في حفلة الدوشان وافين الاشبار = الي لهم بالطيب صوله وجوله

حبيت اشاركهم واغني بالاشعار = وكل الكلام الزين ودي اقوله

جينا لهم عانين من مبعد الدار = ناصين قومٍ من كبار الحموله

شيوخنا الي مايهابون الاخطار = ورجالهم دايم تنومس فعوله

اخوان جوزا يوم شخصات الابصار= يوم الملاقا كاسبين البطوله

يشهد لهم بالطيب في كل الاقطار= والطيب ماجاهم بيسر وسهوله

يوم انها بالشلف والسيف بتار = انتم هل الوقفات كلٍ يقوله

يوم النشامافوق قبات الامهار = انتم حصون الدار وانتم زحوله

وانتم ذرانا ياطويلين الاعمار = ياهل الوفاء والطيب ساس الرجوله

وحنا بني عباد لاصار ماصار = شدادنا المشهور ماحدٍ يطوله

من قوم ابن جبرين قصاف الاعمار= الي على الطولات يشعب ذلوله

سجل له التاريخ وقفات واخبار = ومن عانده ماحظه الشين حوله

وحنا ذوي ميزان لاشبت النار = حنا على قول المثل نص دوله

من ربع بن مدلج هل الطيب والكار= عقيد قومٍ نفتخر في فعوله

شيخٍ ليا جات المواجيب بيطار= له في كتاب المجد والطيب صوله

حنا مطير اهل المواقف والاشوار= حمر النواظر كاسبين البطوله

بين القبايل مثل سلمى وسنجار = متقاسمين الطيب عرضه وطوله

واليوم ساد الامن والخير بالدار= والفضل للي قايمٍ بالحموله

عبدالله وسلطان الابطال الاحرار = في حكمهم كل الصعاب محلوله

وسلام يالدوشان وافين الاشبار = يالي لكم بالطيب صوله وجوله

المشاركة الأصلية كتبت بواسطة أبن مصاول (المشاركة 181402) صح لسانك يا أبو عيسى ووفيت وكفيت يا غالي ودائماً حضورك رائع ومميز والصور كاملة تحت هذا الرابطhttp://www.almouazeen.com/showthread.php?t=14990

المشاركة الأصلية كتبت بواسطة دخيل الغلإ (المشاركة 181475) صح لسانك يا أبو عيسى ودمت متميز

المشاركة الأصلية كتبت بواسطة أبو راكان (المشاركة 181529) صح لسانك يابوعيسى.على هالقصيدة وانت جزل ولا تأتي الا بالجزل.الف شكر لك

المشاركة الأصلية كتبت بواسطة الـشـامخ (المشاركة 238944) صح لسانك وانت خير من يمثل الموازين