حبيب العازمي وبن غازي
 

رد: حبيب العازمي وبن غازي
 

حبيب العازمي


يالشاعر اللي بالحجر سويت حوش وغرفتين
اما تكمل بنيها والا نروح نهدها
وش قلت الك يا شاعر المطران قدام سنتين
واثرك تذكيها وتترك دمها في خدها


عبدالله الميزاني

وش كنت في غزوة بدر وش كنت غزوة حنين
ما انته على ما تشتهيه تمدها وتردها
انته ليا منك قريت الفاتحه ما قلت امين
ما ابغاك تاقف في وجيه القوم ما انت بقدها


حبيب العازمي

السحر جاي ٍ به من المغرب وسحر عمان وين
يا خي تراها مشكله عش الضيوف وغدها
يالمفتي اللي في جبينك نص نور وسجدتين
الكتب سبعه واربعه واثنين وانته ضدها


عبدالله الميزاني

اهل الرويليه عرب مقفين والا مقبلين
الله ولا سود القلوب اللي تبيح سدها
انا ادري انك من حمار الطين وانته فالبطين
والجيش جتنا زرفله والشد ما هو شدها

حبيب العازمي

ترا وصلك بواردي امنع يا راع المارتين
لا عاد ترمينا من الشمطا وتجلس سدها
رجعت يا سوار الذهب والشعب عود فرقتين
ما عاد ندري نكره السودان والا نودها

عبدالله الميزاني

علم ٍ معنيني يجي فالفار والا فالطحين
من يدهن اللحيه بسمن من المشوط يكدها
تقدر تعلمني عن المعنا على عد اربعين
يالفارس اللي كل ما جيت الجيوش تصدها

حبيب العازمي


اللي يربي لحيته على طريق المسلمين
وانته علامك فوقها الامواس دوم تحدها
هذاه شرط ٍ كان ما بين السبع وابى الحصين
وابى الحصين من اللعانه ما استطاع يعدها


عبدالله الميزاني

يهيب يا هالمتقي والعاقبه للمتقين
لكن لابد الليالي المقبله لا بدها
يالعازمي كل الاوادم فالكلام محاسبين
والناس من يقدر يفرق مزحهها من جدها


حبيب العازمي

ما هيب دايم عافيه اصحوا معي يا نايمين
اثرك يا بن غازي تحكم الجن من كثر الدها
ام الكباير تايبه والله وكيل التايبين
واللي ما يعرفها يلعنها ويلعن جدها

عبدالله الميزاني

الله يا كبر الفايده واهل الحويه محتوين
يالعازمي كم عين تكحلها وعين تلدها
صليت ركعه وانت يا شاطر تصلي ركعتين
وان كان ما تدري ترا عكس المصادر ندها

حبيب العازمي

الله يا كبر المشكله واهل الحويه سالمين
وانته تبى تهرج معي لين الثياب تقدها
خابرك تقرا يالمطوع في رياض الصالحين
والركعه اللي نص ساعه ساعتين تمدها

عبدالله الميزاني

اشوفها ترفد واثرها من بلاد الرافدين
واخر مطاف الجوع ياكلها وتاكل بدها
الله يا وقت الصحابه يا زمان التابعين
والناس فيكم يالعوازم ودها ما ودها

حبيب العازمي

الخنجر اللي تقتل الرجال شبر وقفلتين
اخو صديق يسلها واخو رفيق يحدها
الفرق فرق المعرفه وانته تقول الفرقدين
حنا قسمنا لاقصرانا قسمها ويسدها



الله الله هذا العب ولا بلاش
ماكل شاعر يقدر يفهم هذا المعنى
مشكر اخوي على النقل
صراحة ذوقل رفيع المستوي
تقبل مروري

رد: حبيب العازمي وبن غازي
 

الشاهوق يعطيك العافيه

ميزة حبيب انه يعرف كل شي عن عبدالله لو يشوت حصاه برجله فالشمطاء درى عنها

رد: حبيب العازمي وبن غازي
 

لاهنت اخوي الشاهوق على نقل هذه المحاوره

رد: حبيب العازمي وبن غازي
 

هذه المحاورات اللي عليها الكلام .


لله درك يالشاهوق على اختياراتك الرائعة , واعتقد أن هذه المحاورة هي من من محاورة مكة قبل أسبوع تقريباً .



سوار الذهب وحبيب حالياً يمثلان الهرمين الأكبر في شعر الرد .

رد: حبيب العازمي وبن غازي
 

الشاهوق يعطيك العافيه ذوقك راقي وهذه المحاورات اللي يتعب عليها بصراحه
سوارالذهب وحبيب العازمي ثنائي خطير وعزالله انهم بحور شعر


الف الف الف شكرا اخوي الشاااهوق

رد: حبيب العازمي وبن غازي
 

تصحيح المحاوره قديمه نوعن ما


على العموم مشكور يا اخي الشاهوق الله يعطيك العافيه

رد: حبيب العازمي وبن غازي
 

رد: حبيب العازمي وبن غازي
 

يعطيك العافيه الشاهوق..
انا اشهد انها محاوره وبيض الله وجهك