يالي سلامك على اصحابك تكاثرته = الصد خله لناس(ن) يستحقونه

والي بحبك طوال الوقت دمرته = بالله اباانشدك كيف تعيش من دونه

وانت الذي من قديم الوقت سايرته = يالين خليت نفسه فيك مفتونه

وتمــــرّ تمشي مع الشارع ماعبرته = وصاحبك واقف ويمك تنظر عيونه

لاتحسب ان الليال السود غيرته = ولاتحسب ان العرب غيرك يسلونه

حتى ولو الظروف الصعبه جبرته = لو غاب مده لزوم انتم تعذرونه

الوقت قاسي وكل الناس خابرته = والحب سنّـــــه وكل الناس يمشونه

وبرج التجاره هل الاحزاب فجرته = وكل المريكان عجزو لا يعيدونه

حتى ولدبوش جالس ينظر غبرته = والقاعده بالتصاريح يتبنونه

والا انت حربك على مغليك كثرته = خليت كل العرب فعلك يشوفونه

وجمر الغضاء في صميم القلب سعرته= لوجبت كل المطافي مايطفونه

وحتى كتاب الغلا والود بعثرته = مزقتي اوراق كانت فيه مصيونه

وإن كان قلتي هذا مانيب خابرته= الظاهر انك يابنت الناس مجنونه

صح لسانك يا أبو عيسى على هذه القصيدة البديعه ...

تقبل مروري وإعجابي

المشاركة الأصلية كتبت بواسطة أبن مصاول (المشاركة 183900) وحتى كتـاب الغـلا والـود بعثرتـه=مزقتي اوراق كانـت فيـه مصيونـه صح لسانك يا أبو عيسى على هذه القصيدة البديعه ... تقبل مروري وإعجابي

المشاركة الأصلية كتبت بواسطة دخيل الغلإ (المشاركة 183910) صح لسانك ابو عيسي ع الابيات الجميل ودمت متميز

المشاركة الأصلية كتبت بواسطة ابن مشدد (المشاركة 183915) مبدع دائماً يابوعيسى وصح لسانك وقصيده في قمة الروعه

المشاركة الأصلية كتبت بواسطة جـبـرالـخـواطـر (المشاركة 184108) صح لسانك يابو عيسى لاهنت على القصيده الجزله