رضا الاخصام جبريه..!
تقدم يا زعيم الفكر لو ان الظروف اسباع=نبي نسوق القوافي والليالي نارها حيه نوردها على عد الجزاله والحياض ابداع=ونرويها من التصوير لعيون الشقرديه أخيل المزنه اللي لاتكاشف برقها باضلاع=تشوف الشرق الاوسط فوق كفينٍ لجنيه اشوف الهامه اللي مايعه بكفوفها الاشماع=فلس في خدها الايمن والايسر فيه طينيه تجمّع وجهها بخدودها ودموعها تنبـــــاع=عرفناها بزيتونه عصرها الوقت والنيه بكت من جور ابوها ثم اخوها للمذله طاع=سباها من حماها ثم عماها اعهود سريه خباث نفوس فيها نجوس والبايع بهم طماع=يحرم فرض حلل عرض والنيه تجاريه وآلا يافذةٍ في كف رجلٍ ماعليها اقماع=تهارش لجلها العدوان في صوره دفاعيه يبون النخله اللي قد رواها العرق والادماع=وخرّاف النخل خوّان لعروق ٍ يهوديه يصيح الشرق والمغرب دموعه تنتثر ارباع=عواصم شرق شافت غرب منحوره بجنبيه حماه بلاد لكن البلد عاش بسمــــاه انزاع=عشيق الارض مسك وصايره بالدم مرويه وآلا ياهيلتي فاالمركب اللي ماعليه اشراع=على بحرالعرب رادار طيارات جويه مسيرة دفن ماشفت الكفن والسالفه بقناع=غباوة فكر والاّ الناس في حاله جنونيه عيار الغدر فج الصدر لجت بالسما والقاع=تغاريد ٍ عليها من سهام الغدر ماريه حقيقه والحقيقه مثل شمع ٍ بالحراره ماع=وضاع الحق بزياره وجولات ٍ سياحيه لبسنا من ثياب الذل راغ العز منا ضاع=ومحينا المجد والذل انقش بسطور مقريه تكدّر خاطرٍ مغبون زادت جوفه الاوجاع=عجيب الرجل يرضى الذل والقوه جماعيه يسولف عن وجار الجار قوم البرج والمذياع=تعلل به نهار وليل في جلسه حماسيه ذياب ٍ في ليالينا كشفها مْن السما اشعاع=فضحها نور قمرانا وجتْ للعين مرئيه تخاطفنا كلاليبٍ عليها مْن السموم انواع=وانا سيفي صلاح الدين والصمله مطيريه زعيم الفكر ياصف له سباعٍ كلبوها جْياع=تكشر عن نياب ٍ والحلايا اسيوف هنديه رثيت الحال كيف الحال تتغير به الاطباع=سكن بقلوبنا ذل ورضا الاخصام جبريه تمرّد قوم جاب اللوم صاح البوم بالاوضاع=وصارت شمسنا ضيم ٍ وفيتنا لهم فيه |
رد: رضا الاخصام جبريه..!
صح لسانك اخوي صالح على هالابيات الرائعه
|
رد: رضا الاخصام جبريه..!
اقتباس:
عنود الصيد صح بدنك وتتقزم الأحرف عند حضورك إحترامي |
رد: رضا الاخصام جبريه..!
صح لسانك أخوي صالح بن عمار
|
رد: رضا الاخصام جبريه..!
صح لسانك وعتلا شانك اخوي صالح عمار شاعر جزل
الله لايهينك تحـ لك ـــياتي |
رد: رضا الاخصام جبريه..!
صح لسانك اخوي صالح على القصيده الجميله دمت بخير
|
رد: رضا الاخصام جبريه..!
لجميع من شرفني وشرّف متصفحي أقول بيّض الله وجيهكم جميعاً وصح أبدانكم مروركم كــ/العبير يفوح في أركان المتصفح وردودكم غيث إرتوى منه المتصفح آل النخبه الكرام تحيه كبيره تليق بسموكم وتقدير لا يواسيه تقدير ودي للجميع |
رد: رضا الاخصام جبريه..!
صح السانك كلمات رائعه اخوي صالح يعطيك العافيه
|
رد: رضا الاخصام جبريه..!
صح لسانك اخوي صالح وبيض الله وجهك ماقصرت
دايما جديد مميز عساه على القوه |
رد: رضا الاخصام جبريه..!
صح لسانك أخي صالح وقصيدة رائعة على أنها تمايلت بين الرمزية و الوضوح أحياناً
اشوف الهامه اللي مايعـه بكفوفهـا الاشمـاع=فلـس فـي خدهـا الايمـن والايسـر فيـه طينيـه تـجـمّـع وجـهـهـا بـخـدودهـا ودمـوعـهـا تـنـبـاع=عرفـنـاهـا بزيـتـونـه عـصـرهــا الــوقــت والـنـيــه تقـدم يـا زعيـم الفكـر لـو ان الظـروف اسبـاع=نـبـي نـسـوق القـوافـي واللـيـالـي نـارهــا حـيــه نوردهـا عـلـى عــد الجـزالـه والحـيـاض ابــداع=ونـرويـهـا مـــن التـصـويـر لـعـيـون الـشـقـرديـه كفووو يا صالح وأنت أبو جزالة دائماً |
الساعة الآن 06:54 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir