جابك الله بعد ماطوّل غيابك=للخفوق اللي ضماك ولا ارتوا بك
ياهلا يامرحبا والفين سهلا=بالمكان اللي حظن حضرة جنابك
هو صحيح الذوق والا ذوقك انتي=او لأن الذوق ذوقك نبع ذاتك
والله ان القلب يفرح لاحضرتي=والقصايد كنها تاصف جمالك
كل شاعر لاتغنّى بالقصيده=صرت احس ان القصايد لك لحالك
المهم انك على قلبي سطيتي=والاكيد اني بعد فرقاك هالك
والاكيد اني عليك اموت واحيا=ارفقي في حال محبوبك وحالك
ايه انا دايم بقلبي مقبللك=مقبللك وانتظر لحظه وصالك
وانتظاري مل صمتك ياعنيده=والسؤال اللي محيرني جوابك
لا تعنّدك الليالي فوق صدك=ارفقي في حال من حبك وصانك
لو تغيّبك الليالي مانسيتك=والله انه في شراييني مكانك
ايه انا اللي فالمرايا تلمحينه=علّني مافقد وصالك واتصالك
كل مامرت عيوني في عيونك=قلتلك الفين مره ياهلابك

المشاركة الأصلية كتبت بواسطة منصور الدرين (المشاركة 410596) كـل شاعـر لاتغنّـى بالقصيـده صرت احس ان القصايد لك لحالك ياسلام يابن الشاعر صح لسانك ولافض فوك على هذه القصيدة العذبة إحترامي

صح بدنك يامنصور
والعذوبه مرورك ومبادرتك
كل الاحترام والتقدير
ياصاحبي
.

المشاركة الأصلية كتبت بواسطة الذكريات (المشاركة 410607) صح لسانك اخوي والله يعطيك العافيه

صح بدنك اختي الذكريات
كل الشكر لمرورك
ويعافيك ربي
.

المشاركة الأصلية كتبت بواسطة مواعيـ سراب ـدك (المشاركة 410608) صح لسانك اخوي ابن الشاعر وبيض الله وجهك على هالابيات الجزله والطيبه من طيب راعيها يعطيك الف عافيه .. وبنتظار كل جديد منك

صح بدنك اخوي مواعيدك
ووجهك ابيض ومشكوووور على مرورك المميز
وماعليك زود الله لايهينك
.

كل ما مرت عيوني في عيونك = قلتلك الفين مره يا هلا بك