سلام الله على شاعر سليطه وفكره حبك=ما هو بي شاعر يشبه يوم يحبكها
احب اسمع بيوته ياعرب ما دام كله سبك=تهيضني بيوته وانبسط لقام يسبكها
ألا يالشاعر الفلتا ترى القيفان تاترهبك=لكن ابرك وشل حملتك والاولى ما نتركها
اخذ مني خبر عاجل تراي امحاك انا واكتبك=ليا مني بغيت اشعارك اربطها وفككها
ما هو والله غروراً مير ابا برك فوق اركبك=يالين اتشل ما شالت جمالاَ من مباركها
مثل ما احسب من الشعار يالشاعر تراي احسبك=لكن شفلك طريقه مدرجه في يديك وافركها
ترى الاوضاع يمكن يادخيل الله ترى تنكبك=اعرف ان الدروب العاصيه يالذيب تسلكها
ياطيب الهاجس الي لا بدا يا صاحبي يتعبك=يحدك يا ابن فاطم والمشاعر فيك يربكها
تراي العب بعمق بكل بيت والازم اعذبك=وبا بهذلك انا يالشاعر الي دوم لك نكها
لحالك بالشعر ما لك مثيل ولا احد يقربك=مغير أمحمد الي لا لعب بالفكر يككها
تحياتي يابن فاطم ولا تنسى تذك ارنبك=ليا جتك الشيوخ الي موثقةً معاركها

هلا يامرحبا ترحيبةً تعجبك ما تعجبك=ما هو شغلي تحرك هاجسي ولا يحركها
انا مدري وش الي يامحمد بالصعب منشبك=تعسرني وانا شاعر هوجسه ما تشربكها
انا برى الشعر لو كان تضربني ماني ضربك=اقول العيش والملح القلوب الابيض يملكها
لكن بالشعر لا بالله طاروقي يبا يدبك=نصحه شوفلك طرقه عن الجلاد وسلكها
انا شاعر عنيف الله يرحم ياولد شايبك=ولا اتخلين ازعل جما هيرك واضحكها
على نار القصايد يا ابن ماجد ما ابي اشلهبك=انا اعطيك النصيحه يا محمد وانت تتركها
ولو جن الشعر تحت امري ايحضرك ويغيبك=لكن اعصابك اليا شفتني حول تملكها
اذا ودك تبركني وانا الجلاد انا طالبك=ليا شفت الجمال اتهدر لا تحاول تبركها
خويي وابن عمي وانت كاسبني وانا كاسبك=ويجمعنا المصير ولقمة العيش انتشاركها
ولا كن كل ما ثارة جنوني شعر ابا احاسبك=وانا احسابي تعرفه وانت زلاتك تدركها
وانا العب مثل ما تلعب تلاعبني وانا الاعبك=وهذي عندي احسن واسعد الحزات وابركها

اخذ مني خبر عاجل تراي امحاك انـا واكتبـك
ليا منـي بغيـت اشعـارك اربطهـا وفككهـا
ما هو والله غروراً مير ابا برك فـوق اركبـك
يالين اتشل ما شالـت جمـالاَ مـن مباركهـا

صح لساانك يا ابو ماااجد انت ودخيل الله

شعاار ما فيكم حيله .. ومسااجله قوويه وجزله من أهل الجزلات ..

استمتعت بهاا كثير . الف شكر لك ع نقل المسااجله المميزه هنااااا

فى انتظااار جديدك يا الذيب ..

دمت بحفظ الرحمن ,,,,,

صح لسانك يابو ماجد وصح لسان الشاعر دخيل الله فاطم
مساجله رائعه

المشاركة الأصلية كتبت بواسطة برق (المشاركة 331305) صح لسانك يابو ماجد وصح لسان الميموني واشكركم على المساجله

المشاركة الأصلية كتبت بواسطة علي حميدان الدجيما (المشاركة 333440) صحة اللسنت الشاعر المبدع محمدماجد والشاعر القدير الميموني ومساجله جميله تستحق الاشاده وشعرا غنين عن التعريف وشهادتي فيهم مجروحه واسمين لامعين في الشعر والله يوفقهم ونطمع في المزيد من قصائد هولا الشعرا المبدعين ابو ماجد وابو فطم تحياتي وتقديري لكم