب وبيروت



حتى بنــــــــــات الســــــــــعوديه



واللي ورى الكوت واهل الكوت



والمسلمه والمسيحيه



وضحى غلاها ترى منحوت



بين الضلوع الشقاوية



منها يغار الشهد والتوت



وتغار الأرض الطبيعيّه



والدر واللولو والياقوت



يعني هالبنت حوريه



بعيونها العاشقين تموت



وتقول للموت ياحيّه



وشلون ماأفخر واجر الصوت



وانا متيّـــــم بعجمـــيّه

وهذا رد على القصيده
\
ياذيب يومك تجر الصوت

وتقول ميت بعجميّــه

تبي الخبر يوصل لبيروت

وحتى بنات السعوديه

ياذيب حنا بحور الموت

لهل القلوب الخلاويّـــه

صعبين وأثمن من الياقوت

مثل الذهب صعب مشريّه

نظراتنا سهمها موقوت

والموت بعيون نجديّه

غزلان منها تعاف القوت

ترعى النفل كل وسميّه

منا يغارون اهل الكوت

واللي مع البدو طرقــيّه

حتى الزهر والعنب والتوت

وبنات لندن وتركـــيّه

ولو جبت وضحى وهند وقوت

خسّرتهم ألف بالميّـــه

أقولها لك واجر الصوت

وأفخر وانا بنت يـــاميه

صح لسان أبن خر الذيب وصح لسان الياميه وأحسنت النقل أخي أبو راكان ولي ملاحظة أن الله جعل حيل يام بينهم فما الفرق بين العجميه والياميه ؟؟؟

كلهم يام....


أبن مصاول

بارك الله بك , شكراً أبن مصاول