ماعاد فيها صبر ياناس وسكات = دام الظروف القاسيه فرقتنا
لي مدة(ن)مابين روحه وجيات = اروح وارجع والليالي حدتنا
فات القطار وكل شي(ن)معه فات = والي خذت منا حشا ماعطتنا
ياما صبرت سنين واونست طعنات = وسهوم ملهوف الحشاء موجعتنا
زعلت واخفيت الزعل قلت بسكات = اخاف من هرجت غشيم(ن)شمتنا
باله مريح ماعشق له جميلات = ولاشاف من بعيونها صوبتنا
الي لها بالقلب صوله وجولات = حتى ولو بغيابها عذبتنا
راحت قبل مده بقلبي ولاجات = قفت هوا بالي وهي موحشتنا
اخر لقانا يوم نص الشهر فات = في ليلة(ن)فيها الضروف اجمعتنا
ليله تساوي ضعفها خمس مرات = الله مجملها وهي جملتنا
مامثلها بالعمر هيهات هيهات = مادامها من نورها زودتنا
ياليتها تنعاد لو بس لحظات = وتعوضنا يوم الليالي جفتنا
زهمتها مره ومره ومرات = ياليتها وقت الندا سامعتنا
اضنها ترجع وترجع بما فات = مادامها من شهدها ذوقتنا
نبغا نعيد ايامنا البيض بالذات = والا الليال المظلمه ظالمتنا
ياملفي افزع وانت راع الجمالات = الحظ طايح والليال اجرحتنا

المشاركة الأصلية كتبت بواسطة علي حميدان الدجيما (المشاركة 286253) الله يبيض وجهك يابو عيسى على هالقصيده الشامخه وملفي يفزع ليش مايفزع لشاعرنا ابو عيسى تحياتي لك يابو عيسى والله يكون في عونك واكيد اعديناك بالغزل

المشاركة الأصلية كتبت بواسطة عز الخوي (المشاركة 286255) صح السانك يابوعيسى واعتلى شانك على القصيده

المشاركة الأصلية كتبت بواسطة أبن مصاول (المشاركة 286270) صح لسانك يا أبو عيسى وقصيدة جزلة وموفقه جداً ...وملفي يستاهل من يوجه له قصيدة

المشاركة الأصلية كتبت بواسطة ابن فارس الميزانى (المشاركة 286272) صح لسانك واعتلى شأنك يابو عيسى وقريت اول حرف من كل شطر طلع ملفي زبار الميزاني