يالله يالمعبـود يالوالـي الـرزاق=يالواحد اللي مال غيـرك عبـاده
ياوالين خلقـك ياربـي ياخـلاق=ياسامعن حتـى دبيـب الجـراده
تلطفلي بحالي ليا نشفـن الاريـاق=وانك اتذكرنـي بنطـق الشهـاده
ترحمني اليا التفت الساق بالسـاق=ولا عاد به نفعن لطـب وعيـاده
تجعلي خاتمتي قبل وقت الاشراق=في مسجدك ساجد وخاشع زيـاده
في وسط بيتك واطلب العفو مشتاق=وادمحلي ذنوبي كما يوم الـولاده
واليا نزعت الروح ثم جالي اشهاق=ولا عاد لي قـدره ولا لـي اراده
ثم ساقوني علـى قبـري اسيـاق=وحطوني بوسطه ظليمـن سـواده
وادفنوني واعلنوا وقتهـا فـراق=وخلوني بجوفه بلا لحف ووسـاده
عني على اجابة سؤالن علي شاق=ياسعد من هـو ترزقـه بالافـاده
واحسنلي المثوى ياربي يـارزاق=في جنة الفردوس بيـت وسعـاده