روائع الامير محمد الأحمد السديري

السلام عليكم ورحمة الله وبركاته

قصيده ذكرني فيها "مفارق احباب" في احد المواضيع حبيت تشاركوني في قرائتها

من روائع الامير محمد الأحمد السديري

غني عن التعريف لما له من شهرة واسعة ومكانة كبيرة وشاعرية فذة فهو اديب كبير ساهم في خدمة الادب الشعبي ورقيه وتألقه,

. . .

يقول من عـدى علـى راس عالـي=رجم طويـل يدهلـه كـل قرنـاس
في راس مرجـوم عسيـر المنالـى=يشتاق له منـدك بالقلـب هوجـاس
قعدت فـي راسـه وحيـد لحالـى=والقلب في لجات الافكـار غطـاس
وقعـدت اعـد ابامهـا والليـالـى=دنيا تقلب مـا عرفنـا لهـا قيـاس
دنيـا تفـرق بيـن غالـى وغالـى=لو شفت منها ربح يرجـع للافـلاس
يا ما هفا بـه مـن رجـال مدالـى=ما كنهم ركبوا على قـب الافـراس
ولا رددوا صـم الرمـك للتـوالـى=ولا ثار عج الخيل في كل مـرواس
ولا قلطوهـن للكمـيـن المـوالـى=ولا صار فوق ظهورهن شلع الانفاس
في حومـة الهيجـا لهـن اجتوالـى=كل يبى من زايـة الفعـل نومـاس
من بينهـم عـود الجنـا والسلالـى=مثـل البـروق الليـل الادمــاس
يقطعك دنيـا مـا لهـا أول وتالـى=لو اضحكت تبكى وتوريك الاتعـاس
يا ابجاد شب النار وادنـى الدلالـى=واكسر لنا يا ابجاد ما يقعـد الـراس
فنجال يغـدي مـا تصـور ببالـى=وروابع تضرب بها اخماس وأسداس
لعـل قصـر مـا يجيبـه اظلالـى=ينهد مـن عالـى مبانيـه للسـاس
لى صار ما هـو مدهـل للرجالـى=وملجأ لمن هو يشكى الظيم والبـاس
بحسناك ما منشى حقـوق الخيالـى=يا خالق اجنـاس ومفنـى اجنـاس
تجعـل مقـره دارس العهـد بالـى=صحصاح دو خالى ما بـه أو نـاس
لا خـاب ظنـك بالرفيـق الموالـى=مالك مشاريه علـى باقـي النـاس
وإن ناشنى من بعض الادنين صالى=مانى عن الـزلات مخبـر وبـلاس
كالعنبر الغالـى بالأسـواق غالـى=ولا درهم الفضية على صفر ونحاس
اجزيـة بالصـده جنـوب وشمالـى=واتلى هوى قلبى اليا هـب نسنـاس
المستريح اللى مـن العقـل خالـى=ما هو ولجات الهواجيـس غطـاس
ما هـو بمثلـى مشكلاتـه اجلالـى=عجزت اسجلهن بحبـر وقرطـاس
حملى ثقيل وشلـت حملـى لحالـى=ونصبر على ضيم الليالى والاتعـاس
برسي كما ترسي عوالـى الجبالـى=ما ينهزع حيـد عليـه القـدم داس
متـى تربـع دارنــا والمفـالـى=تخضر افياضه عقب ما هي بيبـاس
ونشـوف فيـه الديدحـان متوالـى=مثل الرعاف بخصر مدقوق الالعاس
ينثر على البيـداء سـواة الزوالـي=يشرق حماره شرقة الصبغ بالكـاس

صح لسان الشاعر الكبير المرحوم الأمير محمد الأحمد السديري وقد كان شاعر زمانه وأشعاره لن تمحى لأن من الشعر كما قال رسول الله حكمه وقصيدته هذه كلها حكم ..

ومن المعروف فالأمير محمد الأحمد السديري هو مؤلف الكتاب الشهير (أبطال من الصحراء) ذي الصيت الذائع بين أهل الجزيرة وخارجها..

وله أيضاً هذه القصيدة التي بها بيت عن الف بيت
http://www.almouazeen.com/showthread...D3%CF%ED%D1%ED

وموضوعك هذا قد تطرقنا له من قبل تحت هذا الرابط
http://www.almouazeen.com/showthread...D3%CF%ED%D1%ED

ولكن لأن موضوعك منسق وليس فيه أبيات دخيلة على القصيدة ليست منها مثل ما حصل في الموضوع في الرابط سوف نتركه ولن نزيحه للمكررات


أبن مصاول

أبن مصاول ,,,,, مشكوار