حصريا لمنديات الموازين هذه التحفة المتألقة للشاعر:
محمد عامر بن نيف

يا طير .. قل للرجم ماني مجافيه=ما دمت في رجوى الكريم متلوي
لكن عليّ اليوم عسرة مراقيه=مضمر جروح ومحتمي ومتكوي
هذا ولا ودي هالايام اعديه=متعكر ٍ من كثرة الحوم جوي
النوم يندهني سخاء .. ما التفت فيه=لا قال عجّل .. قلت توّك وتوّي
سوّي على الفنجال اديره واساقيه=من رايب ٍ خاثر على جال ضوي
احيان اشيل الضيق .. واحيان اخليه=لين المراوى قضّني من علوي
قضيض وادٍ قضّته من عواليه=غرّىً رعدها في سماها مدوي
لو ضيقوا خلقي خطاة البهابيه=صدري من الحلم الغزيز متروي
ما عاد هي لحية عتاب ومشاريه=ماتنهض الشرهه عظام متثوي
لا صرت امير العفو .. ابا ارفاه واعفيه=لوم الرزايا ما يليق بسموي
يا طير أنا اللي كل الأبصار بيديه=لكن تجي حسناي من دون سوي
تدري وش اللي يوهي الرجل ويتيه=ويصير عقله مثل عقل المهوي
لا صار يقدر كل شي ٍ يسويه=ويتيه ما يدري وش اللي يسوي

تدري وش اللي يوهي الرجل ويتيه=ويصير عقله مثل عقل المهوي
لا صار يقدر كل شي ٍ يسويه=ويتيه ما يدري وش اللي يسوي

لي عودة مرة اخرى لهذا الجمال الشعري الفريد صح لسان الشاعر الكبير محمد بن عامر بن نيف