السلام عليكم ورحمة الله وبركاته
حرب شعري بيني وبين شاعر الغربه حرباً طويل النفس وقد لا ينتهي اليكم القصيده

مساء الخير قود افننق ياشبل يابن عصيم=من الشاعر الي شب ناره ولا اطفاها
بيوت ابن ماجد كنها الجمر فالتقديم=ليا قدمت بالعود الازرق لمن جاها
قبل عام يابن عصيم جانا خيال وغيم=ولا انكر مزوناً فالسماء قد نزل ماها
ياحي المزون اليا ادفقت ثم رشة ديم=وهلت سيول مشختره بامر مولاها
تزين الخواطر وانت خاطرك وجهت ليم=ولاحداً عرف خاطرك والنفس بخفاها
وانا واصلن لي علم والعلم من تعليم =وبا وصله لك فالقصيده ومعناها
تركد وركز ياشبل وانت شعرك هيم=ومن اكبار شعار الجزالات واقواها
لقيت الك رسمة فن من قوة الترسيم=تحير هل الرسمات واتغيب اسماها
هل اتقانك الرسمتك وصلك صدر الريم=واهل انته وصلت المنيتك او تمناها
حلالأ عليك او انها محرمه تحريم=عط العلم وابشر بالمبادي ومبداها

رد الشاعر

هلا مرحبا والسالفه بين سين وجيم=ومن يكتب عباره على الناس يقراها
تفتش بدون اسباب يامركز ابن غنيم=عساكرك فوق الدرب بالعين شفناها
علومك يابن ماجد لها عندنا ترجيم=اخذ ترجمة وجهة اعلومك ومغزاها
بيوتك تبي تحكيم من لجنة التحكيم=علاشان تعرف خطوتك وين ممشاها
انا وجهتي لرضي وبرضي تراي مقيم=وانا عارف ادناها قبل لا اعرف اقصاها
وانا يابن ماجد ما نزلت ابمكان اوخيم=ديار الوخام امرها واتعداها
وانا ما عرف سيارةً فوقها تعميم=والا ارمي هزال الصيد لو زان مرماها
وانا ما رد اعدوداً عليها الضوامي حيم=ادور عدوداً صافيه ما حداً جاها
وانا اخاوي الصاحي ولا انظر لواحد نيم=لون البشر صاحينها مثل مرضاها
وانا وانت نعرف ناتج الجمع والتقسيم=لاكن لا تثور بندقك داخل اخباها

صح لسانك يابو ماجد وصح لسان الشاعر شبل بن عصيم
مساجلة كبار ومعاني كبيره
.