منتديات الموازين الرسميه - قصة وقصيدة شاعر غطفان والهيئه

هذه القصة والقصيدة يخبرنا بها هزاع بن هايف البديري إذ يقول:

السلام عليكم ورحمه الله وبركاته .

مساكم خير انشالله . اليوم جايب لكم قصه وقصيده لوالدي رحمه الله

استدعى والدي من قبل هيئه الامر بالمعروف والنهى عن المنكر بمحافضه ساجر . ولما اتى الى ساجرسال عن الهيئه وهو مايعلم وين اصلن موقعهم قام ينشد حتى وصل المهم جاء وقال لااحد الاخوان الى على مكتب الصادر والوارد. انا هايف بن نعيم المطيري ..

قام الرجال وسلم عليه وقال اصبر شوى هنا انت لك طلب عندنا ..

قال ابويه عسى خير.

قاله: ايه بس ابى ادخل على المدير وابى اقوله انك جيت.

قال العود الله يرحمه: خذ راحتك .

المهم قال للمدير : عندنا واحد اسمه هايف بن نعيم ويقول انه يبي يدخل عليك.

ضحك المدير في وجه الموظف وقال: خله يتفضل.

دخل ابوي وسلم على المدير يقول ابوى : المدير مغار يتبسم في وجهي.

قلت يالله عسى خير -تخبرون واحد مدعي من قبل الهيئه ولا يعرف وش يبغون فيه الله يستر- المهم قام المدير وفك الدرج الى عنده وقال لبوى وش اسم الولد قال ابو نعيم .

قال المدير: اسمع يابو نعيم حنا جتنا قصيده والله العظيم انا ماندري منهي منه .
ويتكلم عن الهيئه ويقول انا رافض وجود الهيئه وانتم ازعجتونا خلو لنا الطريق .. وقام وحذفها بالحوش حقنا ويوم فتحنا الصبح جابوها لي وقريتها انا واحد من اخوياي في البنك الزراعي بساجر وقعدنا ندعي عليه وقالي خويي ان فيه واحد مطيري شاعر كبير والكبير الله انشالله انه يرد عليه ويحارب هالنوعيه .
قال العود يابن الحلاال عطنيها ابى اشوفها قال انا طالبك يابو نعيم انك ماترد طلبي.
قال العود ابشر باالى تبغاة . حنا مكملين لبعض وانتم جزاكم الله خير في الى تقدمونه تجاة الناس من الامور الطيبه ومن محاربة المنكرات .

وحماية اعراض خلق الله والكل يشهد لكم بالخير في كل المجالات.

قال: ابيك ترد عليه.

قال العود: ابشر بس هاتها وانا اسدكيه عطاها ابوى وقرها وقال زين.....

ابى منك تعطيني وقت يعنى يومين ثلاثه قال الشيخ ابشر يابو نعيم الى تبي قال ابوى وتلقى الخبر عند خويك الي معي في البنك خوين لبوى , ابوى كان شغال في بنك الزراعي بساجر ذيك الايام وتقاعد منه ..

والمهم لكم القصيده الى ابوي يبي يرد عليها . انا مانى حافظ قصيدة ذلك الانسان حافظ منها ابيات بسيطه .. اليكم ..

ياهيئه الامـر بالمعروف *** مانتى على الناس مكـلوفه

مار اتـركو لا بس النفنوف *** الى بلى النـاس بـردوفه

الزين يمـشي وراة اولوف*** والشـين محدن يبي شـوفه

والقصيده اطول من كذا ..

ولكم رد العود رحمه الله ..
وعطها الشيخ وقال يابو نعيم بارك الله فيك كفيت وفيت وماقصرت وصارت علاقه حميده بين ابوى والشيخ .. حتى ان ابوي يوم توفى رحمه الله جانا الشيخ لحد البيت وعزانا جزاة الله الخير ..الشيخ / فيحان الغربي ..

ارسل إليــــــــــــنا ثلاث احروف = عن يمت الهــــــــــرج مصدوفه
اكــــــــــــيد من قالها ملقـــــــــوف =قد سكن ابلـــــــــيس في جوفه
اضعيـــــــــــــف ذمه ولا به خوف=تنبي عن الفاســـــــــق حروفه
لو يترك الامـــــــــــــــر بالمعروف=تصيــــــر الاعراض مكشوفه
حيثن بعض الرجــــــــــــال اضعوف=على الحيـــــــــاوين ماصوفه
الديـــــن يمشي وراه اصفــــــــــــوف =ولا هل الشـــــــــــر مكتوفه

رحم الله شاعر غطفان واسكنه فسيح جناته ..

والسلام عليكم ورحمه الله وبركاته ...

.................................................. ........................

أبن مصاول: قمت بتعديل بعض الأخطاء