منتديات الموازين الرسميه - يا متعب القلب قلي وش غلطاتي

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - يا متعب القلب قلي وش غلطاتي (http://www.almouazeen.com/showthread.php?t=16567)

يا متعب القلب قلي وش غلطاتي

يا متعب القلب قلي ويـش غلطاتـي
ان كنت انا اقدر اعدلهـا .. بعدلهـا

لصرت تجهل عناء الدنيا .. وضيقاتي
من دون ماشرح لك اوضاعي تأملهـا

الوقت ضدي .. حرمني من ملذاتـي
والصد بعدك ذبح روحي .. وكملهـا

لا .. لايغرك كثير الصمت .. وسكاتي
خل المشاعر تقول ( الآه ) وإسألهـا

يسكني الحب .. واضح من عباراتـي
وش عاد لجلـك حروفـي لـو أذللها

عذبني الشـوق واسرفـت بخيالاتـي
روح ٍ تحبك دخيلـك ليـه .. تهملهـا

ياليتك إشـوي تشعـر فـي معاناتـي
دنياك يمكن عليـك تضيـق باكملهـا

الحزن كنه سفيـري فـي علاقاتـي
والهم خيّم علـى حالـي .. وطولهـا

اغديت دربي وتاهت فيـك خطواتـي
كل المواعيـد مـدري ليـش تجلهـا

سنين احاول وضاعت كـل حيلاتـي
متدري اني ( حيـاة الـذّل ) مقبلهـا

لجيتك أسال وادوّر فيـك ضحكاتـي
كنك تعمـد بيديـك اليـوم .. تقتلهـا

لا تترك الظـن يلعـب باحتمالاتـي
الكلمه اللي تحـزّ بخاطـرك .. قلهـا

تعال شفني وحـس بحـال لوعاتـي
كن الدقايـق بدونـك عـام مطولهـا

متى التباشر بقـدوم ( الغـلا ) تاتـي
فرحة زمانـي بشوفـك مـا تخيلهـا

خلاص صبري تعـدى كـل هفواتـي
اتعبت نفسـي ( اعزيهـا .. وعللها )

ابيك تنسى وتدمـح كـل ( زلاتـي)
بعض البشر صعب مانقـدر نزعلهـا

والحين جيتك أبمسـح كـل غلطاتـي
دنيـاي دونـك وربـي ماتحملـهـا

الشاعر غير معروووف لدي