بسم الله الرحمن الرحيم

السلام عليكم ورحمة الله وبركاته


اقدم لكم القصيده المتواضعه من باب التواصل واتمنى ان ترتقي لمستوى ذائقتكم الرفيع

البارحه يوم اكثر الناس هجاع=وانا على جنبي يسار ويمينا
ذكرتلي خلن له القلب منصاع=حبه بوسط القلب مبطي دفينا
عزالله اني صرت انا فيه ملتاع=الصاحب اللي تجرح سهوم عينا
من يوم شفته راعي عيونن وساع=والخد وردي لبا ذا لوردتينا
والزين يمه صايرن حيل مطواع=لبا الرموش الهدب لبا الجبينا
من يوم جانا والقمر عننا ضاع=ماعاد يسوى طلته كل حينا
هذاك ياللي بالحلا صيته يذاع=سبحان من سواه واعطاه زينا
ياوجد حالي كل ماهب ذعذاع=ذعذاع ويحرك قلوبن سكينا
اسج وادلهبه على طول وبساع=واقول ياليتي معه ذا الحينا
ياصاحبي قلبي من البعد جزاع=ولانيب انا عنك من الملتهينا
والله ودي اني امدلي شراع=واسج في بحر الهوا بالسفينا
واصلك ياللي ماخذن قلبي وداع =واضمك لصدري واشد اليدينا
واقول لك كلي لك السمع والطاع=ياآسرن قلبي سواة الرهينا
واعلنت لك حبي لك اليوم ثم شاع=حب النقا والعز ياسامعينا

وتقبلوا ودي وتقديري

محبكم عبدالله العوني