برواية ماجد بن عبود بن مغيرق : الهنيدي اباالعلا وغزوه على مطير

السؤال السادس والعشرون:اشتهر الهنيدي ابن مشعان بالفروسيه الا اننا لم نسمع عنه الا القليل من الروايات ماهي المناويخ التي حضرها ؟

ج26/غزو العصمة والشيابين على مطير في ديارهم ويوم جلو الابل وجو منكفين معودين لهلهم لحقهم طلب مطير وفي ساقتهم ولا ادركوهم الا في السر وطاح واحد من النوايره الشايبين صويب واخوه نزل عنده ويوم مرهم الهنيدي قال ابن نوير تكفي ياالهنيدي تكفى ياعانيتنا لاتخلينا نزل الهنيدي وثنا دونهم واركب الصويب واخوه
وهدف المطران (( صوبوا )) على الهنيدي وضربته رصاصة وطشت راسه ومات يوم عودوا العصمة لهلهم قالوا الهنيدي ذبح وسمعتهم

وحده يقالها سماح وعلمت ساره بنت بن عزرا و قالت هالابيات:




لا عدت ياعلم لفت به سماحـي ياليـت ربـي لدهـا ماسمعنـاه
يامن يسوق ضعونـا للمناحـي والمرقب الخالي ليا هيب نرعـاه
عليت ياشيخ ثنـى ثـم طاحـي من دون ........يوم طارت رياياه



وقال نهار بن عموش العصيمي في الهنيدي بن مشعان ونايف بن جزاء:




ياعيال كبو الجيش ياللي تسومـون @@ يامـن يوصلهـا ديـار الحرابـه
روحو تتاجير مـع اللـي يبيعـون @@ والرزق عنـد الله ولا صـك بابـه
عقب الهنيدي عود الجيش في دون @@ الجيش ريح مـن حفـاه وعذابـه
وان عاش نايف عاض حي ينوحون @@ والكايده وان كان سقمـه غدابـه
مجمول وان طرق مع اللي يغنـون @@ كفـاي حـاظ مذوبيـن الطـلابـه
اهل بيـوت شيـدت يـوم يبنـون @@ في مرقـب كـل القبايـل تهابـه
واهل احكار بالقسـى مايشحـون @@ والضيف يبطي ماتحسـب وجابـه



ويقول فيه عبدالله بن دخيل الله الوباري في مشعان ابالعلا :




وخص لي مشعان عيد الركايـب عقيد برقا فـي نهـار الشبايـب
راع الشداد الـي يلـم الوجايـب وليا مشى تمشي القبيلة على ارياه



منقول

السؤال : من هم مطير المذكورين بالمعركة ؟

قـلب لآهنـت يآلذيـب

وإن شـاءالله يفدووك الآخوآنٍ

انشاء الله يفيدونك الاخوان

مشكورين على المرور ، والظاهر ان الغزو على الحمادين والصعران ايام المناويخ بين عتيبة وابن بصيص والله اعلم