من نسنس الغربي وذعذع براده=ما عن هدفنا الي رسمناه تجنيب
ماهمنا من غش وأظهر حياده=محسبين لكل الاحداث تحسيب
ما صابنا الا شيءٍ لله اراده=ما طبعنا نردف على القول تعقيب
لو كان خشم الطرس ينطف مداده=ماهو بحاجب شمس تشرق ولا تغيب
ياصاحبي حذرى الكسل والبلاده=حذف القفا يدمي عراقيب ويخيب
اضرب على رأس الحنش في مهاده=لاتنتظر عضًه وانا اخوك ياذيب
للخاتمه والفوز نطق الشهاده=لايمنعك عن نطقها موقف مريب
الليل في أتلى الليل لهو وعباده=في مرتع السمار في مسجد الطيب
والصقر يكشف معدنه من هداده=اما شهر والا وقع في اطرف شعيب
ولاكل من هقوى يحصًل مراده=جبر الرجال من المحاذير وصعيب
جيش السعوديه لحرك عتاده=يشطب على اهداف المعادين تشطيب
جيشٍ رهيب ومخلصٍ للقياده=مطوره سلطان قوه وتدريب
من لا يدافع عن حماه وبلاده=هذاك لاشفتوه قولوا له أيهيب
دون الوطن يامرحبا بالشهاده=طاعه لقادتنا تهون الاصاعيب

أيبالله أيهيب