معاناة موظف أرامكو...والعيد

اخواني أخواتي من المؤكد ان لكل عمل في الحياة ضريبة وموظفي شركة أرامكو السعوديه في عملهم من المشقة والتعب وسهر الليالي مالله عالم به

ونضام عملهم يحتم عليهم مخالفة الكثير من المناسبات بسبب ظروف عملهم التي أكثرها تكون بطريق الورديات وهنا أحد الموظفين يعبر عن سخطه على الشفت وعلى أنه قد خالف الناس وهم في العيد بهذه الأبيات البسيطه:

الشفت لخبط راحتي مثل نومي=والزّيت ماشي فالانابيب ويزيد
والزّام زام الصبح جعله يشومي=قد كان له مع ماضي الوقت ترديد
عزّاه ياحظٍ حسبته يقومي=عزّاه ياحظ العنا والتباليد
أحدٍ تليبس من جديد الهدومي=وأحدٍ معيّد فالعيد عند الرغاديد
و أحدٍ سواتي مايل الحظ يومي=وعليه مع لبس الكفرهول تمديد
قيجات بمب مكسرات الخشومي=ومراوحٍ تفتر من دون تبريد ومرواحٍ
وبيبات بقعا ما تعرف القرومي=لاشفتها ماغير أجر التناهيد
حالي على العيدين مثل الهشومي=متهشمٍ حالي على الضمّر الغيد
وألا على المقناص بعد العزومي=فالساحل الشرقي لحزم الجلاميد
حرٍ طليق مع الهوى والحزومي=غادي لأبن عدوان وإلا لبو زيد
ياصاحبي صبري قضى مثل يومي=عليك ياللي كايل الكيل وتريد
يالله يامنشي مزون الغيومي = أنك تعدّلها من الشّفت والقيد
شف يارفيقي قبل اقطّع هدومي=ما ابغى حقوقي.. بس لي حق فالعيد
ودّي اعيّد بين ربعي وقومي =والزام ماسكني على التيم تأكيد
ياليتني ياخي... موظف حكومي =ماعرف زام الليل وآعيّد العيد

منقول من الإيميل

م ن ق


أبن مصاول

كان الله في عون موظفي ارامكو


يعطيك العافية على النقل

تقبل مروري ...

كان الله في عونهم

وهذه طبيعة الانسان ملوول ، دائما يبي الدنيا تجي على كيفه وهذا صعب المحال

يعطيك العافيه يابن مصاول





جتني على ايميل ارامكو




حياك ياتاج راسي

عيد الاضحى يصادف زام ليل



ابن مصاول كلم المروح اللي عندنا عندي رصيد اجازه ثلاث ايام خله يطلعني ههههههههههههه

المشاركة الأصلية كتبت بواسطة عافك الخاطر

كان الله في عون موظفي ارامكو


يعطيك العافية على النقل

تقبل مروري ...

مشكور اخوي عافك الخاطر وشكراً لمؤزرتنا فيما يخص موظفي الشركة اللي يقضون الأعياد والمناسبات في العمل بعيداً عن الأهل

أبن مصاول

المشاركة الأصلية كتبت بواسطة راس الضلع

كان الله في عونهم

وهذه طبيعة الانسان ملوول ، دائما يبي الدنيا تجي على كيفه وهذا صعب المحال

صحيح يا أبو احمد الإنسان ملول جداً وفيه ناس يقولون حنا نبي نشتغل في العيد بس المهم Overtime ؟؟؟

وفيه ناس من الجماعه وغيرهم والله أنهم في العيد ما يشوفون اهلهم إلا تلاقيهم يضربون طريق الرياض روحى وجيئة !!! يدورون الرزق في العيد

رضا الناس غاية لا تدرك

أبن مصاول

المشاركة الأصلية كتبت بواسطة مالك البديري

عيد الاضحى يصادف زام ليل



ابن مصاول كلم المروح اللي عندنا عندي رصيد اجازه ثلاث ايام خله يطلعني ههههههههههههه

حياك يالبديري ومرحباً بأبناء عمنا ذوي بدار ..

وبالنسبة للدوام في العيد فهو حاصل هذه السنه ولكن عزاؤنا أننا في عيد الفطر كنا Days Off علشان كذا ما عندنا مشكله في عيد الضحيه المهم كبر الخيشه حقت الفلوس وخلك قعيطي في الديرة اللي انت فيها علشان تكون مبراطورية ذوي بدار في الحوطه ههههههههههههههههه

والمرووووح منهو لا كود أنه المنيف؟؟؟

سعد الرشيد عندكم مزعجني بالأتصالات يقول يبي يرجع

عندي رصيد اجازه ثلاث ايام

ومسوي زحمه والشارع فاضي علشان 3 أيام ؟؟؟ أنتبه ترى الـــPMP شغال هالحين والوقت من ذهب

ابوضيف الله وشلونك


لا المنيف في نعيم والرشيد عنده


الفورمن عندنا القريشه يامي والله انه اجودي بس بالاجازات نشبه

نفس معاناه الوالد

الله يكون في عونكم

يعطيك العافيه