قصة السبيعي وقصيره الدوسري

قصة قديمة حول المجاورة وطيب الجوار ، وجرت بين عبيد بن حويل من الخيالات من قبيلة الدواسر ، وجاره دحيم بن برمان من آل عزه من قبيلة سبيع ، وكان الاثنان جيران ، وقدر الله ان ولد الدوسري قتل ولد السبيعي ، فجاء الولد الى ابوه الدوسري ، وقال : انا قتلت ولد جارنا دحيم بن برمان ، وكان السبيعي لايعلم عن ماحصل حيث كان مسير على عرب بعيدين عن بيته وبيت جاره الدوسري ، فلما رجع السبيعي واقبل ناحية البيوت فاذا جاره عبيد بن حويل الدوسري واقف وهو ممسك بولده وفي رقبته حبل ويشد الحبل بيده ، فقال له دحيم السبيعي : علامك يا عبيد وش سوى ولدك عسى ما شر ، قال عبيد : فالح ذبح ولدك صالح وهذا ولدي اذبحه بدلا من صالح ، قال دحيم السبيعي : الذي مات ولدي والحي ولدي يا عبيد ثم راح وقبل رأس جاره عبيد الدوسري ، قال : ابشر بابنك وانحنى على الولد وقبله وقال : ابشر بأمك ، واستمرت جيرتهم وتبادلهم الجميل والمعروف وصلة الصداقة ، وبهذه المناسبة قال عبيد بن حويل الدوسري ابيات ثناء على جاره دحيم بن برمان السبيعي الذي تنازل عن دية ابنه وقال :






ياراكب هجن مراديم وسمان
عيرات الانضا مايرقع حفاها
ياراكبين الهجن نصوهن اعمان
ومروا على رفحا وروحوا وراها
في كل ديره جددوا لابن برمان
قصر من البيضا رفيعن ابناها
ثم اجنبوا من عندكم يم نجران
دار المذاكر دوجوا في اقراها
حطوا له البيضا على راس مابان
راع الفعول اللي طرى نباها
ومروا على الخرمه وحطوا به اعلان
اعلان بيضا كل من جا قراها
ونصوهن الحاير عسى دربكم زان
ديرة سبيع امتيهين اقصراها
وابنوا بدار سبيع بيضا لها شان
من مر ديرتهم يشوقه ابناها
يالله عسى ديرة دحيم بن برمان
لاجا سحاب الوسم يسقي جباها
اللي عطا جاره عطا ما بعد كان
يبغي الجزاء من عند رافع سماها
ماهيب لا غرس ولا ابل ولا ضان
ولا عطا دنيا ايدور جزاها
يبغي العلوم الطيبه مثل ما كان
قصيرته عطيت ولدها وجاها
يافاعل الحسنا جزاك الله احسان
فعلت لك حسنا على الله جزاها


بيض الله وجه السبيعي .. و جاره الدوسري
و رحمة الله عليهم جميعا ..


أعجبتني فنقلتها لكم .. دمتم بود


اخوكم عبدالله البرازي البرازي

قصه رائعه التي تدل على شهامة السبيعي وتنازله عن دية أبنه الذي قتله الدوسري .. الله يرحم أيام زمان للأسف ايامنا هذه نفتقد الجيره.. تحياتي سلطان الميزاني.

بيض والله وجه السبيعي ولا هي غريبة على الغلبا فقد عودت القبائل على فعل الطيب في كل شأن ومن الأمثله قصة المهادي وفراج السبيعي التي بقيت حتى الآن تروى للأجيال لكي يعرفوا معنى الوفا ....

التغلبي الدوسري ما قصر يوم ربط ولده بعد قتل جاره وتقديمه لجاره السبيعي لكي يقتص منه ورجل الغلبا له بياض الوجه حيث بشر أمه به ولم يقتص منه ولم ياخذ فيه ديه!!!

ابن مصاول: شكرا لك يا عبدالله على هذه القصة الرائعه وكثر الله من امثالك أخونا العزيز

هلا وغلا فيك اخوي سلطان وتحياتي لك

العفو اخوي بن مصاول وشاكريلك على المرور وابشر بكل جديد تقبل تحياتي

يعطيك العافيه

الله يعافيك وشكرا على المرور