ياوجودي وجد من مر تفتيش القصيـم=ما معه رخصه وماشي بسرعه هايلـه
وقفوه بشين خاطر تقول اكبر خصيـم=وابتسـم وكشـرو واكثـرت زمايلـه
قال مير العسكري عوذ ابليس الرجيـم=وطال ليله فـي محلـه وهـو يحايلـه
قال له العسكري وابـك والله العظيـم=ا نفكك ليـن تـرا النجـوم القايلـه
قال انا في ظرف مير افزعو لي يالرخيم=أبك مافيكـم شقـردي ويمنـاً طايلـه
وطالع الاسمـا ليـه بابقـر وباعقيـم=والقبيلي غيّـر اسمـه وحـط العايلـه
وان هذا مثل هـذاك كلـه سيـم سيـم=غير واحد ناسي الاسم مـدري شايلـه
وكرفسوه بنجـدةٍ ساقهـا عبدالرحيـم=وتلها للسجن سـرع ونسـي مبايلـه
ويوم جو السجن وليا خفير السجن نيم=وحول ساعه لين لقيـوه فـي دحايلـه
ودخلوه السجن قال ابـك ياعبدالرحيـم=المبايل عانـه بجنـب كـرت العايلـه
انتبه لاينسرق ثـم اروح بسيـن جيـم=عطني الجوال ابزهـم رفيـقٍ جايلـه
وطنشه ما جا تقل مقترف ذنبٍ جسيـم=وزاد من جور الدهر والليـال المايلـه
وقام هو والجندي المستلم شتم وشتيـم=ولا نفعه لا رفـع صوتـه ولا محايلـه
ذا وجودي يوم مريت تفتيش القصيـم=ولتركوني لين شفت النجـوم القايلـه

صح لسان الشاعر سعود القت .. وتسلم انأملك على النقل الرائع .. تقبل مروري .. سلطان الميزاني.